TI'INAANGW 22:25 - Biblía Axweesantá Hhohho' ar Mungú 2004

²⁵ «Narkutmo bura kirkitís mu iinuusaar, laqaá aldaafír peésaadá' ma iinuusaar.

TI'INAANGW 22:25 Iomraidhean Croise

2 WAAWITÁ 4:1

Naagáy harér heé wák baraá tla/ángw eeharuusér aaruuseero ina daqeér dír Elisha guri beér, «Sagadiyusmoowók hhawaatuueé' aa gwaá', nee kuúng a xú' sagadiyusmoowók i AAKOÓ MUNGÚ ilaiwa/a/aat. Ala heeko inós gu iinuús naa hardáh na/iieé' awa tsár ngiwa ar tlay, ngiwa lawaaleerós tleehhi.»

2 WAAWITÁ 4:7

/Ameenidá' iri tleér dír heé Mungú, guri kangwdá' beér. Heeduú oo Mungú gari báy, «Tláw di/itisíng weeriseek inusmoowók bu'uumeek, daqaní kiíng nee na/iiwók a hotá' ar peésaasíng aa met.»

NEHEMIA 5:7

Adór ni /iis ngay leeleéhh. Tiri awaán nee mukdá' urén nee geeraharuuseero, ngiri báw, «Hhaeehúng iga /aytiindé'.» Aníng muu nguri burumbuúr as kahhó' nee inooín tiwa axweesani tlaxuna'.

WARA'AMI 15:5

Gár aa kirkitís ga slaasláwárí iinuusiiká, tam slukuma ga ohinká as hariímár heé dakuús wásl ngiwa qwaareesi. Heé muruú adoorí gu tlehhahhiít ku hingeesiiká ay kureeraá kureér.

AXWEESANOÓ SAGALOOA 28:8

Heé daqaari'iimarós dogiít ar iwa múk /aytin, Gan burumbuur as heedaádá' narkuutér gurtlatláw.

YEREMIA 15:10

Tsaxwaaeé', gár aayor'eé' isa laqwál baraakaá yaamií ale, asma aníng a heé ta niqin, nee oo ta tlampa'aamisi baraakaá yaamu sleémeerowo. Aníng hee ugwa kiriikiiká, laqaá aníng heé iga kiriik i kaahh, hamí ala umuú heewo in lu'umis.

ESEKIELI 18:13

hee burngwa gaárií haniís, aldaafi gan iinuus, nee slaasláwár yaariir ga leelehhiit, xáy, na/aywí iqo tsuwa hoóti? Aasla'áy i baloó hootiiká. Asma na/aywí muruú aníng ni ahhiit sleémeero guna tleéhh. Ar ló', inós i gwaa', a inós kilós in gwaa'.

ESEKIELI 18:17

tlakweema gi tlehhitiiká, hee burngwa kirkitís aldaafi ga iinuusiká, laqaá slaasláwár ur ga leelehhitiiká, hara'ayar'eé' nee kaahir'eene gina eeharahar, na/aywí i gwaaiiká as tlakweemaá baabuúwós. Inós in hoot.

ESEKIELI 18:7

barnaxes hee gu /aytinká, nee gár hee birnga kiriík ga ki/imis, bar muruú muu gu malguusiiká, ala muruú /aymaaro múk qwariít gun qaqáy nee kudá' tlabaá kooma'aaká gi tsiitmiis,

ESEKIELI 18:8

nee gaa birnga heéwí haniís aldaafi ga leelehhitiiká, tam slaasláwár ur ga leelehhitiiká, barnaxes dakós gwa ilaá/ dír gár tlaakwe, sakwasleema aqo gan tsaat ar gan'amu dír heé iinuús nee oo ta iinuusi,

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

AMOS 2:8

Umuúqo dír kitángw ilahhooa i dirii'i, inooín tan qaqatín gawaá tlabaá taa arhaanír wa ohín nee baraá doó Munguúine, difaáír ta xufi an tidá' tinda iinúr bu'ún.

Matayo 25:27

kuúng gár uwa hariím geeraawo a peésar'eé' an ar halaanús, as án binda kií/, peésar'eé' ngiwa slaw, dinkwa nee slaasláwarose.›

Luka 19:23

ala boohhar'eé' tidá' gaálay kara gadiyus as slaasláw ngiwa sleer? As án birna kií/ ngiwa slaw dinkwa nee slaasláwarose.›

DABE 15:7

«Barnaxes heé narkutmo i deer baraá tla/ángw hhaeehunge, baraá gixsár wake, baraá yaamuudá' AAKOÓ MUNGÚ Munguúhúng ni kuungií haniisi, ma qahuuse tleehhitaara' laqaá ma /akuuse tleehhitaara' dír hhaeehunge.

DABE 24:13

Umuú tsiindoowo inqwaaridár arhaáni ki/imiseek, as inós ngiwa tsiiti nee kuúng uri tsuuq. Adoorí bara tléhh, adór ganaa' aga tléhh dír geeraá AAKOÓ MUNGÚ, Munguúhunge.