TI'INAANGW 26:7 - Biblía Axweesantá Hhohho' ar Mungú 2004

⁷ «Kuúng tuuntukmár heéma tleehheek ar inqwaruú mibaá nee wak oo taa tleéhh ar se'éngw aara.

TI'INAANGW 26:7 Iomraidhean Croise

WARA'AMI 45:13

Dasír waawutmo i baraá do', xáy i hhohh'aeér, tlabaawós an tlabaá taa tleéhh ar neewór sahaábu.

TI'INAANGW 25:4

nee neewór taa tleéhh ar se'éngw bee/aangw ar kaloó sirboó/, nee ar sirda/aten, nee ar da/aten, nee kitaánír hhohho', nee neewór se'éngw aara,

TI'INAANGW 26:1

«Heémár Mungú tleehheek ar inqwaruú mibaangw oo taa tleéhh ar kitaánír hhohho', nee neewór se'éngw bee/aangw ar kaloó sirboó/ nee oo sirda/atén nee oo da/atén. Inqwaruuwí kuri parootús ar slaqsa'aá keruúbi nee heé tleehhamooro gi baál.

TI'INAANGW 26:12

Tlaqtidá' inqwaari aa met ka tareeré' amór alaá heémár wa ale.

TI'INAANGW 26:14

«Daqaní tuuntukumár hatlá' ar heéma ka tléhh sleeme ar kadaá natsaatsa'á' awa gwaandaawe, ka slík ar kaloó daa/aát, nee tuuntukumár hatlá' tleehheek ar kadá natsaatsa'á' aara.

TI'INAANGW 26:6

Daqaní muqslár afe mogól ar mibeeri kooán ka tléhh ar sahaábu as inqwaruudá' tsaraawo kuwa haraagas, nee heéma tari wák.

TI'INAANGW 26:8

Tlenángw umuúqo inqwaariro a miíta mibaá nee tám, nee uroó bihheero a miíta tsár. Inqwaruuduú mibaá nee wak masók i alqón.

TI'INAANGW 26:9

Inqwaruú kooán hiriiteek kuwa afa qamiin as kuwa inqwaarír wák tlehh, nee kuduú hatlá' lahhoó' ku adoorí láq sleeme. Inqwaaridár lahhoó' amór geeraá heémaro an sagaáwa tsár wa waageqeér.

TI'INAANGW 35:23

Umuúqo heewo oo neewór sirbo/ ar se'éngw bee/aangw ga koóm ngina huúw, nee ar sirdaa/aten nee ar da/aten, nee kitaánír hhohho' nee se'éngw aara, nee kadaá gwaandaawe awa taa da/ateemiís, nee kudaá taa natsatsaeemiís.

TI'INAANGW 35:26

Nee /ameena sleémeero ar tlaatlawiingw gu aleeslaw, nee ar muunaáwí gu koom, se'éngw aara nguri tlaatlawiné'.

TI'INAANGW 35:6

nee neewór taa tleéhh ar se'éngw bee/aangw ar kaloó sirboó/, nee ar sirda/aten, nee ar da/aten, nee kitaánír hhohho', nee neewór se'éngw aara,

ISAYA 4:5

Aluuwo umuúqo diiro gawaá tloomár Siyoniro, nee wa/aamér dinku'uumár muko, qoomár tlaatla/ango AAKOÓ MUNGÚ gan huunkár tuuntuuk, nee xweeraawo gan tuuntuuk ar quui nee tsángw asla oo gwa/aát. Tam adoorihe xirfuú AAKOÓ MUNGÚ gixsa sleémeero gan tuuntuuk ar heémaarós, nee gari de'én.

FAARO 3:25

Gadiyér daaqoó Gershoni a heémár hhoohhoo' amohhe'eemis, heémaadá' dinkwa nee tuuntukumaarose, nee inqwaaridár afkú heémár Mungú,

FAARO 31:20

Gár hariim a umuúqo tlawuuwo un hheehhe'esá' sleeme, nee umuúqo gár taa tleehhi ar kaahari, nee gár taa qo tleéhh ar se'éngw aara, laqaá ar taa tleehhi ar xa'ano hheehhe'eesaak.»

FAARO 4:25

Inooín tuuntuukumár didá' hhoohhoo' ngin loohisiyá' nee tuuntuukumár heémár Mungú, nee kaahartá natsaatsaa' ar leei, tidá' taa daanduudár tuuntuúk, nee inqwaarír afkú heémár Mungú.

1 Petro 3:4

Ala hhohhoaarirhúng masók a hhohhoaaridár baraá muuná, tidá' geetlaakw, slám i hhitirutaká. A hhohhoaaridár muunuú tsatsa'aár nee amohhoa. An tidá' ló'wa afhhamít dír geeraá Munguhe.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»