TI'INAANGW 25:16 - Biblía Axweesantá Hhohho' ar Mungú 2004

¹⁶ Daqaní parhheemoodá' tsár awa tlaa/e awa hara'ayar'eé' koomá' ni kuúng i haniis ki qás baraá sandakmoodá'.

TI'INAANGW 25:16 Iomraidhean Croise

1 WAAWITÁ 8:9

Gár hatlá' ar baraá sandakmoodá' i káhh aqo tla/eedá' parereehhayen, kudá' Mose aa baraadí qaás amór Horebu wa alé, didá' AAKOÓ MUNGÚ múk Israeli nguwa alqadoorós i oó', qoomár inooín niwa baraá yaamaá Misrír wa ti'iitiyé'.

2 WAAWITÁ 11:12

Na/aydú waawutmo kunguri tsee/áy duúx, kuri slamaángwí dahaás, nee guri kitaábuú haraa'ayár i haniís ar waawutmo gan'amiis, Yoashi kuri iimbalaáx ar di/i, kuri waáhh tawa waawutmo, muu tsa/i giri slaáhh, tari oó', «Waawutámo sagók fur'a ngu laaleer.»

2 QOM'I 23:11

Aluuwo garmoó waawutmo ngway tsee/aá i duuxiyé' kwaa saga slamángw i dahaás, kway dabér i haniís. Yehoyada nee daaqaywós ngway iimbalaaxiyé' ar di/i as tawa waawutmo. Muu sleémeero iri baraá/ tawa kaahi, «Waawutámo, sagók fur'a ngu laaleer!»

TI'INAANGW 16:34

Aluuwo Aroni adoodá' Mose kwaa báy nee AAKOÓ MUNGÚ gari tleéhh, maánadá' gari qaás dír geeraá sandakmooduú alqado as kawa amohhe'eemisi.

TI'INAANGW 25:21

Kitangwduú gurtleemu qaaseek gawaá daanduú sandakmo, daqaní tlaa/eedá' tsár awa parereehhayen, kudá' ni haniis awa hara'ayar'eé' koomá', ki baraadií qás.

TI'INAANGW 26:33

Kuúng inqwaaridá' do' gu tla/a qasiis ka tareeré' gawaá muqslaadá' afe mogól, daqaní sandakmooduú alqado ku alaá inqwaaridá' i báts. Inqwaaridá' kana qaás as didá' ak Hhoohhoo' ngiwa qasis nee didá' Hhoohhoo'.

TI'INAANGW 27:21

Tsaa'astada' dír kay qas a baraá guruú heémár Mungú, daanduú tsee/a oo kutuwidá' sandakmoó alqadór koom. Aroni nee daaqaywós tsaa'astí ngin dír geeraaeé' wá amohhe'eemisiya', iimír tsiindoó wa tleemu ay matlaatle. Hara'ayaarí ka eehari nee xoorór Israeli qari sleémeero.»

TI'INAANGW 30:36

Daqaní ku bahh xósl ay dír i natsatsauuti, kuri bahh qás dír geeraá sandakmooduú alqado baraá heémaadá' aníng nee kuúng ti dogagitaan. Daqaní mooyangwsíng dirhunge kwa ló'wa hhoohhooeés.

TI'INAANGW 30:6

Kitaanguú ilahhooa ku qás daanduú tsee/a oo inqwaaridá' do' gwaa tla/a qasis, bihhaá sandakmoó alqado, geeraá kitángw gurtleemu kuduú gawaá sandakmoó alqado, didá' án nee kuúng tay dogitaan.

TI'INAANGW 31:18

Qoomár Mungú axweesantá dír Mose ngiwa hhe'eés gawaá tloomár Sinairo, Mose guri tlaa/eedá' tsáp awa parereehhayénií haniís, kudá' Mungú aa hara'ayaarós i gooín ar dakós oo kilá'.

TI'INAANGW 32:15

Naagáy Mose iri harawarqáy iri gawaá tloomár wa aweér, tlaa/e parereehhayen tsaraawo, kudá' hara'ayár koomá', gi kón dabaawose kaa gooín bihhe tsaraawo.

TI'INAANGW 34:29

Nee qoomár Mose niwa gawaá tloomár Sinaír wa aweér, gawaá dakose i parhheemoodá' tsár awa tlaa/aá kón, kudá' hara'ayár Mungú koomá'. Qoomár Mose niwa awdiiti gaa xuiiká adór kaahartá gitsee/awós ir qwiirí/, asma adoodá' inós nee Mungú tawa axweemamiís.

TI'INAANGW 38:21

Xoslu sleémeero awa heémár Mungú, tidár alqado, kara tleéhh, faarór'ín tí: Mose hara'aya gana oó' dír múk Laáwi kiwa geerahari nee Itamari garmoó Aroni kaahamusmoó Mungú.

TI'INAANGW 40:20

Tlaa/eedá' parereehhayen awa tsár awa hara'ayár koomá' giri qaás baraá sandakmo, xaaidá' sandakmo kur loohisi giri qaás baraá dungáydá', kitangwduú gurtleemu guri gawaá daanduú sandakmoó i qaás.

FAARO 17:4

Hhadoodá' ki qás baraá heémár Mungú dír geeraá sandakmoó alqado, didá' aníng nee kuúng tay dogaagitaan.

Tlehhema'aá ya/Abuuse 7:44

«Baraá xaanxaywo baabi'iirén heémár lamabu'uungw ngi koná'. Mungú tina geehhoeés dir'ín i aleeró ar baraá heémadá'. Heémadá' kana tleéhh ar adoodá' Mungú ngira hara'ayín dír Mose, nee ar slaqsaydá' Mungú aa laqán dír Mose.

Rumi 3:2

Gár i bu' i ló'wa deer umuúqo barto. Gár har geera a Mungú axweesantós gana dír múk Yahudír i saayín.

DABE 31:26

«Kitaábuuwí oo dabe taatahhaak, ku qasá' bihhaá sandakmooduú alqadór AAKOÓ MUNGÚ, Munguúhúng. Masók i didá' wa hoot, as tawa lamabu'uungw daanduuhunge.

Ebrania 9:4

Baraadae kitángw ilahhooa i deer oo taa tleéhh ar sahaábu. Kitaangwí kun ilahhooár mooyángw tsuú í da/aa/an. Gár hatlá' baraadane a sandakmooduú alqado, oo taa ninkiriíts ar sahaábu umuúqo barto. Muruú baraá sandakmoowí a sirwír taa tleéhh ar sahaábu, tidá' muruudá' ta babay maána gu koom, nee hhartá Aroni, tidá' naa harma/, nee tlaa/eedá' tsár awa taa axweesantá alqadór i gooín.

YOSHUA 4:16

«Kaahamuuseedaádá' sandakmoó alqadór loohiis, baraá yaaér Yordani ngi geexeer.»