TI'INAANGW 24:11 - Biblía Axweesantá Hhohho' ar Mungú 2004

¹¹ Ala geeraharuuseedár Israeli Mungú gár nga /iís i káhh, inooín Mungú nguri ariyé', niri /ayiné', nee niri wahané'.

TI'INAANGW 24:11 Iomraidhean Croise

IIMU/UUNGW 16:13

Inós AAKOÓ MUNGÚ guri umúr atét, kudá' nee inós naa axweesiye'. I kat, «Kuúng a Munguú xumiís.» Asma ina ó', «Tam aníng Mungú ugwa qo tsuwa ári niri kumiít slafiingo?»

IIMU/UUNGW 18:18

Barqo Abrahamu inós un xoorór ur tleéhh, nee ar baraá inose xoordu sleémeero awa yaamu kin tsuuq?

IIMU/UUNGW 31:54

Aluuwo Yakobo makiito'o gari gaás, gari ilahhooár wa haniís dír Mungú gawaadá' tloomár wa alé. Hhaeewós giri ateét tawa /ayin. Alaá /aymaaro tawa hhe'eés, tari deél gawaá tlooma.

1 WAAWITÁ 21:8

Naagáy Yesebeli barwadu giri gooiín ar umuú Ahabu nee giri dugunoó waawutmo i qás. Barwadu giri ya/áp amór bariise nee múk iia tleér kudá' nee Naboti hootá' baraá gixsár wa alé.

2 QOM'I 23:20

Yehoyada geeraharuusér slaqwaruuse nee múk urén nee ga/aawuuse nee muu sleémeero waawutmo nguri haydohisiyé' iimír amór DOÓ AAKOÓ MUNGÚ wa ale, ngway waarahhasiyé' ar Afkuduú Gawa ay amór doó waawutmo, ngway iwitisiyé' gawaá kitángw waawuti'iima.

NEHEMIA 2:16

Tam geeraharuuse amór án naa káw ga xu'uká tam gár aníng naa tleéhh sleeme, tam múk Yahudi ugwa ádbawiiká, nee kaahamuusér Munguhe, nee geeraharuuseero, nee múk urene, laqaá mukdá' geeraawo gadiyeérír gixsa ga tleéhh.

WARA'AMI 139:5

Aníng kuúng ina harwét alu nee geeraawo, dakók ugwa gawaaeé' qás as iwa baq.

TI'INAANGW 18:12

Yetro, taatoó harér Mose, ilahhooár da/a nee ilahhooár muruú ta tsu/i garí haniís dír Mungú. Aroni iri hardáh dinkwa nee bariisér Israeli as tawa al/ayin nee Yetro dír geeraá Mungú wa ale.

TI'INAANGW 19:21

AAKOÓ MUNGÚ Mose guri báy, «Tláw aweér, mukqá' gurbueek, aníng miwa artá ayé', aluuwo niri qatliyá'.

TI'INAANGW 24:1

Aluuwo AAKOÓ MUNGÚ Mose guri báy, «Kuúng nee Aroni nee Nadabu, nee Abihuwo, nee bariiseedá' mibeeri faanqw ar Israeliro, qwalaasaré', tsa/amare' amor'eé' anuú AAKOÓ MUNGÚ, aníng sluufmisuú awaaré', ala mi i tseewuwara'.

DAHARUSMO 9:7

Tláw, /ayiím ar qwala/, wahaám ar muunuú qwala/, asma Mungú gadiyeérók gaa qaroó ya/án.

YEREMIA 14:3

Múk urén ta sagadiyuuser'ín ya/abiit as tawa ma'aá hheeki, ala ma'aay kaa slayká. Inooín tana waátl ar dahhaaroó kaaharén, sage ngiri tuuntukuné' as mure nee amoqwaqwadiingw.

DANIELI 10:17

Anuú lawaalmo adór nee kuúngú aakooeé' tar axweesaan. As adoorí aga bus'umiít nee hiinsla tumu niiná oo aa meet i kaahh.›

FAARO 12:8

Gawaá adoorihe aníng nee inós an axweemaamisaán ar afe, nee ar geehhooeema, nee sleeme ar axweesantá bo/eeká. Inós slaqsay'eé' anuú AAKOÓ MUNGÚ guna ár. Gawaá adoorihe, asma waáy kuungá' sagadiyusmooeé' Mose musa qitlé' kaantiingo?› »

FAARO 21:18

Hhalángw taa foól nee múk urén, hhalángw taa foól ló'wa ale nee geeraharuusér uren, ar hhadooín awa waawuti'iima nee qadiisay'ín.» Tana baraá xaanxáy wa tláy dír ta bay Matana,

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

DABE 4:33

Xáy muu afór Mungú gana qoo axaási iwa axwés dír tla/ángw asltá wa aleeró, adoodá' kuungá' kara axasé' handá' tari slafé'?

HAR'OHUUSE 13:22

Manoa hareerós gari báy, «Gimáy daxta atén a qatlaán, asma Mungú ugwa araán.»

HAR'OHUUSE 5:13

Kudá' pihh'uumár koomá' nina aweeriyé'. Múk AAKOÓ MUNGÚ ina tláy as nguwa aleeslaqwiya', dír múk /uuruú kooma.