TI'INAANGW 24:6 - Biblía Axweesantá Hhohho' ar Mungú 2004

⁶ Mose tlaqtá tseerér hikwaadá' gari qaás baraá isangaai, tlaqtá hatlá' gari hikimiís gawaá kitángw ilahhooa kawa hanimiisi.

TI'INAANGW 24:6 Iomraidhean Croise

2 WAAWITÁ 17:15

Dabeerós eeharto ngina si'iyé', alqadoodá' aa qaás nee baabi'ii'ín nga oohi'iiká, tam adoorihe naanaqarós ngina si'iyé'. Inooín murslaaqatuú tawo nguna harahhifiyé', inooín nay lamuuse tleehhitiyé', slooír xoordaá hatlá' awa yaamuudá' ngina eehaariyé', tam handá' AAKOÓ MUNGÚ ngaa bayi, «Slooir'ín ma oohara'.»

WARA'AMI 99:6

Mose nee Aroni sleeme an geeraharuuseerós ar saaliingw, tam Samueli a heé wák baraá tla/ángw kudá' AAKO ngwa firiirine'. Inooín sleémeero AAKOÓ MUNGÚ nguna i /aa/aminé' nee inós giri mu/aywaáts.

TI'INAANGW 12:22

Loo/ór xa'anoodá' ta bay hisoópo leehhaak, ka tikís ar tseerér baraá qwaree/amoówí dirii', ka slík gawaá maandár do' nee gawaá nahhtá do' badu tsaraawo. Hee tumu wák miwa tsee/ií ti'iít xweeraadae ay matlaatle.

TI'INAANGW 12:7

Inooín tseereedá' ka bahh taataahhi, ka sliki ar nahhtá badu tsaraawo ar afkú do' nee maandár do'daádá' deelmodá' kuwa /ayi.

TI'INAANGW 24:8

Mose tseereedá' gari taataáhh, gari hikiís amór múkí ale, iri oó', «Ga/aawaak, gaarí an tseerér alqadoodá' AAKOÓ MUNGÚ aa tleéhh nee kuungá' ar loohír axweesanaywí.»

TI'INAANGW 29:16

Kuúng gwaanduudá' ku gás, daqaní tseereerós ka hikimís gawaá kitángw ilahhooa baduwós tsiyahhaawo.

TI'INAANGW 29:20

Daqaní ku gás, tseereerós ka bahh taatáhh, ka slík ar sagér iaá doó /iyáy awa Aroni nee awa daaqaywós, nee dugeenaá dabér doó /iyáy, ka male slík nee ar dugeenaá ya'aá doó /iyáy, tseerér aa met ka hikimís gawaá kitangwduú ilahhooa baduuwós sleémeero.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

TLAHHOÓ LAÁWI 1:11

Guri gaas bihhaá /iya awa kitángw ilahhooa dír geeraá AAKOÓ MUNGÚ, daaqoó Aroni kudaá kaahamuusér Mungú tseereedá' ngi tsirirxiisiye' bihhe sleémeero ar kitángw ilahhooa.

TLAHHOÓ LAÁWI 1:5

Naagáy awuudá' ku gaasi geeraá AAKOÓ MUNGÚ wa ale, nee daaqoó Aroni kudaá kaahamuusér Mungú, tseereedá' ngi tsiririxiisiye' bihhe sleémeero ar kitangwduú ilahhooa, kuduú dír geeraá heémár Mungú i dirií'.

TLAHHOÓ LAÁWI 3:2

Heedá' dabaawós ngi qaasi gawaá ságw sleedá' daqaní ka gaasi dír afkú heémár Mungú wa ale. Daaqoó kaahamusmo Aroni tseerér sleedá' ka hikimiisi bihhe sleémeero ar kitangwduú ilahhooa.

TLAHHOÓ LAÁWI 3:8

Dakók un qás gawaá ságw makiito'oodá', kari gás dír geeraá heémár Mungú. Daaqoó Aroni tseereerós ngi hikimiisiye' bihhe sleémeero ar kitángw ilahhooa.

TLAHHOÓ LAÁWI 4:6

Kaahamusmo gari tikiis ar diitsarós, gari hikimiis ki/ima faanqw dír geeraá AAKOÓ MUNGÚ didár inqwaarír dahmaá didá' ak hhoohhoo'.

1 Korinto 11:25

Nee alaá /aymaaro xooslmo guri adoodár óh sleeme, iri oó', «Gár baraá xooslmoowí a alqadór /aben, tidá' Mungú aa tleéhh ar tseerer'eé'. Adoorí tlehhiitaak qoomár bar wahaandá' as inslaslangw'eé'.»

Kolosai 1:20

Mungú mura' sleémeero guna amoorósií haraki/isár wa slaá' ar baraá Garmaawós. Wayda guri tleéhh ar gwa'arár Garmaawós ar gawaá msalaába. Gawaá adoorihe Mungú mura' sleémeero guna amoorósií ki/ís, kuduú baraá yaamu, nee oo dooriiwo.

Ebrania 12:24

Kuungá' ana hardaté' dír Yesu. Inós an harki/isusmoó alqadoodá' /aben. Tam tseereerós tidá' hhoohhooeemiis i ak axwés ta tseereedár Abeliwo.

Ebrania 8:9

Alqadoorí a adór tidár aangeeká, tidá' naa alqadiím dír baabi'iihúng, qoomár ngiwa duúx ar dakw'eé' baraá yaamaá Misrír wa ale. Asma inooín alqador'eé' kaa eeharahariiká. Gawaá adoorihe aníng inooín ngiri máw sadaawimituuwo. Axweesanaywí Aako guna káh.

Ebrania 9:18

Gawaá adoorihe tam qoomár alqadoodár aáng kawa alqadín, tseere kahhká.

Ebrania 9:19

Asma Mose adoorí gana tleéhh, gár har geera a hara'ayár Mungú sleémeero gana alki/iít dír mukdá' aa burumburiit. Aluuwo tseerér damaay nee ar gurtaawe gari taataáhh, dinkwa nee ma'aay, tseere gari hikimiís ar se'engw da/atén oo bee/aangw nee loo/ór hisoópo, gawaá Kitaábu nee amór muu sleémeerowo,

Ebrania 9:21

Slám tseere gari malé hikimiís gawaá heémaadá' nee gawaá xoosla sleémeero ar tara gadiyuús baraá saaliingo.

1 Petro 1:19

Ala gár kuungá' tundura tlaáxw a tseerér afhhamít ar Kristo, kuduú adór deelmoó bee/i, oo slasla/areeká, oo xaslxaansli wásl.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.