TI'INAANGW 24:8 - Biblía Axweesantá Hhohho' ar Mungú 2004

⁸ Mose tseereedá' gari taataáhh, gari hikiís amór múkí ale, iri oó', «Ga/aawaak, gaarí an tseerér alqadoodá' AAKOÓ MUNGÚ aa tleéhh nee kuungá' ar loohír axweesanaywí.»

TI'INAANGW 24:8 Iomraidhean Croise

1 WAAWITÁ 8:21

Nee aníng dii aga tsaát ar sandakmoó alqado kwi qaasi, kudá' alqadór AAKOÓ MUNGÚ koóm, kudá' aa oó' dír baabi'iirén qoomár ngiwa baraá yaamaá Misrír wa duúx.»

1 WAAWITÁ 8:9

Gár hatlá' ar baraá sandakmoodá' i káhh aqo tla/eedá' parereehhayen, kudá' Mose aa baraadí qaás amór Horebu wa alé, didá' AAKOÓ MUNGÚ múk Israeli nguwa alqadoorós i oó', qoomár inooín niwa baraá yaamaá Misrír wa ti'iitiyé'.

WARA'AMI 78:36

Ala nguna al/aginé' ar afer'ín, kway lamtá babáy afer'ine.

TI'INAANGW 24:6

Mose tlaqtá tseerér hikwaadá' gari qaás baraá isangaai, tlaqtá hatlá' gari hikimiís gawaá kitángw ilahhooa kawa hanimiisi.

ISAYA 52:15

Inós xoordu gi kwisltis, waawitá afe gari ohín as inós, asma muruudá' naa ari'iiká ngu ariyá', nee muruudá' naa axaasi'iiká ngway tsaahhiyá'.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

ESEKIELI 16:8

«Niwa malé kií/ nari bihhaawók ar waaraáhh iri ár, qoomaadae a dasír /amaatliito'o ar duuxo gaa eer. Iri tsiitiís ar tlawuueé', /aankwetsuuwók nguri luú/. Aníng nee kiíng al'axweesantá duuxo kari qaasaán as kiíng tawa harer'eé'. Anuú Aakoó MUNGÚ tí aga oó'.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

TLAHHOÓ LAÁWI 8:30

Naagáy Mose di/tá iimbalaxaangw nee tseerero giri taataáhh gawaá kitángw ilahhooaro, giri hikimiís gawaá Aroni nee daaqaywós nee gawaá tsitay'ín. Gawaá adoorihe Mose Aroni nee daaqaywós nee tsitay'ine giri paraátl.

HAGAI 2:5

Adoodá' nura al'axweesántií oó' bál niwa baraá yaamaá Misrír wa ti'ité', tam hamí, ma hhasliitara'. Qeeruueé' i baraá tla/angwhúng wa hoot.› »

SEKARIA 9:11

Anuú AAKOÓ MUNGÚ a kah, «As tseerér alqador'eé' tidá' taa axweesaán nee kuungá', mukdá' taa tsegiít ngu baraá hhalángw ma'aá koomaaká wa duúx.

Matayo 26:28

Asma gaarí a tseerer'eé' ar alqado, ar ku'uut as múk yaariír as hingeemisuú tlakweema.

Marko 14:24

Giri báy, «Gaarí a tseerer'eé' ar alqado ar ku'uut as múk yaariír.

Luka 22:20

Alaá /aymaaro xooslmoó wahaangw guri adoodár óh sleeme, iri oó', «Gár baraá xooslmoowí a alqadór /aben tidá' Mungú aa tleéhh ar tseerer'eé', ar taa ku'uús as kuungá'].

1 Korinto 11:25

Nee alaá /aymaaro xooslmo guri adoodár óh sleeme, iri oó', «Gár baraá xooslmoowí a alqadór /aben, tidá' Mungú aa tleéhh ar tseerer'eé'. Adoorí tlehhiitaak qoomár bar wahaandá' as inslaslangw'eé'.»

Efeso 1:7

Atén tina gweér baraá lawali'iimár Neetlaango, hingeemisuú tlakweema kway slawaán ar loohír gwa'arár Kristo. Gawaá adoorihe gurtleemuuwós ku ló'wa úr direne.

DABE 5:2

AAKOÓ MUNGÚ, Munguúrén alqado gana tleéhh nee atén dír tloomár Horebú wá ale.

Ebrania 10:29

Ala heé Garmoó Mungú gwa kalaa/ a adoomá? Sakwasleemarós ka ak ureéke? Asma inós tseerér alqadór Mungú gaa waaqaá', tidá' inós gwa hhoohhooes, nee Qeeruú Mungú guri malé /oosliislín, kudá' tsuuqa gi hanmaamiís.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

YOSHUA 24:25

Gawaá adoorihe Yoshua alqadu giri oó' dír xoorór Israeli baalaadae, axweesantós nee kaahirose giri dír xoorór Israelírí oó' baraá Shekemúr wa ale.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.