TI'INAANGW 24:18 - Biblía Axweesantá Hhohho' ar Mungú 2004

¹⁸ Mose iri dáh baraá huunkidá', iri tsa/án gawaá tlooma, iri gawaá tloomár wa hoót deelo mibeeri tsiyáhh tlaatla/aangw nee xweeraawo.

TI'INAANGW 24:18 Iomraidhean Croise

1 WAAWITÁ 19:11

AAKOÓ MUNGÚ iri oó', «Tláw, gawaá tlooma i sihhiiteek dír geeraaeé'.» Naagáy AAKOÓ MUNGÚ iri waaraáhh, nee fur'ár bambaao ar tlom'i gaa diya/, nee tla/u gaa porxomis ina fukuukú'. Ala AAKOÓ MUNGÚ i kaahh baraá fur'aarihe. Alaá bambaaooro kunseeli nay hardát. Ala AAKOÓ MUNGÚ i kaahh baraá kunseelidae.

1 WAAWITÁ 19:8

Eliya iri tláy iri /ayín, nee ma'aay giri wáh, iri tláy ar /uuruú muruú /aymaadá' deelo mibeeri tsiyáhh tlatla/aangw nee xweeraawo iri hardáh tloomár Mungú.

TI'INAANGW 19:20

Qoomár AAKOÓ MUNGÚ iwa aweér gawaá tloomár Sinai, inós Mose guna gawaá ságw tloomár wa ateét, Mose iri amoodií tsa/án.

TI'INAANGW 24:17

Xirfuuduú AAKOÓ MUNGÚ a adór asltá gawaá ságw tloomár wa oh, slám ku geehhoó' dír múk Israeliwo.

TI'INAANGW 25:1

AAKOÓ MUNGÚ Mose guri báy,

TI'INAANGW 32:1

Qoomár muu ngiwa ár adór Mose nira tliík gawaá tloomár wa ale, inooín tari burumbuuriít dír Aroni aleeró tari oó', «Qwaláng, munguiirén tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwaa eer a xuanaaká.»

TI'INAANGW 34:28

Mose iri gawaadá' wa iwiwiít dinkwa nee AAKOÓ MUNGÚ deelo mibeeri tsiyáhh tlaatla/aangw nee xweeraawo. Mose muruú /ayma gu /a/ayiiká nee ma'aay gi wahahanká, nee inós /aymi'iidá' alqado giri gooín gawaá parhheemoodá' tsár awa tlaa/e. Gár taa gooín an hara'ayadaá mibaangw awa Mungú.

TI'INAANGW 9:29

Mose Farao guri báy, «Aníng bara sa ti'iít baraá gixsarihe, dabaaeé' in gáwtí tleés amór AAKOÓ MUNGÚ, kwarara/aarí nee tluwaywuú tlaa/eewo niri faakiyá', kuúng kari tsáhh adór yaamu tar awa AAKOÓ MUNGÚ.

TI'INAANGW 9:33

Naagáy Mose iri dír Farao wa tláy, iri tsee/aá gixsárí ti'iít, dabaawós giri amór AAKOÓ MUNGÚ i tleés. Tluwayduú tlaa/e nee kwarara/arose niri faakiyé', tluwaay iri sangw malé tluwiiká baraá yaamuwo.

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

Matayo 4:2

Iri gwaawín deelo mibeeri tsiyáhh, tlaatla/aangw nee xweeraawo, iri qwariít.

Marko 1:13

Ina baraá darmuú wa hoót deelo mibeeri tsiyáhh, kuna iiara'ár nee Neetlaangw. Yesu i dinkwa nee makaá sla/a, nee malayke guna sagadiyús.

Luka 4:2

as kuwa iiaraa'ari nee Neetlaangw. Inós i /ayaayinká deeloodá' sleémeerowo. Deeloodá' iwa fák iri qwariít.

DABE 10:10

«Aníng ana gawaá tloomár wa hoót deelo mibeeri tsiyáhh xweera nee tlaatla/aango adoodá' aáng geeraawo naa tleéhh. AAKOÓ MUNGÚ wa'aá hatlae ina male iiárií qaás, nee iri ya/án as munduwa hhaamiís.

DABE 5:31

Ala kuúng Mose, dir'eé' tí tseew i sihhiiteek! Aníng kuúng un hara'ayar'eé' sleémeero báw, nee kaahir'eene, nee daber'eene, tidá' ta dir'íní intsaahhatis as tawa adoorír hooti baraá yaamuudá' ni inooín haniisa tawa aalir'ín.›

DABE 9:18

Naagáy niri yaamií qaát dír geeraá AAKOÓ MUNGÚ, adoodá' aáng naa geerií tleéhh, har afiqoomár deelo mibeeri tsiyáhh xweera nee tlaatla/aango, aga /ayimiika, tam ma'aá naa wáh i kahhiyá', as daanduú tlakweemaahúng kudá' taa tlehhé' dír ilaá AAKOÓ MUNGUHE, kuri buhhtisé'.

DABE 9:25

«Gawaá adoorihe, aníng ana gurúr qaát dír geeraá AAKOÓ MUNGÚ i aleeró, deelo mibeeri tsiyáhh xweera nee tlaatla/aango, asma AAKOÓ MUNGÚ aníng ina báy, ‹Xoororí a hhaamiís.›

DABE 9:9

Qoomár aníng niwa tsa/ám gawaá tlooma, niwa tlaa/eedá' parereehhayen kudá' hara'ayár koomá' ngiwa leéhh dír Mungú, kudá' taa alqadoórí gooín, alqadoodá' AAKOÓ MUNGÚ aa tleéhh nee kuungá', aníng ana gawaá tloomár iwiwiít deelo deeloo mibeeri tsiyáhh xweera nee tlaatla/ango, aga /ayiimiiká tam gár naa wáh i káhh sleeme.