TI'INAANGW 23:15 - Biblía Axweesantá Hhohho' ar Mungú 2004

¹⁵ Deelór ur ar mikaátér taa sluuftisiiká an tlehhá' ar adoodá' ngira hara'ayiím. Mikaátér taa sluuftisiiká an /agá' deelo faanqw qoomár slahhangwdá' niwa ti'ité' baraá Misriro oo ta bay Abibu. Nee umuúqo heé deeloorí nga boo/eesár ayi mindiwa geeraaeé' daqáy ar dákw kaahaár.

TI'INAANGW 23:15 Iomraidhean Croise

TI'INAANGW 12:2

«Slahhaangwí daqaní a slahhángw geera baraá slahheeraá kurko dirhunge.

TI'INAANGW 13:3

Mose muu guri báy, «Baalaarí niwa ti'ité' baraá lawaali'iimár yaamaá Misrír wa ale, inslawaak, asma baalaarihe AAKOÓ MUNGÚ kuungá' nuna duúx ar dakós oo /uuruú koóm. Gimsé' baalár adór tihe, mikaátér taa sluuftís ma /ayaara'.

TI'INAANGW 13:4

Laarí slahhaangwí ta bay Abibu niwa ti'iít kuungá' an tleera' baraá yaamaá Misrír wa ale.

TI'INAANGW 22:29

«Ma tligaar bu'úngw hargeera kuduú baraá qaymoorók daáhh kuwa hup, nee difaáiro. «Barismoowók ngun aníngí hanís.

TI'INAANGW 34:18

«Deeloodá' ur ar mikaáteedá' taa sluuftisiiká inslawaak. Mikaáteedá' ta sluuftisiiká an /agá' ay deelo faanqw ar adoodá' aníng ngira hara'ayiím, qoomaadá' taa qaroó qaás ar slahhángw ta bay Abibu, asma an qoomár kuungá' niwa baraá yaamaá Misrír wa ti'ité'.

TI'INAANGW 34:20

Barisuú daqwaay un waa'alát ar deelomoó bee/i, ala barnaxés u sla'aká waa'alaharo, isa geeqaweek. Nee na/iiwók awa baris sleémeero in waa'alát. «Hee mindiwa dír geeraaeé' káy ar dákw kaahaár.

TLAHHOÓ LAÁWI 23:10

«Xoorór Israeli kabeeto, bara daté' baraá yaamuusingá' naa haniís, bar aga bu'uundé', ufuú balaangw oo bu'úngw geera un hubá' amór kaahamusmoó Mungú.

MIKA 6:6

«Aníng gár ni huuw a milá birni dír geeraá AAKOÓ MUNGÚ káw as Munguúdá' gáwtí dirií' nguwa i tumbarara'aat? Xáy, gár ni huuw a tsa/eetaá naa sangw /oní'i? As ngiwa ilahhooár da/tá wa haniis.

Marko 14:12

Bál iimu/úngw deelór ur ar Mikaáteedá' taa sluuftisiiká, nee ar deelmoó bee/i oo Pasaáka kuwa gaás, eeharuuse Yesu guna yaahás, guri beér, «Dír ta sla' a diimá ar ta amohhe'eesaan ar muruú /aymár Pasaáka kuwa /ak?»

Luka 2:41

Xwayliteérós i Yerusalémú kaakeér umuú kurko qoomár deelór ur ar Pasaákuwo.

Luka 22:7

Deeloodá' ur ar Mikaátér taa sluuftisiiká niri hardát, an deeloodá' hariim, ar deelmoó bee/i oo Pasaáka kuwa gaasi.

Tlehhema'aá ya/Abuuse 12:3

Ngiwa ár adór múk Yahudi adoodá' ngira qwal/atís, Petro guri óh sleeme. Qoomaadá' a qoomár deelór ur ar Mikaátér taa sluuftisiiká.

DABE 16:16

«Hhawaate sleémeero awa xoororhúng ni hardihiyá' dír geeraá AAKOÓ MUNGÚ, Munguúhúng, ki/ima tám, umuú kurko didá' AAKOÓ MUNGÚ, Munguúhúng aa tsawaari as umuuwós kuwa didá' wa ateetin: Qoomár deelór ur ar Pasaáka, nee deelór ur ar bu'uungw, nee deelór ur ar Isleeri. Mindiwa dír geeraá AAKOÓ MUNGÚ i hardihiyé' ar dabaá kaaharen.

1 SAMUELI 6:3

Inooín tari oó', «Sandakmoosuú Munguú Israeli bur ki/isá', mu kaahareema ki/isara', ala ma dakuusara', muruú ilahhooár dakuús hingeesa ti alhube', daqaní a /uurá', slám gár slahh'amaayér dakós kasa hingeesiiká dirhunge kingi laqaán.»