TI'INAANGW 23:20 - Biblía Axweesantá Hhohho' ar Mungú 2004

²⁰ «Qaytsiít aníng malaykamo u geeraahúng wa ya/aáw as kuungá' nuwa xun, nee nuwa huwi ay baraá yaamuudá' naa amohhe'eés.

TI'INAANGW 23:20 Iomraidhean Croise

IIMU/UUNGW 15:18

Baldae Mungú alqado gana tleéhh nee Abramu, Abramu guri báy, «Aníng xwaylarók a yaamuká' i haniís, iimír yaaér baraá yaamaá Misri ay yaaér ur ar Eufrate,

IIMU/UUNGW 24:40

Ala inós iri oó', «AAKOÓ MUNGUÚDÁ' aní geeraharahaár baraá slafingw'eene, malaykamoowós ngu ya/aaw as nee kuúng tiwa koonda' nee uwa alee/iisi baraá aaiiwoge, kuúng garmaaeé' ngu harér i sleér baraá múk tlahhay'eé' wa alé, nee baraá guruú doó baabuúeé'.

IIMU/UUNGW 24:7

AAKOÓ MUNGÚ, Munguú doori, kudá' aníng iga duux amór doó baabuúeé' wa alé, baraadá' ti laqwaál, ina aníng i axweés, iri al'axweesántí haniís iwa kaahi, yaamuká' ngi xwaylarógí haniís. Inós malaykamoowós ngu ya/aaw geeraawók wa alé, kuúng garmaaeé' nguri harér i sleér amoosíng wa alé.

IIMU/UUNGW 48:16

nee malaykamoodá' iga ba/amis nee tlakweema sleémeero, masoombarí ngi tsuuqi! Umuueé' ku aain baraaine, nee umér baabi'iieé' Abrahamu nee Isaka. Inooín ni xoorór ur tleehhitiye' baraá yaamuwo.»

WARA'AMI 91:11

Asma malaykeerós ngi amoorók i ya/aaw, u xuun baraá lohuuwók sleémeero.

TI'INAANGW 14:19

Naagáy malaykamoó Mungú kudá' aa giirin geeraá xoorór Israeli wa ale, iri tláy iri aluuín i kií/. Nee uhmooduú huunki iri quútl dír geeraaine, iri sihhiít aluuín i ale.

TI'INAANGW 15:16

Dae nee hor/iro gaa eér, ar aleesleemuú dakoge inooín niri xaslmiitiyé' adór tlaa/ano. Aá AAKOÓ MUNGÚ, ay dír mukók i waaraahhi, ay dír mukók kudá' taa ba/amís i waaraahhi.

TI'INAANGW 15:17

Aá AAKOÓ MUNGÚ, kuúng inooín in húp, kiri qás gawaá tloomadár aalirók, didá' taa tléhh tawa dír hotaawók. Aá AAKOÓ MUNGÚ, in húp ay didá' hhoohhoo' taa tléhh ar dabaawók.

TI'INAANGW 23:23

Qoomár bar malaykamooeé' kuungá' naa geerahaár nuri hardahaás baraá yaamaaá xoorór Amori nee ar Hiti, nee ar Perisi, nee ar Kana'ani, nee ar Hifi, nee ar Yebusi, xoorduuká' ngiri hhaamiís.

TI'INAANGW 32:34

Ala hám daxta, tláw, muu geerahareek ay didaádá' aníng kangós naa kuúng báw. Ga/aaweek, malaykamooeé' geeraawók gi haar. Tam adoorihe bál aníng birna amorhúng káw, li/aay u buú' as tlakweemaaín.»

TI'INAANGW 33:14

Mungú iri oó', «Anínguú kilá' ti koomaán nee kuúng, aníng kuungá' u amohhooár i haniís.»

TI'INAANGW 33:2

Aníng malaykamooeé' ngu ya/aáw, inós geeraahúng gi haar, aníng mukdá' baraadá' wa hoót u guús. Inooín a xoorór Kana'ani, nee ar Amori, nee ar Hiti, nee ar Perisi, nee ar Hifi nee ar Yebusi.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

SEKARIA 12:8

Baalaadae anuú AAKOÓ MUNGÚ yaamuloouusér Yerusalemu an xuúm nee muk daqetlákw baraá tla/angw'ine tay adór Daudi, nee xwaylár Daudi tay geeraharuusér múk Yuda adór malaykamoó AAKOÓ MUNGÚ nee adór Mungú inósuú kilá'.

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

FAARO 20:16

AAKOÓ MUNGÚ atén kuri i /aa/amimaán, inós /aa/eerén giri axaás, malaykamoowós nguri ya/aáw as tiwa duuxi baraá yaamaá Misrír wa ale. Ala hamí daxta a diirír Kadeshír i diriaán, gixsár dír digmuú yaamuuwógí dirii'.

FAARO 22:22

Mungú iri qa/iít buhhtawo asma Bala'amu iwa daqáy, as adoorí malaykamoó AAKOÓ MUNGÚ iri saga awín loohirí ale, as nguwa ilaa/i. Qoomaarihe Bala'amu i gawaá daanduú daqwaywós ti koná' nee sagadiyuuseerós ar tsár.

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Yohana 14:3

Án bara tláw, barnaxes hotangwhúng ngwa amohhe'eés, ni malé kií/ as nuwa amor'eé' dahi'is, as didaádá' án ni dirii', masók kuungá' a deer.

DABE 33:2

Ina oó', «AAKOÓ MUNGÚ amór tloomár Sinai ngina daáhh, tina amór tloomár Seirír wa harati'iít, tina amór tloomár Paranír wa i gwa/aát, nina baraá tla/ángw malaykér yaariír wa ti'iít, nee asla ina ót gawaá dakós oo doó /iyáy wa ale.

YOSHUA 23:5

AAKOÓ MUNGÚ, Munguúhúng, xoorduuká' naa meetiye' giqo tlatlahhaas ar /uuru geeraahúng wa alé, giri guus dír ilahunge. Kuungá' yaamuuín kiri alá' ar adoodá' AAKOÓ MUNGÚ, Munguúhúng, ngira al'axweés.

YOSHUA 5:13

Looarka wake Yoshua iiwa isaapoó gixsár Yeriko, Yoshua heé símér koóm gway ár i geeraawós wa sihhmiit. Yoshua iri amoorós i hi'iít guri báy, «Xáy, kuúng a bartá slaqwaruusér ayaaréne laqaá bartá wakaruuseerén?»

YOSHUA 5:14

Heedaádá' iri oó', «Aasla'áy, án bartá naa áw i káhh, aníng a diirí dirií', asma aníng a geeraharusmooduú malaykér AAKOÓ MUNGÚ.» Yoshua iri tumbarara'aát, giti gari yaamúr óh as ilaiwa/ame, iri oó', «Aakooeé', aníng a sagadiyusmoowók, gár kuúng ta sla' ar ni tleehh a milá?»

YOSHUA 6:2

AAKOÓ MUNGÚ Yoshua guri báy, «Aníng gixsár Yeriko ngi gawaá dabaawók i qaás, nee waawutmoowós nee slaqwaruuseerós sleémeerowo.