TI'INAANGW 26:6 - Biblía Axweesantá Hhohho' ar Mungú 2004

⁶ Daqaní muqslár afe mogól ar mibeeri kooán ka tléhh ar sahaábu as inqwaruudá' tsaraawo kuwa haraagas, nee heéma tari wák.

TI'INAANGW 26:6 Iomraidhean Croise

TI'INAANGW 26:11

Kuúng muqslár mibeeri kooán ar afe mogól tleehheek ar muqslir sirdaa/aat, ka tsék ar tlini'idá' as inqwaruudá' kuwa dinkwaárií haragas.

TI'INAANGW 26:33

Kuúng inqwaaridá' do' gu tla/a qasiis ka tareeré' gawaá muqslaadá' afe mogól, daqaní sandakmooduú alqado ku alaá inqwaaridá' i báts. Inqwaaridá' kana qaás as didá' ak Hhoohhoo' ngiwa qasis nee didá' Hhoohhoo'.

TI'INAANGW 26:5

Tlina'aá mibeeraá kooán hiriiteek gawaá bihhaá ka'amír wake, tam ka'amidár tsár sleeme bihhiiwós tlina'aá mibeeraá kooán ti hirit, masók tlini'iiká' ti afe qoná'.

TI'INAANGW 26:7

«Kuúng tuuntukmár heéma tleehheek ar inqwaruú mibaá nee wak oo taa tleéhh ar se'éngw aara.

TI'INAANGW 35:11

Heémár Mungú nee tuuntukumaarose, nee inqwaaridár afkú do' kur tuuntuuki, nee dungáywose, nee uheemiwose nee yukmi'iiwo.

TI'INAANGW 36:13

Aluuwo muqslár afe mogól ar mibeeraá kooán ar sahaábu gari tleéhh as kaeemoodá' tsaraawo ngiwa haraagasi, naagáy kaeemoodá' tsaraawo giri heémár wák tleéhh.

TI'INAANGW 36:18

Aluuwo muqslár afe mogól mibeeraá kooán gári tleéhh, ar muqslár sirdaa/aten as kahhó' kaeemooká' tsár kiwa haragaasi. Daqaní ka'ami tari wák ar heéma tuuntuuka.

TI'INAANGW 39:33

Aluuwo inooín heémadár Mungú kingiri huúw amór Mose nee xosluuwós sleémeero, nee dungáywose, nee nahhtose, nee muqslár afkú do' tsegit nee uheemiwose, nee yukumi'iiwose.

Efeso 4:16

Inós slaqwa sleémeero gan haragaas dinkwárií alé, gari dinkwárií nigihhitis ar kanuúdá' Mungú naa haniís. Inós umuúqo diqto gan aleesleemií hanmiis, gadiyeérós tidá' taa haniís ngiwa tlehh. Gawaá adoorihe slaqwa sleémeero in uraareér, nee tiri kwa/amís ar baraá sla'aari.