TI'INAANGW 23:21 - Biblía Axweesantá Hhohho' ar Mungú 2004

²¹ Ti harmagahhe', nee afoorós iiárií qaasaak, ma dee/anutaara' dirose, asma tlakweemaahúng gi gurtlayká, asma umuueé' in baraawós i dirii'.

TI'INAANGW 23:21 Iomraidhean Croise

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

WARA'AMI 72:19

Umuuwós kudá' xiríf ku diidi'iimiis ay alhhe'eesáy wasle. Yaamu sleémeero xirfuuwose i hatsiye' ay alhhe'eesay wasle! Amin! Amin!

WARA'AMI 78:40

Nguwa si'iyé' baraá xaanxáy wa ale, ngway gurhaamírár ayé' baraá darmuú wa ale a sagaá wa magá'?

WARA'AMI 78:56

Ala tam adoorihe Munguú Gáwtí dirií' nguna iiaraa'ariyé', ngway si'iyé', tam kaahirós ngaa iialooeesi'iiká.

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

TI'INAANGW 3:14

Mungú Mose guri báy, «ANÍNG A DEER, KUDÁ' QAROÓ DAADÁW.» Guri báy, «Adoorí an adór ta o' dír múk Israeliwo, ‹Kudá' ta bay ANÍNG A DEER, iga amorhúng i ya/aáw.› »

TI'INAANGW 32:34

Ala hám daxta, tláw, muu geerahareek ay didaádá' aníng kangós naa kuúng báw. Ga/aaweek, malaykamooeé' geeraawók gi haar. Tam adoorihe bál aníng birna amorhúng káw, li/aay u buú' as tlakweemaaín.»

TI'INAANGW 6:3

Nee aníng tina gehhooatís dír Abrahamu nee Isaka nee Yakobo, tawa adór Munguú Aleesleemuú koóm, ala umuueé' kwí tiwa babay AAKOÓ MUNGÚ ugwa dir'iní xu'utisiiká.

ISAYA 42:8

Aníng umuueé' a AAKOÓ MUNGÚ, xirfuueé' u hanisaaká dír heé hatlá', laqaá xirfayemisuueé' u hanisaaká dír munguaá murslaaqat.

ISAYA 45:6

As muu ngiwa tsaahhi iimír da/aáw wá tleemu, ay /uwa, adór Munguú hatlá' ir kaáhh aqo har aníng kilooeé'. Aníng an AAKOÓ MUNGÚ, Munguú hatlá' i kaahh.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

ISAYA 9:5

Asma xooslaá slaqwara sleémeero awa hee i kon qoomár slaqwaraaro, nee tlabaá taa baraá tseereérár tiloók, kaa amohhe'eés kiwa hhaamisi, i migír tleehhitiyá' oo ta ásltár oohisi.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

YEREMIA 5:7

Xáy, tlakweemaahúng adór ngir gurtlaw? Mukók aníng iga sií' nee lo'o ngiri /ayiyé' ar munguaá lama. Qoomár inooín ngiwa /aymiís niri aaxiyé', nina baraá fúqtí tlayé', baraá maraá tsaatuuse ngiri dalaa/iyé'.

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

FAARO 14:11

Aluuwo AAKOÓ MUNGÚ Mose guri báy, «Mukwí aníng i waaqa'a'ati ay xaylá? Nee ay xaylá ta kumaamiti haratlintao wasleero, tam tlehhma'aá waa/oo/amo iga tla/angw'ín wa tlehhaahhiti?

FAARO 14:35

Anuú AAKOÓ MUNGÚ tí ngina oó', looeemaawo kuungaásingá' sleémeero aníng iga tlampa'ase' nu adoodá' taa katé' i tleéhh, kuungá' sleémeero an baraá xaanxaywí i hhaandá' nee an baraaká' i qatlá'.»

Matayo 1:23

«Ga/aaweek, /amaatliito'o i tsít, na/oó garma gu xwayluúr, umuuwós kuri bay Imanueli.» gídaabárós, «Mungú i dinkwa nee atén.»

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Yohana 10:30

Aníng nee Baabá a wak.»

Yohana 10:38

Ala án bar gadiyeé aga tleéhh, ala án tim haratlintatia'aakahe, gadiyeédá' naa tleéhh na haratlintiaak. Asma kuungá' kawa xua' nee kawa tsahha' adór Baabá ir baraaeé', nee aníng tar baraá Baabá.»

Yohana 5:23

as muu sleémeero Garma nguwa ilaiwawa/i, adoodá' Baabá kur ilaiwawa/i. Heé Garma gu ilaiwawa/aaká, tam Baabuúdá' Garma ngwaa ya/aaw gu ilaiwawa/iiká sleeme.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

DABE 18:19

Heé axweesantá aarusmoowí aa axwees ar umuueé' gaa waaqaa', anuú kilá' un sakwasleemuút.

DABE 9:7

«Tidá' ma baloó gunqareesara', adoodá' AAKOÓ MUNGÚ, Munguúhúng kura buhhtisé' baraadaá xaanxaywo. Iimidá' kuungá' tawa baraá yaamaá Misrír wa ti'ité', ay baalaarír laarí hám tawa diirí diria', kuungá' an kumaamitá' AAKOÓ MUNGÚ kuwa ahhahhita'.

Kolosai 2:9

Asma Mungú nee munguiimarós sleémeero i baraá Kristó wa hoot, gídaabá baraá slaqwtós.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

Ebrania 3:16

Múk afór Mungú gaa axaas, inós kuri sií', a ín heemá? A mukdá' sleémeero Misrír dáhhaáke, kudá' taa geeraharahaár nee Mose.

YOSHUA 24:19

Ala Yoshua mukdá' guri báy, «Kuungá' AAKOÓ MUNGÚ sagadiyede u asleera'aaká, asma inós a Munguú hhoohhoó'. Slám a Munguú da/itá koóm, nee inós tlakweemaahúng nee dakumisuhunge gi gurtlayká.

1 Yohana 5:16

Hee bar hhiyaawós gwa ár, i tlakweemaá tlehhiit, ala a tlakweemaá gwa'arár kooma'aaká, ngu aleefirin, nee Mungú gu slafíngw i haniis. Ala firoorí a har dír mukdá' tlakweemaá gwa'ara gaa tleehhiiká. Tlakweemaá gwa'arár koomá' i dayá'. Aníng a kaahaaká ngu aleefirin as tlakweemaaká'.

Geehhoeemaá 1:8

Aakoó Mungú i kaahi, «Aníng an Alfa nee Omega, aníng an iimu/uungw nee alhhe'eesaay.» Aníng an kudá' qaroó dáw, kudá' daadáw, nee kudá' hardáh, kuduú Aleesleemusmoó mura' sleémeero.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

Geehhoeemaá 2:8

«Kaangwí gooiimeek amór malaykamooduú múk kríshaanáy oo baraá Smirnár i dirií', «Axweesantí dír i dahh a dír kuduú geera nee oo alhhe'eesaay. Inós geeraawo ina gwaá' ala iri slaáf.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.

HAR'OHUUSE 13:18

Malaykamo iri oó', «Ahaá waáy, gár umuueé' kuwa yaahamis? Asma a umuú waa/oo/amór koóm.»