TI'INAANGW 26:36 - Biblía Axweesantá Hhohho' ar Mungú 2004

³⁶ «Daqaní inqwaarír ta afkú heémár wa qaasi ka tleehhi ar neewór se'éngw bee/aangw ar sirbo/ nee sirdaa/aten nee ar da/atene nee ar kitaánír hhohho' ar taa hhuútl, ka qaalin ló'wa ale.

TI'INAANGW 26:36 Iomraidhean Croise

2 SAMUELI 7:6

Iimír múk Israeli nguwa baraá yaamaá Misrír wa tuú/ ay laarí aga baraá dó'wa hootiiká. Ana hi'iimiít, umuú diiro hotangw'eé' a baraá heémár Mungú.

WARA'AMI 78:60

Hotaarirós ar baraá Shilo gari máy, tooaáng xaftós iwa baraá tla/ángw muu.

TI'INAANGW 26:31

«Daqaní ka'amír inqwaari ka tléhh ar neewór sirbo/ nee ar sirdaa/aten nee ar da/atene nee ar kitaánír hhohho' ar taa hhuútl, ka'amisír inqwaari ka qaalin nee heé qaalír baál as slaqsoó keruúbi kuwa gawaadií tleehhi.

TI'INAANGW 27:16

Afkuduú dahamaá baraá afeeni gár kway qaasi a ka'amír inqwaari ar iiloo'. Tlenaangós a miíta lahhoó' ar taa tleéhh ar neewór se'éngw bee/aangw ar sirbo/, nee ar sirdaa/aten, nee ar da/aten, nee ar kitaánír hhohho', ar taa hhuútl nee ar taa qaalín nee heé qaaliro ga baál. Inqwaaridá' kan siihh gawaá uheemaá tsiyáhh, nee yukumoó uheemidá' ki iwiitisi a tsiyáhh sleeme.

TI'INAANGW 28:15

«Kuúng tlakoó gawaá da/eewo ku tléhh, oo sla'aarír Mungú kar tsaahhi. Ku tleehhi nee heé gu baál tleehhamooro, ar adór naifeéra kara tleéhh ar neewór sahaábu nee neewór se'éngw bee/aangw ar sirbo/, nee ar sirdaa/aten, nee ar da/aten, nee ar kitaánír hhohho' ar taa hhuútl.

TI'INAANGW 28:39

«Aroni ku hiyaydá' ququmaárí tléhh oo taa qaalín ar kitaánír hhohho', nee ku slamaángwí tleehhi ar kitaánír hhohho', nee himuú afeetlo ku ló'wa qaalin.

TI'INAANGW 35:11

Heémár Mungú nee tuuntukumaarose, nee inqwaaridár afkú do' kur tuuntuuki, nee dungáywose, nee uheemiwose nee yukmi'iiwo.

TI'INAANGW 35:15

nee kitángw ilahhooár mooyángw tsuú' kuwa da/a/an, nee xaaiiwós awa kur loohisi, nee di/tá iimbalaxaangw nee mooyángw tsuú', nee inqwaarír afkú heémár Mungú.

TI'INAANGW 36:37

Inqwaarír ta afkú doó heémár wa qaasi gari tleéhh, gár ngira tleéhh a neewór se'éngw bee/aangw ar sirbo/, nee ar sirdaa/aten, nee ar da/aten, nee neewór taa hhuútl ar kitaánír hhohho'. Inqwaaridá' sleeme kari parootuús kángw kilá' wa alé.

TI'INAANGW 38:18

Iqwaarír afkuduú afeeni kari qaalín ar neewór se'éngw bee/aangw ar sirbo/ nee ar sirdaa/aten nee ar da/atene nee kitaánír hhohho' ar taa hhuútl. Tlenaangós bihheero a miíta gwaleél, tlenángw gawto a miíta tsár, i alqoná' nee inqwaaridá' tsiiriihh ar afeena.

TI'INAANGW 39:29

Him'ér afeetlo kari tleéhh ar kitaánír hhohho' ar taa hhutliít nee neewór se'éngw bee/aangw ar sirbo/ nee ar sirdaa/aten nee ar da/aten, kari qaalín ar adór hhoohhoo', ar adoodá' AAKOÓ MUNGÚ Mose ngura ádbáy.

TI'INAANGW 39:33

Aluuwo inooín heémadár Mungú kingiri huúw amór Mose nee xosluuwós sleémeero, nee dungáywose, nee nahhtose, nee muqslár afkú do' tsegit nee uheemiwose, nee yukumi'iiwose.

TI'INAANGW 40:5

Kuúng kitangwduú sahaábu oo mooyángw tsuú' kuwa da/a/an ku qás geeraá sandakmooduú alqado, daqaní inqwaari ka tareeré' afkú heémár Mungú.

ESEKIELI 16:10

Iri tsiitiís ar tlawuú taa qaalín nee ya/ataá xurfaaro, iri tsiitiís ar warqamoó taa tleéhh ar neewór kitaánír hhohho' nee inqwaarír qwiirii/ ar hariíri.

FAARO 3:25

Gadiyér daaqoó Gershoni a heémár hhoohhoo' amohhe'eemis, heémaadá' dinkwa nee tuuntukumaarose, nee inqwaaridár afkú heémár Mungú,

FAARO 9:15

Baalaadá' heémár lamabu'uungw kawa kikií', huunki heéma gari tuuntúk, iimír tsiindó wa tleemu ay matlaatle i gawaadá' wa gwa/át adór asla.

Yohana 10:9

Aníng an afkú do'. Hee bira dáh ar aníng, i ba/án. Inós in darah nee in ti'imiit, nee /aymisi ga sláy.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.