TI'INAANGW 22:9 - Biblía Axweesantá Hhohho' ar Mungú 2004

⁹ «Umuú gár muu tiwa watlaanki bar an slee laqaá daqwaay, laqaá bee/i, laqaá tlaba', laqaá umuú gaa gaala ar aa qwat, gár hee iwa kuqá' babay, ‹Gaasíng a te'eé',› axweesantír mukwí tsár ka huwi geeraá Mungú, nee kudá' taa sakwasleemuút nee Mungú, as iwa dakuúsár kon, gadaádá' aqo gan sagaá wa tsár wa buu'.

TI'INAANGW 22:9 Iomraidhean Croise

IIMU/UUNGW 31:39

Aníng sleerók ar makiito'ór sla/a aa harieér ar naa amór dóí huúw i káhh. Badeérí tari daanduueé'. Kuúng án iri iinús, as ngiwa buu', kaa fiís bar tlaatla/aangw laqaá bar xweera.

1 WAAWITÁ 8:31

«Hee bar heé hatlá' gwaa sadakuús, inós kunguri huúw as lo'o ngiwa /ayi baraá do'owí wa alé, inós bar lo'o gaa /aáy,

2 QOM'I 19:10

Barnaxes hhaeehúng awa baraá gixsadaá hatlá' naa kwasleemadií huwiyé' awa daanduú tsu/uta, nee dabe hhita, nee hara'aya siaasi', laqaá kaahír Mungú siaasi', ló'wa hara'ayimaak as AAKOÓ MUNGÚ mukuwa sadakuús. Kuungá' bar adoorí aga tleehhi'iiká, kuungá' nee hhaeehunge sakwasleemár AAKOÓ MUNGÚ nu sleér. Ala kuungá' adór ganaa' bar aga tlehhé', daqaní dakuús i káhh dirhunge.

TI'INAANGW 22:10

«Bar hee qaasarár daqwaay laqaá ar slee, laqaá ar bee/i, laqaá ar makiito'ór hatlá' gaa dír heéwí qaás as ngiwa amohhe'eesi, nee makiito'oodá' iri gwá', laqaá iri dii hhitirút, laqaá kaa qawti ar tláy heé gaa ar i kaahh,

TI'INAANGW 22:28

«Mungú mu /ooslimaar, tam geeraharusmoowók mu lu'usaar.

TI'INAANGW 22:4

Barnaxes sleedá' aa fiís, laqaá daqwaay, laqaá bee/i kaa sláy baraá do'ós wa ale i sláf, sleedá' gan aldaaf ar hikwaá tsár.

TLAHHOÓ LAÁWI 6:5

laqaá umuúqo gár lama ar aa lo'ór wa /ayi, inós umuú gaaro gan buu', muruú kooán gun aldaaf ar gár wák.

Matayo 18:15

«Hhiyaawók kuúng bura sadakuús, tláw gurbueek, kuúng nee inós kiloohúng. Kuúng bura iiárií qaás, hhiyaawók ugwa sleér.

Matayo 18:35

Yesu iri oó', «Adoorí an adór Baabuúeé' oo gawaá doori kuungá' nu laqi, barnaxes umuúqo heewo hhiyaawós gu gurtlatlayká ar muunuú ló'.»

DABE 25:1

«Barnaxes múk tsár taa áy tari kwasleemár áy, har'ohuuse qaa/ay'ín ngu tsat, heé gan'amuú koóm gana'amuwós ngu slay, nee kuduú dakuúsár koóm ku sakwasleemuuti.