TI'INAANGW 23:25 - Biblía Axweesantá Hhohho' ar Mungú 2004

²⁵ Kuungá' aqo AAKOÓ MUNGÚ Munguúhúng un sluufmisá', nee aníng muruú /aymarhúng nee ma'aá wahangwhunge in tsuúq, slám aníng tiqti an hingeés baraá tla/angwhunge.

TI'INAANGW 23:25 Iomraidhean Croise

WARA'AMI 103:3

Tlakweemaeé' sleémeero ga gurtláy, tiqtir'eé' sleémeero gari hungu/uús.

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

DAHARUSMO 5:20

Hee deelór hotaawós ga inslayká, asma Mungú gwa qwal/amaayér i haniís baraá muunaáwose.

ISAYA 33:16

Heé adoorí hotaawós i gawaá gawa, dirós tidá' amohhoo' kaa harweér ar koo/ír gawit ar tla/u, muruú /aymaarós kun hanmiis umuú daqto, nee ma'aá wahaangw gi baloó dakuusiiká.

ISAYA 33:24

Baraadae heé oó', «Aníng a tiíq.» i kaahh, múk baraadá' wa hoót tlakweemaaín sleémeero ki gurtláy.

YEREMIA 8:2

Fadu kiri intlah dír tsee/amá nee slahhaangw nee tsatse/uú gawaá doori, dír muruudá' aáng inooín naa slaiyé' nee naa sagadiyusiyé', nee kudá' naa eehariyé' nee ngina hara'ayaárí lehhiitiyé', nee ngiri sluufmisiyé'. Faduuká' ki burumburiiká laqaá ki fooliiká', aqo nin meetiyá' gawaá daanduú yaamu adór tsuunkáy.

DANIELI 1:15

Alhhe'eesoó deeloodá' mibaangw iwa fák naxés gitsee/er'ín ina ak hhohhou'uúr nee slaqooín nina ak wahhaditiyé' ta masoombadár hatlá' ar muruú /aymár waawutmo gu /aa/aya.

TLAHHOÓ LAÁWI 11:44

Asma aníng an AAKOÓ MUNGÚ Munguúhúng. Ti partle' as tawa múk hhohhó', asma aníng ti hhoohhoó'. Kuungá' miti meetagaasara' ar muruú gur'ér hi'iimiít oo gawaá daanduú yaamu.

TLAHHOÓ LAÁWI 26:3

«Barnaxes daber'eé' aga eehadé' nee kaahir'eé' kay oté',

MALAKI 3:10

Gár wák baraá umuúqo muruú mibaango ar ádkoom na huwaare' baraá kuunti, as muruú /ayma iwa deeruuti baraá dooeene, án iiaraaré' ar loohisíng. Áx, ka aandá' adór pa/eeraá gawaá doori ngir gweér, nee nuri tsuúq, tam pa/ángw bu'uungw kway qasa' iri qwaar.

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

DABE 10:12

«Hám daxta kuungá' múk Israeli, AAKOÓ MUNGÚ, Munguúhúng gár i slai a milá dirhunge? Aqo har AAKOÓ MUNGÚ Munguúhúng un ilaiwawa/á', nee lohduuwós sleémeero kudá' i slai kiwa eehada', nee kuwa sla'a', nee AAKOÓ MUNGÚ, Munguúhúng kuwa sagadiyusa' ar munerhúng sleémeero, nee qeereemohúng sleémeero,

DABE 10:20

AAKOÓ MUNGÚ, Munguúhúng ilaiwaa/aak, inós sagadiyusaak, ti alkoomakonde' nee inós, nee lo'o ka /agá' ar umuuwós.

DABE 13:4

AAKOÓ MUNGÚ, Munguúhúng un eehadá', nee inós kilós un ilaiwawa/á' nee hara'ayaarós an otá', nee afoorós an iialooesá'. Inós un sagadiyusá', nee an dirósí naga'atá'.

DABE 6:13

AAKOÓ MUNGÚ, Munguúhúng ilaiwawa/aak, inós kilós sagadiyusaak, nee lo'o /ayaak ar baraá umuuwós kilós.

DABE 7:13

Kuungá' nuri slaa' nee nuri tsuuq, kuungá' tari ló'wa tláhh, nee na/iihúng niri tlahhiyá', qamuuhúng giri tsuuq as kuungá' balaangw kuwa sleera', nee difaái, nee di/to, kuungá' nu tsuuq as hikwa nee bee/aangw ngiwa haniisi baraá yaamuudá' aa al'axweés.

DABE 7:15

AAKOÓ MUNGÚ tiqti sleémeero ga hingees dirhunge, nee kuungá' tiqtír nu slaw i káhh tam ar niiná ar dae tlaaq adór tidá' kuungá' naa sleer qoomár tawa baraá yaamaá Misrír i diria'. Ala inós wakuuserhúng ga tiqtidií tlees.

YOSHUA 22:5

Ala ló'wa ilakaahareesé' hara'ayár AAKOÓ MUNGÚ nee dabeerós kiwa ooha hhe'esa', tidá' Mose sagadiyusmoó AAKOÓ MUNGÚ nuwa hara'ayín iwa káh, ‹AAKOÓ MUNGÚ, Munguúhúng na sla'aak, tidá' i kaahi na tlehhiitaak, hara'ayaarós na oohaak, dirós i naga'ataak, nee sagadiyusaak ar mune sleémeero nee ar qeereemo sleémeero.› »

YOSHUA 24:21

Ala inooín Yoshua nguri bayé', «Aasla'áy no. Atén aqo AAKOÓ MUNGÚ un sagadiyusaán.»

YOSHUA 24:24

Mukdá' Yoshua nguri bayé', «Atén AAKOÓ MUNGÚ Munguúrén un sagadiyusaán, nee hara'ayaarós an iialooeemisaán.»

1 SAMUELI 12:20

Samueli giri báy, «Ma da'ayumiitaara', a ló' tlaákwarí sleémeero aga tlehhé', ala ma warqawaara' AAKOÓ MUNGÚ kuri meerá' eeharto, i hariín AAKOÓ MUNGÚ kuwa sagadiyusa' ar munerhúng sleémeero.

1 SAMUELI 12:24

AAKOÓ MUNGÚ kilós na ilaiwa/aak kuwa sagadiyusa' ar inkihhimu, nee ar munerhúng sleémeero, inslawimé', adór nura muruú urén i tleéhh.

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»