TI'INAANGW 23:14 - Biblía Axweesantá Hhohho' ar Mungú 2004

¹⁴ «Kuungá' deelór uren tám tleehhaak umuúqo kurko as ilaiwa/amer'eé'.

TI'INAANGW 23:14 Iomraidhean Croise

1 WAAWITÁ 9:25

Solomon do' tlehhmuuwo nguwa hhe'eés, umuú kurko ilahhooár da/a gan hamaamiis sagaáwa tám, nee ilahhooár wayduuwo, gawaá kitangw ilahhooa, kudá' inós aa tleéhh as AAKOÓ MUNGÚ. Ilahhooa gari daá/ gawaá kitangwdá' dír geeraá AAKOÓ MUNGÚ i dirií'.

2 QOM'I 8:13

Ilahhooarí gana haniís adoodá' hara'ayár Mose i kat, deelór Sabaáto, nee deelór slahhángw /abén birna ti'iít, nee deeloodá' uren tám baraá kurko: Deelór mikaátér taa sluuftisiiká, nee deelór uren ar fiiqit, nee deelór ur ar isleeri.

TI'INAANGW 23:17

Ki/ima tám baraá kurko hhawaate ni dír geeraá Aakoó Munguúwók i hardarahiye'.

TI'INAANGW 34:17

«Nee slám murslaqatuú munguaá hatlá' awa muqsla mi tleehhaar as kiwa sluufmis.

TI'INAANGW 34:18

«Deeloodá' ur ar mikaáteedá' taa sluuftisiiká inslawaak. Mikaáteedá' ta sluuftisiiká an /agá' ay deelo faanqw ar adoodá' aníng ngira hara'ayiím, qoomaadá' taa qaroó qaás ar slahhángw ta bay Abibu, asma an qoomár kuungá' niwa baraá yaamaá Misrír wa ti'ité'.

ESEKIELI 46:9

«Muu birna AAKOÓ MUNGÚ sluufmisuú áy qoomár deelór urene, mukdá' naa dah ar afkú do' oo bihhaá /iya, i ti'iiti ar afkú bihhaá basa, nee kudá' naa dahiye' ar afkú bihhaá basa ni ti'iitiye' ar afkú bihhaá /iya. Hee miwa kií/ ar afkudá' nira dáh, ala aqo in ti'iit ar afkudá' amór geeraawós i dirií'.

TLAHHOÓ LAÁWI 23:16

Bál mibeeri kooán, baalár alaá Sabaátór faanqw ilahhooár bu'úngw /abén duuxare' as anuú AAKOÓ MUNGÚ.

TLAHHOÓ LAÁWI 23:34

«Xoorór Israeli baweek: Iimír bál mibaá nee kooán ar slahhángw faanqw, deelór ur an tlehhá' ar isleeri deelo faanqw as AAKOÓ MUNGÚ.

TLAHHOÓ LAÁWI 23:4

Deelor'eé' ar uren ar hatlá' ar anuú AAKOÓ MUNGÚ ar dinku'uumár hhoohhoo' kawa tlehha', a baraá qom'iiká taa qoomeés.»

TLAHHOÓ LAÁWI 23:5

«Tsiindaá baalár mibaá nee tsiyáhh awa slahhángw geera an baalár Pasaáka kuwa boo/esa' as anuú AAKOÓ MUNGÚ.

DABE 16:1

«Deelór ur ar Pasaáka tleehhaak qoomár slahhángwdá' ta babay Abibu, as AAKOÓ MUNGÚ, Munguúhúng, asma slahhángw Abibu AAKOÓ MUNGÚ, Munguúhúng kuungá' qoomár xweeraawo nuna baraá yaamaá Misrír wa duúx.

DABE 16:16

«Hhawaate sleémeero awa xoororhúng ni hardihiyá' dír geeraá AAKOÓ MUNGÚ, Munguúhúng, ki/ima tám, umuú kurko didá' AAKOÓ MUNGÚ, Munguúhúng aa tsawaari as umuuwós kuwa didá' wa ateetin: Qoomár deelór ur ar Pasaáka, nee deelór ur ar bu'uungw, nee deelór ur ar Isleeri. Mindiwa dír geeraá AAKOÓ MUNGÚ i hardihiyé' ar dabaá kaaharen.

1 SAMUELI 1:3

Elkana umuúqo kurko in waatlatláy ay Shilo, as ilahhooár muruú ta tsu/i ngiwa hanmisuú aa'ay dír AAKOÓ MUNGÚ Aleesleemusmo. Didár Shiloro daaqoó tsár oo Eli i deer, umer'ín a Hofni nee Finehasi, inooín a kaahamuusér AAKOÓ MUNGÚ ar baraá Shilo.