TI'INAANGW 23:12 - Biblía Axweesantá Hhohho' ar Mungú 2004

¹² «Deelo lahhooe gadiyuús, ala bál faanqwe ta hungu/ús, sleerók nee daqwaywoge sleeme i hungu/usiye', nee na/aá lawaalo'oorók nee dahaaymoó do'oge i hungu/usiye'.

TI'INAANGW 23:12 Iomraidhean Croise

NEHEMIA 13:16

Múk Tiro kudá' baraá gixsár hoót siyó nguna huwiyé' nee muruú hatlae baraá gixsár Yerusalemu, nguri weerimisiyé' bál deelór Sabaátoro dír múk Yuda nee múk Yerusalemúr hoót.

TI'INAANGW 16:23

Mose giri báy, «Adoosíng taa tlehhé' an hara'ayár AAKOÓ MUNGÚ. Asma matlo a baalár hhoohhoo' ar huungu/uusa, a deelór Sabaátór hhoohhoo' ar AAKOÓ MUNGÚ. Gimsé' tlawsé', muruú /aymár ta kwasasahhaasár wa sla'a' kwasasahhasaak, nee oo ta humrór wa sla'a' humimaak, nee oo aa meet amohhe'esaak ay matlo.»

TI'INAANGW 23:11

Ala kurkú faanqwe qamuuwók in meér dooslaro, i dahaská sleeme. As kahhó' mukók kuduú narkuute nee makaá sla/a sleeme muruudá' baraadií dirií' nguwa /ayiya'. Adoorí an tléhh sleeme baraá qamuuwók kudaá sabiíbu nee awa seituúniro.

TI'INAANGW 34:21

«Deelo lahhooe kuungá' an gadiyusá', ala bál faanqwe an hungu/usá', barnaxes an qoomár doosla laqaá an qoomár bu'uungw, kuungá' aqo an hungu/usá'.

TI'INAANGW 35:2

Deelo lahhooe gadiyérhúng tleehhaak, ala bál faanqw a deelór hhoohhoo' ar Sabaáto ar AAKOÓ MUNGÚ ar kuungá' tawa hungu/usa'. Umuúqo heewo oo gadiyeé gaa tleehh baalaarihe aqo kun gaas.

TI'INAANGW 35:3

Asla a oohisa'aaká baraá marayhunge deelór Sabaátoro.»

ISAYA 58:3

Ahaá waáy atén gár tas gwaawimaan baré ti ga/eeraaká? Gár atén tis ninawesaan, bare' tiqo gaárií xu'uká? Ga/aawaak, deelór gwaawitorhunge, kuungá' sla'aarirhúng kilós an leelehhitá', nee sagadiyuuserhúng an baramaanusá'.

TLAHHOÓ LAÁWI 23:3

Deelo lahhooe gadiyeé an tlehhá', ala bál faanqw a baalár Sabaáto. Baalaarihe a gadiyusa'aaká, dinku'uumár hhoohhoo' an tlehhá'. Bál faanqwe a gadiyusa'aaká, an Sabaáto, an baalár taa paraátl as anuú AAKOÓ MUNGÚ baraá hotaahúng sleémeero umuúqo diiro.

Marko 2:27

Giri báy, «Deelór Sabaáto kana tleéhh as hee, ala hee kwa tleehhiiká as deelór Sabaáto.

Luka 13:14

Heedaádaá úr oo doó saaliingw iri buúhh, asma adoodá' Yesu /ameenidá' ngiwa hungu/uús deelór Sabaátoro, boo/aydá' guri báy, «Deelo lahhoó' i deer ar gadiyeé. Hardaharé' deeloodá' lahhooe, kuungá' tunduwa hungu/uumisi, ala a bál deelór Sabaátorooká.»