TI'INAANGW 23:27 - Biblía Axweesantá Hhohho' ar Mungú 2004

²⁷ «Aníng múk ayeemoodá' un geerahúng wa dae tsaát, nee mukdá' amorhúng i slaqwarár áw un tlaahhír i kwaáhh, wakuuserhúng an way'aás iri geerahúng wa /akumít.

TI'INAANGW 23:27 Iomraidhean Croise

IIMU/UUNGW 35:5

Yakobo nee daaqaywós qoomár niwa aa'aá kaya', Mungú yaamuloouuse nee inslaaway'ine giri dae tsaát, tari qiitliiká daaqoó Yakobo eeharto.

2 SAMUELI 22:41

Kuúng wakuuser'eé' ana tlatlahhás, nee kudá' iga aahhiye' ina hhaamiís.

2 WAAWITÁ 7:6

Asma AAKOÓ MUNGÚ xweeraawo slaqwaruusér múk Aramu gana naáxw ar afór ur ar slaqwaruusér yaariir, nee ar faras nee ar gaardu. Múk Aramu ngiwa xui a múk Israeli, slaqwaruusér taa tlaaxw ar múk Hiti nee múk Misri nina haraatleér.

2 QOM'I 14:14

Gixsadaá iisapoó Gerari giri arbaá/, asma múk baraá gixsaduudá' ina da'ayuút as AAKOÓ MUNGÚ. Slaqwaruusér Yuda haasaánguú yaariír guri ar tleér, asma baraadae muruú yaariír i ló'wa deer.

WARA'AMI 18:40

Wakuuser'eé' kuúng ana gús dir'eene, nee kudá' aníng i ahhiitá' ngay hhaamiís.

WARA'AMI 21:12

Inooín i guwiyá' asma ga/aleerók, asma kuúng gitsee/er'ín a qoomés ar maheeriwók.

TI'INAANGW 33:2

Aníng malaykamooeé' ngu ya/aáw, inós geeraahúng gi haar, aníng mukdá' baraadá' wa hoót u guús. Inooín a xoorór Kana'ani, nee ar Amori, nee ar Hiti, nee ar Perisi, nee ar Hifi nee ar Yebusi.

TI'INAANGW 34:24

Asma aníng xoordu in guús geeraahúng wa ale, nee digeemaá ayaahúng i bihheérí uuruúx, nee slám heé yaamuuhúng gi ilaatleeruús i kaahh qoomár kuungá' birna geeraá AAKOÓ MUNGÚ Munguúhúngí hardaté' ki/ima tám baraá kurko.

FAARO 22:3

Balaki nee múk Moabu tari dandeemo feehhamiít daeero. As amaqawár yaariir ar xoorór Israeli kawa ár tari amoqwaár.

DABE 11:23

Daqaní AAKOÓ MUNGÚ, xoordu sleémeero gi geeraahúng wa guus, kuungá' aalír xoorduudá' /uureemaá koomá' ta kuungae kari hayota'.

DABE 11:25

Heé kuungá' nu tlampa'aás i kaahh tumu wák. Umuú dír ta keera'a baraá yaamuwo AAKOÓ MUNGÚ, Munguúhúng muu gu dae tsaat, adoodá' inós ngira oó'.

DABE 2:25

Aníng laarí muu sleémeero baraá yaamuwo u de'eérí tleés nee hor/iro as kuungá'. Inooín kangwhúng burngwa axaasiyé', tari daraxaat nee tari amoqwaqwadín.›

DABE 6:19

Nee kuungá' daqaní wakuuserhúng a gusá' adoodá' AAKOÓ MUNGÚ ngira al'axweés.

DABE 7:23

AAKOÓ MUNGÚ, Munguúhúng, wakuuserhúng ngi gawaá dabaahúng i haniis giri amoqwaarees ay dír ngay hhaamisi.

1 SAMUELI 14:15

Baraá yaamuudaá múk Filistiro, muu sleémeero iri amooqwaár, slaqwaruusér baraá xafaay nee múk baraá qamuuwo, nee xuumuusér baraá koo/ír gawit sleeme, nee kudá' naa haratlay'i, sleémeero gur'e ma'aay ngiri dala/iyé', tam yaamu sleeme nina daraxaatiyé', nee muu sleémeero iri kángw kilá' wa da'ayuút.