TI'INAANGW 22:28 - Biblía Axweesantá Hhohho' ar Mungú 2004

²⁸ «Mungú mu /ooslimaar, tam geeraharusmoowók mu lu'usaar.

TI'INAANGW 22:28 Iomraidhean Croise

2 SAMUELI 16:5

Qoomár Daudi iwa hardáh Bahurimu, heeko wák nina hardáh oo baraá gixsár daáh, oo tlahhoó Saulo. Umuuwós a Shimei garmoó Gera. Shimei iwa amór Daudi kay, guri loohi lu'umaamís.

2 SAMUELI 16:9

Kár Abishai garmoó Seruya, waawutmo guri báy, «Aakooeé' waawutámo, a gár milá kuúng tuwa lu'umisi nee seeoó aa gwaa'? Áx, ya/aám, aníng a amoorós káw, sagós ngu tsaát.»

2 SAMUELI 19:21

Kár, Abishai, garmoó Seruya, iri oó', «Xáy, i ganá'ke Shimei kuwa gaasi. Asma inós heé AAKOÓ MUNGÚ aa tsawaár guri sliík ar di/i, guna lu'ús?»

1 WAAWITÁ 21:10

Daqaní múk tsár oo gu lamtí tsaát ku sleerá', oo gu báw, ‹Kuúng waawutmo nee Mungú iga /ooslisliín.› Daqaní ku tsee/í duxá', ku tlaa/ér tlaqutá', i gwaai.»

WARA'AMI 138:1

Aníng kuúng u sluufiís ar muunaáeé' sleémeero, dír geeraá munguaá lamto un wara'amtá xirfuuwók i daá'.

WARA'AMI 32:6

Daxta umuúqo heé inkihhime, kuúng u firín qoomár tuwa slaslay. Qoomár tsaxwaá yau niwa doowatsiné', ala inós ma'aay ngu i hardihiaaká.

TI'INAANGW 13:12

Na/aá daaqaay sleémeero awa baris paraatlaak as AAKOÓ MUNGÚ, nee yaqaambe sleémeero ar baris ar makaá ta de'en.

TI'INAANGW 13:2

«Na/aá baris sleémeero paraatleek, asma na/aá baris sleémeero awa múk Israeli nee awa makaywo a kwe'eé'.»

TI'INAANGW 21:17

«Heé baabuúwós gwa lu'us, laqaá aayoorós, aqo kun gaas.

TI'INAANGW 23:16

«Slám deelór ur ar bu'úngw geera oo gadiyérhúng tleehhaak, nee ar bu'úngw baraá qamuuhúng daáhh. «Deelór ur ar balangwhúng kuwa burumburiinda' an tlehhá' umuú kurko, qoomár bar bu'úngw gadiyérhúng burumburiindá'.

TI'INAANGW 23:19

«Mamaá geera awa baraá qamuuhúng dahhá' huwaare' baraá doó AAKOÓ MUNGÚ Munguúhúng. «Tam deelmoó niiná oo du'uúm mu humiimara' baraá ilwaá aayorós. »

DAHARUSMO 10:20

Waawutmo mu /ooslimaar tam baraá inslawaywoge, tam daqaarmo mu /oosliimaar tam kilók baraá do'oge. Asma tliinta i axamís, nee kangwdá' guri ó'.

TLAHHOÓ LAÁWI 24:11

Looarka wake garmaadá' aayorós ta bay Shelemoti, dasír Diberi, ar tlahhoó Dani, umuú Mungú guna /ooslín, nee guri lu'ús. Naagáy muu masoomoodá' guri huúw dír Mose.

TLAHHOÓ LAÁWI 24:15

Kuúng xoorór Israeli ka beer: Umuúqo heewo oo umuú Mungú gwaa lu'us, gár kuwa hariím a tlakweemaawós gin gagaar.

TLAHHOÓ LAÁWI 24:16

Umuúqo heewo oo yaamuloó' laqaá hoomo oo umuú AAKOÓ MUNGÚ gwaa tloqoos, xooro gun tlaa/ér gás.

Tlehhema'aá ya/Abuuse 23:3

Paulo iri oó', «Mungú kuúng u slaahh, asma kuúng a adór koo/ír taa hhoohhoeés ar busla. Kuúng ana iwít as aníng iwa sakwasleemut ar adoodá' hara'aya i kat. Ala kuúng a kat, ‹Muxaak.› Gawaá adoorihe kuúng hara'aya aga sí'.»

Tlehhema'aá ya/Abuuse 23:5

Paulo iri oó', «Hhaee'eé', inós adór tar kaahamusmoó úr oo Mungú aníng aga xuiiká. Asma kaa gooín, ‹Geeraharusmoó mukók mu muruú tlákw babawaar.› »

1 Petro 2:17

Muu sleémeero ilaiwawa/aak. Hhae sla'asla'aak, Mungú ilaiwawa/aak. Waawutmo ilaiwa/ame ti hanise'.

2 Petro 2:10

ak alé mukdá' ilatleerír slasla/aren ar slaqooín ga eeharahaár, kudá' aleesleemuú Munguú waaqaqaá'. Intsaahhatuuseerí ar lama inooín a afakaharuusér fahharuuse, slám a takaahuuse, slám ta daaraxiiká, ala tam malaykeedár aleesleemuú koom kan /ooslislín.

Yuda 1:8

Tam mukwí naa tla/angwhúng i dah sleeme aqo adoodá'. Inooín baraá tlataín awa tawooro slaqooín kin slasla/areemiis, tan siaasii' kiwa baliiti nee Mungú, nee kudá' xirfayen awa gawaá doori kin /ooslislín.

1 SAMUELI 24:10

Qayteek laarí hamí, adór kuúnguú kilá' kara aán ilaawoge, qoomár tawa baraá mar'írií diri', AAKOÓ MUNGÚ una gawaá dabaeénií qaás. Muk'eé' bahh'alé aníng iri báy, ‹Gaaseek,› ala una gurtláw, niri oó' ‹dakw'eé' u looloqoosaaká gawaá aakooeé', asma inós a kudá' taa iimbalaáx nee AAKOÓ MUNGÚ.›

1 SAMUELI 24:6

Daudi mukós guri báy, «Aasla'áy, AAKOÓ MUNGÚ dakw'eé' ngu pa/asi, gár tlaakw mawa tleéhh gawaá aakooeé' kwí taa iimbalaáx nee AAKOÓ MUNGÚ. Dakw'eé' muwa looloqoós gawaá heé AAKOÓ MUNGÚ aa iimbalaáx ar di/i.»

1 SAMUELI 26:9

Ala Daudi Abishai guri báy, «Inós mu gaasaar, asma heé taa tsawaár nee AAKOÓ MUNGÚ, guri iimbalaáx ar di/i, heé gu qiítl looloqosaro a heemá iri dakuúsár konká»