TI'INAANGW 24:17 - Biblía Axweesantá Hhohho' ar Mungú 2004

¹⁷ Xirfuuduú AAKOÓ MUNGÚ a adór asltá gawaá ságw tloomár wa oh, slám ku geehhoó' dír múk Israeliwo.

TI'INAANGW 24:17 Iomraidhean Croise

2 SAMUELI 22:13

mankari ina geeraawós wa gwa/át, asltá gil'o nari ti'ít.

2 SAMUELI 22:9

Quui nari baraá dungaawós wa ti'ít, asltá /ayiim niri baraá afkós wa ti'ít, gil'ór asla baraawós ngina wa ti'ít.

TI'INAANGW 19:11

Ti amohhe'eesiye' ay bál tám, asma bál tame anuú AAKOÓ MUNGÚ ni aweér gawaá tloomár Sinaírí ale, dír ilaá mukwí sleémeero.

TI'INAANGW 19:18

AAKOÓ MUNGÚ ina aweér gawaá tloomár Sinai ar baraá asla, tloomadá' iri qaba'át quuiro adór quuír asltá gufteeri ar taa slaáx ló'wa ale, tloomadá' sleémeero iri ló'wa diingít.

TI'INAANGW 3:2

Amoodae malaykamoó AAKOÓ MUNGÚ guri harati'iít ar tsángw asla baraá tla/ángw kitikiinti. Mose iwa qaytsiít, naxés kitikiinti asla ga /agká.

ESEKIELI 1:27

Daanduú gawa oo slaqwtós adór i dirii'i a slaqmís nee muqslír sirdaa/aat ar mitsiihh, a adór asltá bihhe sleémeerowo gaa harwet, bihhaá baraay a adór asla, inós kuna harweér nee gwa/aateemaá gwa/aatá'.

ESEKIELI 1:28

Adór ga/alér tluwaay, adoorí an adoodá' slaqsoó xirfuú AAKOÓ MUNGÚ i dirii'i. Adoorí ngiwa ár ana gurúr qaát, afór axwees ngiri axaás.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

DABE 4:24

Asma AAKOÓ MUNGÚ Munguúhúng a asltá /ayiim, inós a Munguú da/tá koóm.

DABE 4:36

Afoorós ana axasé' gawaá doorí ale as kuungá' nuwa intsaahhatisi. Baraakaá yaamuwo kuungá' asltá ur kawa aanda' nee axweesantós dír tla/ángw asltadá' wa ale.

DABE 9:3

Xuaak, AAKOÓ MUNGÚ, Munguúhúng, inós laarí yaaér Yordani gan geeraahúng wa waaraahh adór asltá xaa'aá /aay. Inós mukdá' gun hhaamiis, guri geerahúng wa baal. Gawaá adoorihe, in gusá', kiri wa'aá wák ar hhaamisá', adoodá' AAKOÓ MUNGÚ ngira al'axweés.

Ebrania 12:18

Asma tloomár kuungá' taa i hardaté' a tidá' kwatiitaro ta aleeslayká dabaawo, a tloomár Sináirooká, tidár múk Israeli aa i hardáh aáng. Slám kuungá' asltadá' gawaadá' wa oh aga i hardati'iiká, laqaá tlaangídá' bo/ ar gawaadá' i dirii', nee ma/ami nee bambaao,

Ebrania 12:29

Asma ar ló', Munguúrén an asltá mura' sleémeero gu /aay.