TI'INAANGW 23:8 - Biblía Axweesantá Hhohho' ar Mungú 2004

⁸ Kuúng slukuma ma /ayaar, asma slukuma heé muruú tsatsahhaám gun iimi giwís, nee kwasleemár ganaa' ar hee gan hhitiín.

TI'INAANGW 23:8 Iomraidhean Croise

WARA'AMI 15:5

Gár aa kirkitís ga slaasláwárí iinuusiiká, tam slukuma ga ohinká as hariímár heé dakuús wásl ngiwa qwaareesi. Heé muruú adoorí gu tlehhahhiít ku hingeesiiká ay kureeraá kureér.

WARA'AMI 26:10

Inooín umuúqo daqto tlehhimi'ii'ín ki tlakw, nee hotangw'ín gár iwa haáts a slukmadu.

AXWEESANOÓ SAGALOOA 15:27

Heé slaasláwár ilatleeruús ar loohír gana'aaká, múk do'ós gu baambeeúy, Ala heé slukuma ga sla'aaká i hoot.

AXWEESANOÓ SAGALOOA 17:23

Heé tlaákw slukuma gan oh ar naaqo, as kahhó' tlehhmuú ganaá' oo hee kuwa warqeesi.

AXWEESANOÓ SAGALOOA 17:8

Slukuma a adór hirísi dír heé ga duxaxima, umuúqo amór i kaya gadaádá' i slai gan sláy.

AXWEESANOÓ SAGALOOA 19:4

Daqaari'iima u mulqér yaariír i húp. Ala narkutmo kungun sii' nee mulqumoowós.

DAHARUSMO 7:7

Heé sagaloó' hee burngwa /aytín, taa kilós daktu'úy, slukma /ayma i sagalooár hingeemís.

ISAYA 1:13

Ilahhooár harimaaká mingi huwahuwaara', mooyangwdá' tsuú' aníng ugwa aáhh, nee deelór ur ar slahhaangw niwa ti'iiti, nee deelór Sabaátooro nee burumburimituú saaliingo. Aníng dinku'uumadár saaliingw ar aleedoogír nee tlakweema a sla'aaká.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 33:15

An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

ISAYA 5:22

Tsaxwaaín kudá' sleémeero xuftár difaái ngi baalá', nee hhawaateedá' ilakaaharen difaáír aa hamat aleedogituuwo.

ISAYA 5:23

Múk aa dakuus kun gimáy ar slukma, nee kudá' dakuúsár kooma'aaká ngun gan'amuuín /ititiná'.

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

HOSEA 4:18

Inooín a adór múk aa xufiit, sleémeero naa kilooín /eetiyé' baraá fuqi muruú gi mureekeemiís ngu slaiyá' ta muruudá' gi xirfayeesa.

AMOS 5:12

Asma aníng adór tlakweemaahúng nira tlahhiyé' a xuú', nee adoodá' dakuúsarhúng kar yaangariír a xuú'. Kuungá' múk hota ganaá' un slahh'eemamisá', nee slukma an /aa/agá', nee múk narkuute una gan'amuú /ité' dír tlahh'aá kwasleemaro.

MIKA 7:3

Sleémeero kin ilakaaharen muruú tlákw tlehhtuuwo. Ga/awuuse nee múk doó sakwasleema slukma ngin slaiyá'. Tam heedá' úr ta ilaiwawa/i tós ar i slai gan oo', sleémeero tin bardarahiyá'.

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

DABE 16:19

Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

1 SAMUELI 12:3

Aníng a diirí, gimsé', lamabu'uumaré' geeraá AAKOÓ MUNGUHE, nee geeraá waawutmoowo, awuú naa hayóh i deéro? Laqaá daqoó hee oo naa hayóh i deéro? Laqaá a heemá oo naa malguús? A heemá oo naa hara/uuntsiím? Laqaá slukmár naa /aáy ar hee, sakwasleemár hee ar naa paslís i deéro? Bir deer ooare', aníng a ki/ís.»

1 SAMUELI 8:3

Ala daaqaydá' loohidaá aakoó dooín kaa eehariiká, ala nina warqayé' baraá daqaari'iima leelehhit ar lohdaá slukma, nee kwasleemadaá muu kiri paslmís.