TI'INAANGW 24:4 - Biblía Axweesantá Hhohho' ar Mungú 2004

⁴ Mose axweesanaydá' sleémeero oo AAKOÓ MUNGÚ guri gooín. Matlaatlér boo/e iri ti'iít, kitángw ilahhooa ngiwa haniisi guri tleéhh dír afaá tlooma, uheemaá mibaá nee tsár giri siíhh ar harqoomoó tlahh'aá mibaá nee tsár awa xoorór Israeli.

TI'INAANGW 24:4 Iomraidhean Croise

IIMU/UUNGW 12:7

Amoodaádae AAKOÓ MUNGÚ Abramu guri i ti'iít, guri báy, «Yaamukaáká' ngin kuúng i haniís nee xwaylarók.» Didaádae Abramu kitángw ilahhooa guri tleéhh as AAKOÓ MUNGÚ nguwa ilahhooárí haniisi, kudá' gwaa i ti'iit didae.

IIMU/UUNGW 28:18

Yakobo matlaatleero iri tseewa tláy, tlaa/anoodá' aa sagós ar tlakwaá' guri taataáhh, guri adór uhmoó wa foól, guri di/tí tsiririxiís as nguwa paraatli.

IIMU/UUNGW 28:22

daqaní kuúng AAKOÓ MUNGÚ, an Munguúeé'. Tlaa/anoowí naa diirí sihhtís adór uhmo, a do'ók. Baraá tidá' sleémeero kuúng niqo hanisa, aníng ar wák baraá bohhaá mibaango ngi dirógí haniís.»

IIMU/UUNGW 31:45

Yakobo tlaa/ano guri taataáhh, gway foól adór uhmoó inslasláw al'axweesantadá'.

1 WAAWITÁ 11:30

Aarusmo Ahiya tlawuuwós kudá' guri adaá duúx, guri feehhamiís warqeemo mibaá nee tsár.

1 WAAWITÁ 18:31

Tlaa/aá mibaá nee tsár giri taataáhh, ar qoomoó faarór tlahh'aá mibaá nee tsár awa na/aá Yakobo, kudá' AAKOÓ MUNGÚ iwa oó', «Umuuwók a Israeli.»

ESRA 6:17

Inooín do'owí oo Mungú kuwa aldafin inooín ilahhooa awe tsiiruú wák kana haniís, gwaandaawe tsiire tsár, nee deeloó bee/aangw tsiire tsiyáhh as hingemisuú tlakweemaá múk Israeli sleémeero, nee gurtaawe mibaá nee tsár ar adoodá' faarór tlahh'aá xoorór Israeli i diri'iya'.

NEHEMIA 10:1

Kudá' dugeeni nga qaasiye' an kuká': Heé geera an ga/aawusmo Nehemia garmoó Hakalia, nee Sedekia.

TI'INAANGW 17:14

AAKOÓ MUNGÚ Mose guri báy, «Kaangwí gooimeek baraá kitaábu, as kahhó' kuwa inslay. Slám dír Yoshuawo gawdeeseek ooaro adór xoorór Amaleki ngir fiíts baraá daanduú yaamuwo.»

TI'INAANGW 17:15

Mose kitángw Mungú nguwa ilahhooárí haniisi guri tleéhh. Kitangwdá' guri umií tsaát, guri báy, «AAKOÓ MUNGÚ an Bendeérar'eé'.»

TI'INAANGW 21:1

«Gimsé', gár muu ku beera' a tí:

TI'INAANGW 24:7

Aluuwo kitaábuudá' taa alqadór Mungú i gooín, guri taataáhh, guri soomuús dír múkí ale, muu iri oó', «Muruusíng sleémeero AAKOÓ MUNGÚ naa aténí oó', u tleehhaán nee a iialooesaán sleeme.»

TI'INAANGW 28:21

Tlaa/eedá' a mibaá nee tsár awa umér tlahh'aá mibaá nee tsár awa xoorór Israeli ki gooin. Umuúqo tlaa/anoowo tari adór laya ar sihhmiit daanduú tlahhoó wák baraá tlahh'aá mibaá nee tsár awa múk Israeliro.

TI'INAANGW 34:27

AAKOÓ MUNGÚ Mose guri báy, «/Aymi'iiká' gooimeek, asma baraá /aymi'iikae aníng alqado aga tleéhh nee kuúng nee múk Israeli.»

ISAYA 19:19

Baalaadae kitángw ilahhooa kawa hanmiis dír AAKOÓ MUNGÚ kuri tleehh baraá tla/ángw yaamaá Misri, nee uhmoó taa paraátl as AAKOÓ MUNGÚ kuri siihh baraá digeemaá yaamaá Misri.

TLAHHOÓ LAÁWI 24:5

«Puuruú natsaatsaá' ku taatáhh oo kílór mibaá nee tsár, nee ku tléhh ar mikaátér mibaá nee tsár.

FAARO 17:2

«Múk Israeli ádbaweek u hhadaá mibaá nee tsár i huwiye', umuú geeraharusmoó tlahhaywo hhara wak. Heé hhara nga huuw umuuwós ku gawaá hhártí gooiín,

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.

DABE 31:9

Mose dabeedá' gana gooín, gari haniís dír kaahamuusér Mungú ar tlahhoó Laáwi, kudá' sandakmoó alqadór AAKOÓ MUNGÚ loohiisá', nee dír bariise sleémeero ar múk Israeli.

YOSHUA 4:20

Yoshua tlaa/eedaá mibaá nee tsár tinda Yordanír wa huúw giri sihhtís baraá Gilgali.

YOSHUA 4:5

guri báy, «Tlawsé', geeraá sandakmoó alqadór AAKOÓ MUNGÚ, Munguúhúng, i waaraahhaak, ay baraá yaaér Yordani. Umuúqo heewo dirhunge tlaa/anoó wák ngu taataahhi daanduú umuúqo tlahhoó Israeli wá ale, ngu gawaá suumarós i qaasi.

Geehhoeemaá 21:14

Koo/ír gixsadá' gaa harwet kana iihhaáf ar tlaa/aá mibaá nee tsár. Nee gawaá tla/uká' mibaá nee tsare umér ya/abuuseedá' mibaá nee tsár ar Deelmoó bee/i kana gooín.