TI'INAANGW 23:33 - Biblía Axweesantá Hhohho' ar Mungú 2004

³³ Inooín mindiwa baraá yaamuuhúng wa hootiyé' as munduwa baraá tlakweemií dahaasiyé', aníng kuungá' iri sa dakusá'. Asma bar kuungá' munguii'ín iga sluufmisuú eeré', daqaní looeemaawo aga daté' baraá tsaaxweeli.»

TI'INAANGW 23:33 Iomraidhean Croise

WARA'AMI 106:36

Slaqsa'aá mungui ngiri sluufmisuú ayé', tlehhmuuwí iri tsaaxweeli tleehhiít dir'ine.

DABE 7:16

Xooro tam gaalá ar AAKOÓ MUNGÚ, Munguúhúng naa gawaá dabaahúng i haniís hhaamiisaak, ma baloó gurtlawaara'. Mungui'ín mi sluufmiisara', asma gár adór tí dirhunge a tsaaxweelír kuungá' nu ohiim.

HAR'OHUUSE 2:3

Gawaá adoorihe hamí aníng an kah, án muksíng u guusaaká dír ilaahunge, ala in adór laqaya' tleehhitiyá' baraá slaqoohunge, nee munguii'ín nuri baraá iiara'adií dahaasiyá' oo kiwa sluufmisuú eera'.»

YOSHUA 23:13

looeemaawo xuaak adór AAKOÓ MUNGÚ, Munguúhúng xoorduusingá' gi sangw alkonká duuxaro baraá yaamuuwoge. Ala xoorduusingá' tari dukutsmoohúng, nee tsaaxweelirhúng, nee tari adór qawoó ta kuungár muxi, nee laqayaá ta ilahúngár mutin, ay dír tay faka' qatlooro baraá yaamuuká' hhooá' awa AAKOÓ MUNGÚ, Munguúhúng naa dirhúngií haniisi.

TI'INAANGW 34:12

Kuúng ti harmagahh alqado ma tleehhara' nee yaamuloouusér yaamaá ta keera', asma kuungá' aluuwo nu gee/asliyá'.

DABE 12:30

Tí harmagahhaak, ma tawo dahaara' baraá tsaaxweeli, alaá kiwa gusé', mi eeharaara'. Miti dawitimisara' as kawa xu'utír wa sla'a' daanduú mungui'ine tawa kata', ‹Xoorduuká' adór munguii'ín ngir sluufmisiya' as atén adoodá' ngiwa tleehhaan sleeme.›

2 Timoteo 2:26

as kahhó' inooín tsaahha ngiwa slaya' nee niwa kotsqotiya' baraá tsaaxweelidár Neetlaango. Asma inooín kaa tsegiít baraá tsaaxweelidá' i alé, as sla'aarír Neetlaangw ngiwa tlehhiitiya'.

2 QOM'I 33:9

Ala Manase muk Yuda nee oo Yerusalemu guna baraá tlakweemáy dahaás, tlakweema ngina tleehhiyé' ta kudaá xoordaá hatlá' ba/a, kudá' AAKOÓ MUNGÚ aa hhaamiís geeraa múk Israelír wa ale.

1 WAAWITÁ 14:16

AAKOÓ MUNGÚ múk Israeli gu sii' as tlakweemadá' Yeroboamu aa tleéhh, nee múk Israeli gway baraá tlakweemií dahaás.»

1 SAMUELI 18:21

Saulo baraá inslawaywose ina oó', «Lakiít un dasírií haniís, daqaní kahhó' a loohír ngur oh, án ngi slaá' daqaní kuqo gaas nee múk Filisti.» Gawaá tihe Saulo ki/imaá tsare iri male oó' dír Daudi, «Hám daxta aníng a taatoó hare diroge.»

TI'INAANGW 10:7

Geeraharuuse Farao guri beér, «Ay xaylá heewí i tsaaxweeli tleehhimaamiiti direne? Mukós kwisíng geemaweek i tlay, AAKOÓ MUNGÚ Munguúín ngu sluufmisuú aye'. Ay hamí aga tsahhkáhe adór yaamaá Misri nira qwaariyé'.»

TI'INAANGW 23:24

Mungui'ín mi i tumbarara'amitara', sleeme mi sluufmisuú awaara', laqaá tlehhmi'ii'ín mi eeharara'. Ala inooín na hhaamiisaak, nee uheemii'ín sleémeero na geqaawaak.

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

DABE 20:18

As kahhó' inooín kuungá' munduwa intsaahhatisiyé' tlehhmi'ii'ín kudá' ta waki, kudá' i tlehhahhitiya' dír munguii'ín, nee kuungá' tlakweema kiri tlehhá' dír AAKOÓ MUNGÚ, Munguúhúng.

YOSHUA 10:40

Gawaá adoorihe Yoshua yaamu sleémeero giri hayóh, yaamaá tlom'i, nee awa Negebu, nee awa xatsoowo, nee geetawér tlom'iiwo. Waawitaáín sleémeero guna baál, tam oo wák gwaa meetisiiká. Muruú slaáf sleémeero guna hhaamiís ar adoodá' AAKOÓ MUNGÚ, Munguú Israeli ngira oó'.

HAR'OHUUSE 2:2

nee kuungá' al'axweesani ma tleehhara' nee yaamuloouusér yaamuuká'. Kiteeri'ín awa ilahhooa kawa hanmiisi na fee/aak.› Ala afor'eé' kay axasi'iiká. Xáy, adoosíng gár kasa tlehhé' a milá?