TI'INAANGW 24:1 - Biblía Axweesantá Hhohho' ar Mungú 2004

¹ Aluuwo AAKOÓ MUNGÚ Mose guri báy, «Kuúng nee Aroni nee Nadabu, nee Abihuwo, nee bariiseedá' mibeeri faanqw ar Israeliro, qwalaasaré', tsa/amare' amor'eé' anuú AAKOÓ MUNGÚ, aníng sluufmisuú awaaré', ala mi i tseewuwara'.

TI'INAANGW 24:1 Iomraidhean Croise

1 QOM'I 6:3

Na/aá Amramu a kuká': Aroni, nee Mose, nee Miriamu. Daaqoó Aroni a Nadabu, nee Abihu, nee Eleasari, nee Itamari.

TI'INAANGW 1:5

Sleémeero awa taa doó Yakobo wa laqwaál dinkwaaro a mibeeri faanqw. Yosefu i qaroó baraá yaamaá Misrír i dirii'.

TI'INAANGW 19:20

Qoomár AAKOÓ MUNGÚ iwa aweér gawaá tloomár Sinai, inós Mose guna gawaá ságw tloomár wa ateét, Mose iri amoodií tsa/án.

TI'INAANGW 19:24

AAKOÓ MUNGÚ Mose guri báy, «Tláw aweér, daqaní Aroni ngur kí/ amor'eéní ale, ala kaahamuusér hatlá' dinkwa nee muko mindiwa daqayé' amor'eene, asma bar adooriheeká aníng i i buúhh.»

TI'INAANGW 19:9

AAKOÓ MUNGÚ Mose guri báy, «Ga/aaweegáy aníng ni hardáh amoorók i ale ar baraá huunkír iiloo', as kahhó' xoorór Israeli iwa axas qoomár án nee kuúng bar axweesaán, as umuú daqto uwa haratlintii'iya'.» Aluuwo Mose tidá' muu aa káh gari oó' dír AAKOÓ MUNGÚ.

TI'INAANGW 20:21

Naagáy mukdaádá' iri sihhiít amór saaw, Mose iri tseewúy dír giwtidá' Mungú i dirii'i.

TI'INAANGW 24:15

Naagáy Mose iri tsa/án gawaá tlooma, huunki tlooma gari tuuntúk.

TI'INAANGW 24:2

Mose kuúng kilók ni tseewuúr dír AAKOÓ MUNGÚ, ala múk hatlá' mindiwa tseewúy, nee xoorór Israeli miti alkoomara' gawaá tlooma.»

TI'INAANGW 24:9

Kár Mose nee Aroni nee Nadabu, nee Abihuwo nee bariiseedá' mibeeraá faanqw ar Israeli tari tsa/án gawaá tlooma.

TI'INAANGW 28:1

«Kuúng Móse, tláw hhiyaawók Aroni nee daaqaywós Nadabu, nee Abihu, nee Eleasari nee Itamariwo paraatleek dír xoorór Israeliro, as tawa kaahamuusér aníng i sagadiyuus.

TI'INAANGW 3:5

Aluuwo Mungú guri báy, «Ma diirí tseewuwaar. Ya/ataawók duuxeek baraá ya'aawoge, asma diirí kuúng tawa sihhmit a dír hhoohhoo'.»

TI'INAANGW 34:2

Kuúng ti amohhe'es, matlaatlér boo/e ni tseewa ti'ít, ni tsa/aán gawaá tloomár Sinai, ni dir'eéní hardát gawaá tsitsantá tlooma.

TI'INAANGW 6:23

Aroni Elisheba gari duúx, dasír Aminadabu, hho'ór Nashoni. Inós Nadabu guri xwayluúr, nee Abihu, nee Eleasari, nee Itamari.

ESEKIELI 8:11

Nee dír geeraá slaqsi'iikae bariise mibeeri faanqw ar múk Israeli, taa didií sihhiít dinkwa nee Ya'asaniya garmoó Shafani. Umuú heewo dakose i hhaansoó kón, nee quuír muruudú mooyángw tsuú' iri tsa/aán gáwtí alé.

FAARO 11:16

Naagáy AAKOÓ MUNGÚ Mose guri báy, «Bariisér múk Israeli ar mibeeri faanqw burumbuurang, tidá' ta ilaiwawa/i nee ta slai geeraharuusér wa ale. Huwang dír heémár Mungú, ta sihhiiti bihhaawók i ale.

Luka 10:1

Aluuwo Aako eeharuusér hatlá' mibeeri faanqw nee tsár gana tsawaár. Giri ya/aáw tiwa tsádér wa koomakona', tawa girin dirose, umuúqo didá' inós i keemuú wa slai, baraá gixsadu nee amór hatlae.

Luka 10:17

Kudá' mibeeraá faanqw nina ki/iyé' ar qwala/, ta kaahi, «Aáko, tam neetlaame sleeme tina ilaiwawá/ as kuúng.»

DABE 1:15

Gawaá adoorihe aníng geeraharuuse tidá' sageeloen nee fuqureeraá koom, nee mukdá' xu'utír koóm nguri qaás, kudá' kuungá' naa tsawdé' baraá tla/ángw tlahhi'iihunge, nguri qaás geeraharuuserhúng wa ale. Bahh'ale ngiri qaás as tawa geeraharuusér daqooró kume, nee múk tsiire, nee múk mibeeraá kooán, nee ar múk mibaangw. Muu bahh'ale una qaás as tawa geeraharuusér umuú tlahhaay.