TI'INAANGW 22:30 - Biblía Axweesantá Hhohho' ar Mungú 2004

³⁰ Adoorí an tlehhá' sleeme dír na/aá baris awa hikwaahúng nee awa bee/angwhunge. Na/oó slee in dír aayírós wa du'ún deelo faanqw, bál dakaate ngu aníngí haniisá'.

TI'INAANGW 22:30 Iomraidhean Croise

IIMU/UUNGW 17:12

Umuúqo na/oó garma oo deelo dakaát ku hheehhe'eesi dirhunge, umuúqo hhawaata baraá xwaylarhunge oo taa laqwaál dó' wa alé, nee oo taa tlaáxw ar peésa, umuúqo dahaaymowo oo xwaylarogeeká,

TI'INAANGW 13:12

Na/aá daaqaay sleémeero awa baris paraatlaak as AAKOÓ MUNGÚ, nee yaqaambe sleémeero ar baris ar makaá ta de'en.

ESEKIELI 4:14

Aníng nguri báw, «Aá Aakoó MUNGÚ! Aníng taa baloó meetagaasiiká as tuua ngiwa /aay, laqaá gár makiito'ór sla/a aa ót, laqaá tam fu'unaá makaá slasla/aren iga /ayiiká iimír tawa na/oó niiná.»

TLAHHOÓ LAÁWI 11:44

Asma aníng an AAKOÓ MUNGÚ Munguúhúng. Ti partle' as tawa múk hhohhó', asma aníng ti hhoohhoó'. Kuungá' miti meetagaasara' ar muruú gur'ér hi'iimiít oo gawaá daanduú yaamu.

TLAHHOÓ LAÁWI 11:45

Asma aníng an AAKOÓ MUNGÚ, kudá' kuungá' naa duux baraá yaamaá Misrír wa ale, as niwa Munguúhúng tleehhiit. Gawaá adoorihe ti hhoohhooese', asma aníng ti hhoohhoó'.»

TLAHHOÓ LAÁWI 12:3

Bál dakaate na/aay ku al/utli.

TLAHHOÓ LAÁWI 17:15

«Heé yaamuloousmo laqaá hoomo oo gár aa kilós gwa' gaa /aay, laqaá ar taa gaás nee makiito'ór sla/a, gár kuwa hariím tlabaawós gin hhuunts, nee iri hamtlín, inós iri dah baraá meeta ay tsiindo. Aluuwo iri hhoohhooúy.

TLAHHOÓ LAÁWI 22:27

«Awu, laqaá gwaanda, laqaá gurta oo taa laqwaál in dír aayorós wa du'ún deelo faanqw, ala iimír bál dakaate i ya/án tawa ilahhooár ta da/i ar asla dír AAKOÓ MUNGÚ.

TLAHHOÓ LAÁWI 22:8

Kaahamusmoó Mungú makiito'ór aa kilós gwa' mingiwa /aáy, laqaá ar taa gaás nee makiito'ór sla/a, as mitiwa meetagaás. Aníng a AAKOÓ MUNGÚ.

TLAHHOÓ LAÁWI 7:23

«Xoorór Israeli ka beeto, wahhnár hikwa nee ar bee/aangw, laqaá ar aara ma /ayaara'.

TLAHHOÓ LAÁWI 7:24

Wahhnár slér aa tawo gwa', laqaá ar taa gaás nee makiito'ór sla/a, ka amohhe'és as gadiyedaá hatlá', ala ló' makawa /aáy.

TLAHHOÓ LAÁWI 7:26

Baraá hotaahunge tseere ma baloó /ayaara', tam ar daa'awi gaalá, ar tsir/o laqaá ar makaay.

DABE 14:21

«Fu'unaá gár aa gwa' mi /ayaara', ala hoomoó baraá ayaahúng hoót inós ngi /ayi, laqaá weerisaak dirós i aleeró, asma kuungá' a múk hhohhó' dír AAKOÓ MUNGUHE, kuduú Munguúhúng. «Deelmoó leei laqaá oo bee/i mu humimara' baraá ilwaá aayoorós.

DABE 15:19

«AAKOÓ MUNGÚ, Munguúhúng awér hikwaahúng nira barisiyé' nee gwaandaawér bee/angwhúng ira barís ti hanise', aweerí mar gadiyuusara', nee gwaandaaweesíng ma se'eengw tlaaqara'.