TI'INAANGW 23:1 - Biblía Axweesantá Hhohho' ar Mungú 2004

¹ «Axweesanoó lama mu alki/itaar. Ma aldinku'uumisaara' nee heé tlaákw, as tawa lamabu'usmoó lama tleehhit.

TI'INAANGW 23:1 Iomraidhean Croise

IIMU/UUNGW 39:17

Inós kangwdá' tleehharuut guri alki/ít, iwa kat, «Sagadiyusmooduú xoorór Ebrania naa doorén i húp, ina i daqáy as aníng iwa mureekeesi.

2 SAMUELI 16:3

Waawutmo guri yaahaás, «Garmoó aakoowók gaálay?» Siba waawutmo guri báy, «Inós i baraá gixsár Yerusalemu, asma ngiwa xui ku waawuti'iimár aakoowós Saúlówí ki/is nee múk Israeli.»

2 SAMUELI 19:27

Ala inós aníng ina kaantaatín dirógí ale, aakooeé' waawutámo. Ala kuúng, aakooeé' waawútmo, kuúng a adór malaykamoó Mungú. Umuúqo gár ta aán ar qoom dir'eé' tleehhang.

WARA'AMI 101:5

Heé inslaawmoowós gu qawti /aysántií tlaáq, u qwaareés. Heé hi/inír ar xumiís nee oo daara/aám, u ilií oohaaká.

WARA'AMI 120:3

Kuungaá lamuúse, gár tundu i tleehhi a milá? Nee adór tundur muxi a adoomá?

WARA'AMI 15:3

A heedá' múk kaantimaaká, a heé gár tlaakw ga sla'aaká ngiwa mulqumoowósí tleehhi, laqaá tam inslaawmoowós nguwa safooli.

WARA'AMI 27:12

Mi haniisaar baraá dabaá wakuuser'eé'. Asma lamabu'uusér lama iga sakí/, inooín aníng i /atlií /ayiyá'.

WARA'AMI 35:11

Lamabu'uusér /aytuuse i sakwasleemút, asma muruú ni xuaaká. Muruú ni xuaaká ngun aníng i yaahamiisiyá'.

TI'INAANGW 20:16

«Inslaawmoowók mu /aysántí tsataar.

TI'INAANGW 23:7

Kuúng axweesanoó lama geewakaweek, múk dakuús wásl nee oo gan'amuú kooma mi tsu/aar, asma aníng tlakusmo u gan'amií harafaraaká.

AXWEESANOÓ SAGALOOA 10:18

Heé aahhirós gaa luu/ a hhaahhafusmo, heé daanduú heé axweés a daktani.

AXWEESANOÓ SAGALOOA 12:17

Heé looeemaá axweemamiís lamabu'úngw ló' gun kah, Ala lamabu'usmoó lamusmo gár i kaahi a al/ayma.

AXWEESANOÓ SAGALOOA 14:5

Lamabu'usmoó inkihhimuú koóm lama ga tsatiiká. Ala heé lamusmo gaa a lama gan tawo tlinqimiis.

AXWEESANOÓ SAGALOOA 17:4

Heé tlaákw iaawós gin siihh dír axweesanoó múk tlákw. Nee lamusmo iaawós gin siihh dír axweesanoó hhititiím.

AXWEESANOÓ SAGALOOA 19:28

Lamabu'usmoó amoowásl tlehhmuú ganaá' gun niqín, afér múk tlákw tlakweema gin tawo waawa'amít.

AXWEESANOÓ SAGALOOA 19:5

Lamabu'usmoó lamusmo ku pa/asiiká muxtaaro, tam heé lamusmo gar /uyká.

AXWEESANOÓ SAGALOOA 19:9

Lamabu'usmoó lamusmo ku pa/asiiká muxtaaro. Nee heé lamtá axweemamiís i qwaar.

AXWEESANOÓ SAGALOOA 21:28

Lamabu'usmoó lamusmo i qwaar, Ala heé iaá axamis gi koóm axweesantós i qwatká.

AXWEESANOÓ SAGALOOA 24:28

Inslaawaywók mu tawo daandeemo axweesaar, tam afkoge lama ma kaahaar.

AXWEESANOÓ SAGALOOA 25:18

Lamabu'usmoó lamtá tlaáq dír inslaawaywós, a adór guhhláy, laqaá paánga, laqaá mahángw qirqiintli.

AXWEESANOÓ SAGALOOA 25:23

Fur'ár baskú daahh i tluwoó huwaahúp, Adoorí an adór kaantusmo gila ngir haahuwi.

AXWEESANOÓ SAGALOOA 6:19

Lamabu'usmoó lama, oo lama iwa tawó tluwit, nee heé múk harauhmís.

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

TLAHHOÓ LAÁWI 19:11

«Ma fisiisimaara', ma al/agiimara', laqaá miti lamemií kaahara'.

TLAHHOÓ LAÁWI 19:16

Ma baloó kwa'afeeraá maraá múkwár warahhaar tawa mar'eefoowók safolit. Hotaá inslaawmoowók mi baraá tsaxwaá gwa'aarárí dahasaar ar axweesanaywók. Aníng an AAKOÓ MUNGÚ.

Matayo 19:18

Heedaádá' iri oó', «Hara'aya a gaalá?» Yesu guri báy, «A tí, ‹Hee mu gaasaar, fuqi ma awaar, Gár hee ma fiisaar, Hee mu /aysántí tsataar,

Luka 19:8

Sakayo iri sihhiít guri báy, «Qaytsiít Aáko, tlaqtá daqaari'iimar'eé' a haniís dír narkuute, nee gár hee ar naa hara/uuntsiím bir deer, a ki/ís sagaáwa tsiyáhh wa ale.»

Luka 3:14

Askaári sleeme guri yaahás, iri ó', «Atén sleeme, adór ta laqaan?» Giri báy, «Hee mu hara/untsimaara', laqaá mu sakwasleemuutara' ar lama. Bu'utuuhúng ar bu'uutaak.»

Yohana 7:51

«Ahaá, hara'ayarén hee gu sakwasleemúta, barnaxes axweesantós kaa axaasiiká geerií alé, nee barnaxes kaa xuiiká tidá' aa tleéhh?»

Rumi 3:8

Ala bar adoosíng, an ooána, «Tlakweema i tleehhaán as hhooeema iwa hardihiya'.» Múk atén ti kaantiím bahh'alé sleeme gaa káh adór atén gár ta intsaahhatimisaan tar tí. Inooín ki sakwasleemuut ar sakwasleemár hariim.

Efeso 4:25

Gawaá adoorihe, lama mawaak. Kuungá' looeema kilooín na axweesaak baraá tla/angwhunge. Asma atén sleémeero a diqoó slaqwtá wák, tidár Kristo.

DABE 5:20

«Inslaawmoowók mu /aysántí tsataar.

2 Timoteo 3:3

Slám a múk múk maray'ín sla'aaká, a múk wayduú tlehhitaaká. Nee slám inooín a múk /ayseenuuse, múk slaqooín ila/aamaaká, múk xaraásl, múk hhooeemaá sla'aaká,

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.

Geehhoeemaá 12:10

Aníng afór ur ngiri axaás gawaá doorí i alé, i kat, «Iimír hamí ba/ama nee /uuru nee waawuti'iima a ar Munguúrén, nee aleesleemu a oo Kristowós. Asma sakwasleemusmooduú hhaeerén kwaa yaamií kwaáhh, kudá' inooín gi sakwasleemaamuút dír geeraá Munguúrene tlaatla/aangw nee xweeraawo.