TI'INAANGW 23:19 - Biblía Axweesantá Hhohho' ar Mungú 2004

¹⁹ «Mamaá geera awa baraá qamuuhúng dahhá' huwaare' baraá doó AAKOÓ MUNGÚ Munguúhúng. «Tam deelmoó niiná oo du'uúm mu humiimara' baraá ilwaá aayorós. »

TI'INAANGW 23:19 Iomraidhean Croise

NEHEMIA 10:35

Al'axweesani an qaasaán umuú kurko bu'úngw geera oo balaangw nee mamaá geera awa umuú xa'anoowo kiwa huwaan baraá doó AAKOÓ MUNGÚ.

NEHEMIA 10:36

Adoodá' taa gooín baraá dabeero kawa eeharaan umuú na/oó baris oo garma baraá marayrene, kun huuw baraá doó Munguúrén dír kaahamuuseedá' baraá doó Mungú wa gadiyuus, sleeme tsa/tamoó awu oo baris oo slee ngun huwaán nee deelmoó leeiro nee oo bee/iro.

TI'INAANGW 22:28

«Mungú mu /ooslimaar, tam geeraharusmoowók mu lu'usaar.

TI'INAANGW 22:29

«Ma tligaar bu'úngw hargeera kuduú baraá qaymoorók daáhh kuwa hup, nee difaáiro. «Barismoowók ngun aníngí hanís.

TI'INAANGW 34:26

«Bu'úngw hhó' oo geera oo balaangw baraá yaamuuhunge un hubá' baraá doó AAKOÓ MUNGÚ Munguúhúng. «Deelmoó leei laqaá oo bee/i mu humimara' baraá ilwaá aayorós.»

AXWEESANOÓ SAGALOOA 12:10

Heé hotaawós ganaá'á tam slafíngw hikwaawós gun gár i xuu'. Ala gurtleemuú heé tlaákw a xarasleema.

AXWEESANOÓ SAGALOOA 3:9

AAKOÓ MUNGÚ ilaiwawa/eek ar daqaari'iimarók, ilaiwawa/eek ar bu'úngw geera sleémeero oo baraá qaymoorók daáhh,

YEREMIA 10:3

Asma alhotaarír xoordaá hatlá' a al/ayma, hee xa'ano gun tsaat baraá sla/atá wa aleeró, kuri daakw ar tsawo nee heé dakór xuú'.

ESEKIELI 44:30

Mura' sleémeero kudá' slaqo hhó' oo baris, nee bu'ungwhúng oo geera, nee umuúqo gár ta ilahhooár wa hanisa' dir'eé' ar kaahamuusér Mungú. Slamí male ale dír tara huuríngw eeri'iiká, puuruú har geera ku hanisá' dír kaahamuusér Mungú, as aníng marayhúng ngiwa tsuuq.

ESEKIELI 48:13

Yaamaá Laáwi a yaamuudá' awa bihhaá basa, dír yaamaá kaahamuusér Munguhe. Tlenaango yaamuuká' a kilomiíta mibaá nee tsár nee tlaqi iimír bihhaá da/aáw wá tleemu ay bihhaá /uwa. Uroó bihheerós a kilomiíta kooán iimír bihhaá /iíkwá tleemu ay bihhaá basa.

ESEKIELI 48:14

Yaamu ki baloó weerisiiká nee ki qasisiiká tam dír hee gaalá, asma yaamuuká' an yaamaá hhoohhoo' nee awa AAKOÓ MUNGÚ, an yaamaá hhoo' ta ak yaamu sleémeero.

FAARO 15:21

Kuungá' baraá qari sleémeero ar hi'iita anuú AAKOÓ MUNGÚ in ilahhooarí hanmisá' ar mukatmoó geera oo balángw geera.

1 Korinto 15:20

Ala looeema a kuká', Kristo aa waasleé/ baraá múk aa qaátl wa alé. Inós a bu'ungwdá' aa giirin oo mukdá' aa qaatl.

DABE 14:21

«Fu'unaá gár aa gwa' mi /ayaara', ala hoomoó baraá ayaahúng hoót inós ngi /ayi, laqaá weerisaak dirós i aleeró, asma kuungá' a múk hhohhó' dír AAKOÓ MUNGUHE, kuduú Munguúhúng. «Deelmoó leei laqaá oo bee/i mu humimara' baraá ilwaá aayoorós.

DABE 26:10

Ala hám daxta AAKOÓ MUNGÚ nguna bu'úngw geeraá i huúw oo naa sláw baraá yaamuudá' naa aténí haniís wa ale.› «Naagáy lakwaanti kari yaamií qás dír geeraá AAKOÓ MUNGÚ, Munguúwók nee ta tumbararaa'át dirós.

DABE 26:2

bu'úngw geera oo ta baraá yaamuudá' wa bu'uun, kudá' AAKOÓ MUNGÚ, Munguúhúng naa kuungá' i haniís, bu'ungwdá' un húp ar lakwaanti ay didá' AAKOÓ MUNGÚ, Munguúhúng aa tsawaár tawa didá' umuuwós kuwa ateetin.

Geehhoeemaá 14:4

Mukwí an kudá' taa slasla/aareemisiiká ar /ameena. Inooín taa duuxuxunká. Inooín Deelmoó bee/i kun eeharahaar amór inós iqo kaya. Inooín kaa tlaáxw baraá múk wa ale as tawa bu'úngw geera oo Mungú nee oo Deelmoó bee/i.