TI'INAANGW 23:13 - Biblía Axweesantá Hhohho' ar Mungú 2004

¹³ «Muruuwí sleémeero naa kuungá' báw iialooeesaak. Munguaá hatlá' mi firiirimaara', tam umer'ín makawa axaás gawaá aferhunge.»

TI'INAANGW 23:13 Iomraidhean Croise

WARA'AMI 16:4

Ala kudá' munguaá hatlá' eeharahará', gurhaamir'ín in doogiín, ilahhooar'ín ar tseere an tsirxiisaaká, tam umér munguii'ín ka axaasiiká afkwe'eene.

WARA'AMI 39:1

Ana oó', «Inkihhimu un tleéhh baraá muruudá' ni tlehhiita, as kahhó' mawa dakuús. Afkwe'eé' un har óh, qoomár múk tlákw bira haratseewúy.»

TI'INAANGW 23:24

Mungui'ín mi i tumbarara'amitara', sleeme mi sluufmisuú awaara', laqaá tlehhmi'ii'ín mi eeharara'. Ala inooín na hhaamiisaak, nee uheemii'ín sleémeero na geqaawaak.

TI'INAANGW 23:32

Kuungá' alqado ma tleehhara' nee inooín, laqaá tam nee munguii'ín.

YEREMIA 10:11

Naagáy ki beera', «Munguaá doori nee yaamu nga tlehhi'iiká i hhaná'. Inooín kin hhaamiis baraá yaamuwo.»

HOSEA 2:17

Umér munguiidá' ta bay Ba'ali qoomaadae a hingeés gawaá afkose, kiri baloó ooiiká.

SEKARIA 13:2

AAKOÓ MUNGÚ aleesleemusmo i kaahi, «Baalaadár kilae aníng slaqsi'iidaá munguaá hatlá' in amór saáwí kwaáhh baraá yaamuwo, baraá inslawoó muko niri gunqaruutiyá', slám aaruusér lama an guús baraá yaamuwo nee qeeruú tlaakwe.

FAARO 32:38

nee Nebo, nee Ba'al-meoni (umér gixsaduuká' kana warqeés), nee Sibma. Inooín umér gixsaduudá' naa tleehhiyé' ngina warqeesiyé'.

Efeso 5:12

Asma muruudá' ta tlehhahhiti baraá lu/aaráy wa ale, tam kuwa axweesi a mure kángw kilá' wa ale.

Efeso 5:15

Gawaá adoorihe, adór baraá slafingwhunge tar hota' alqaytsitaak. Ma hootara' adór múk daktanár ar alé, ala masók a adór múk sageeloén.

DABE 12:3

Kiteeri'ín kudaá ilahhooa fee/aak, nee tlaa/eedá' taa sihhtimís as kiwa sluufmiisi parhhamisaak. Slaqsi'ii'ín kudaá Ashera hhaamiisaak ar asla, nee slaqsi'ii'ín kudá' taa dakuút, umer'ín amór saáwí hhaamiisaak.

DABE 4:15

«Gawaá adoorihe, ti harmagahhe', ma gunqarutara' baldá' AAKOÓ MUNGÚ iwa axweés nee kuungá' didár tloomár Horebúr wa ale baraá tla/ángw asla, kuungá' ugwa aandi'iiká adór i dirii'i. Gawaá adoorihe ti ló'wa harmagahhe'.

DABE 4:23

Ti ló'wa harmagahhe' alqadór AAKOÓ MUNGÚ, Munguúhúng aa tleéhh nee kuungá' ma gunqaresara'. Slaqsa'aá tawo mi alqoomeesara', nee AAKOÓ MUNGÚ, Munguúhúng, kuungá' naa ya/aamárí hanisiiká inós kuwa qoomesa' nee slaqsaay.

DABE 4:9

Ala gimsé' ti ló'wa harmagahhe' muruuwí mu gunqareesara', kwí ilaahunge taa aandé'. Gár adór tí miwa tleehharút baraá hotaahunge ar muruuwí kuwa gunqaaresa'. Na/iihúng nee na/aá nangwhunge ki kaangwí intsaahhatisá',

DABE 6:1

«Gaarí an hara'aya nee dabe nee kaahi tidá' AAKOÓ MUNGÚ, Munguúhúng aníng iwa ádbáy, kuungá' nuwa intsaahhatis, as kuungá' kawa tlehha' baraá yaamuudá' kuungá' tay hotaá eera'.

1 Timoteo 4:16

Adór kuúng tar hot ga/aaweek nee muruudá' ta intsaahhatimis ga/aaweek sleeme, kumiít muruuwí sleémeero kuwa tlehhit. Asma adoorí bara tléhh, daqaní kuúng kilók ti ba/amís, nee mukdá' sleémeero kuúng u iiárií qamiím sleeme.

Ebrania 12:15

Ga/aawaak, hee tsuuqaá Mungú mingiwa sií'. Nee magoót miwa deerút baraá tla/angwhunge, nee nuri hhitiín. Asma magór adoorí ga aleesleér múk yaariír nguwa qárkwií qas.

YOSHUA 22:5

Ala ló'wa ilakaahareesé' hara'ayár AAKOÓ MUNGÚ nee dabeerós kiwa ooha hhe'esa', tidá' Mose sagadiyusmoó AAKOÓ MUNGÚ nuwa hara'ayín iwa káh, ‹AAKOÓ MUNGÚ, Munguúhúng na sla'aak, tidá' i kaahi na tlehhiitaak, hara'ayaarós na oohaak, dirós i naga'ataak, nee sagadiyusaak ar mune sleémeero nee ar qeereemo sleémeero.› »

YOSHUA 23:11

Gimsé', ti kiloohúng harmagahhe' as AAKOÓ MUNGÚ, Munguúhúng kuwa sla'a'.

YOSHUA 23:7

Kuungá' nee xoorduuká' naa meetiye' ma aldinku'uumisaara', tam muruudá' taa tleéhh hariimár Mungú ló' wa ale, mu sluufmisuú awaara', nee umer'ín ma ateetimaara', laqaá lo'o ma /ayaara' ar umer'ín, laqaá mi sagadiyuusara', nee sleeme mi i tumbarara'amitara'.