TI'INAANGW 22:24 - Biblía Axweesantá Hhohho' ar Mungú 2004

²⁴ Aníng niri daa/atúw buhhtaawo, nuri tsuú/ ar paánga, nee tlaawayhúng tari kwaeeli, na/iihúng kiri panáy geexeerá'.

TI'INAANGW 22:24 Iomraidhean Croise

NEHEMIA 5:7

Adór ni /iis ngay leeleéhh. Tiri awaán nee mukdá' urén nee geeraharuuseero, ngiri báw, «Hhaeehúng iga /aytiindé'.» Aníng muu nguri burumbuúr as kahhó' nee inooín tiwa axweesani tlaxuna'.

YOBU 31:23

Asma aníng a baraá de'ér ur as hhitár amór Mungú daahh, nee aníng a qiitlaaká niwa dír Munguú Aleesleemusmór qoom.

WARA'AMI 109:2

Múk tlákw nee oo al/aymuuse ta aníngí slaaqw, lama ngin daandueé' kaahiyá'.

WARA'AMI 109:9

Na/iiwós ngi panaay geexay, nee hareerós i kwaali'it!

WARA'AMI 15:5

Gár aa kirkitís ga slaasláwárí iinuusiiká, tam slukuma ga ohinká as hariímár heé dakuús wásl ngiwa qwaareesi. Heé muruú adoorí gu tlehhahhiít ku hingeesiiká ay kureeraá kureér.

WARA'AMI 69:24

Buhhtaawo daa/atúw dir'íni alé, qa/iít buhhtawo xaraasleemawók ngi slaye'.

WARA'AMI 76:7

Ala kuúng an dae tláq, kuúng kilók, kuúng bar aga búhh, heé sihhiít dír geeraawoge a heemá?

WARA'AMI 90:11

A heemá heé buhhtaawók tsaahharo gi aleesláw? Adoodá' kuúng tur da'ayuumiti an adoodá' buhhtaawók ngir tsaahhiya'.

YEREMIA 15:8

/Ameenár kwaeeli ka yaariir ta hhasángw afaá tlawto. Aníng masoomba ana tsuú/ baraá /uuruuine, nee xwaylitér'ín ngiri slahh'amaayérí huúw. Inooín ina gaanslár dae tsaát, tari slahhaá'.

YEREMIA 18:21

Gawaá adoorihe, hám daxta na/ii'ín maweek ki tsu/i nee qwari, inooín ki tsu/i ar paánga baraá slaqwaraaro, nee /ameenar'ín i kampeerut, nee i kwaali'iimit. Maweek hhawaate ki tsu/i nee tiqtír pu/i, nee masoombar'ín ka iso tlaaqi ar paánga baraá slaqwaraaro.

WA/AA/I 5:3

Atén a adór panaay, múk baabi'i wásl, amuurén a adór kwaeeli.

TLAHHOÓ LAÁWI 25:35

«Barnaxes hhiyaawók a narkutmoó ti aleeslawaaká amohhe'eemisuuwo, a gár hariim kuwa amohhe'es as iwa kumiiti slafiingo, amohhe'eemiseek tawa adór dahaaymo nee aausmo diroge.

TLAHHOÓ LAÁWI 25:36

Mu bu'utí sla'aar tam oo daa'awi gaalá. Ala Munguúwók na ilaiwawa/eek, nee hhiyaawók i hooti dinkwa nee kuúng.

NAHUMU 1:6

Heé buhhtaawós gi ilií óh a heemá? Heé xarasleemaawós gi aleedaám a heemá? Xarasleemaawós gin tsaafmiis adór asla, tam tlaa/e gin feehhamiis sleeme.

Luka 6:38

Muruú ta koonda'a muu qaqawaak, kuungá' tundu qáy. Qoomoó taa hatsiís, kway tiíl, kway /umamaa', iri yaamií waa/, an kudá' muu ni kuungí haniisi. Asma qoomaydá' tar qoomeemesa', an kudá' tindi kuungí qoomeesi.»

DABE 23:20

Kuúng gaa bara kirkitís dír heé xoordaá hatlá', aldaafi iinaaro a aleesleér, ala dír hhiyaawók oo heé Israeliro aldaafi ma leelehhitaar, nee AAKOÓ MUNGÚ, Munguúwók u tsuuq baraá umuúqo gár ta tlehha, umuúqo dír tay hotaá eera nee kawa al.

DABE 23:21

«Qoomár al'axweesani bara qás dír AAKOÓ MUNGÚ, Munguúhúng, boo/eesaro ma tligaar, asma AAKOÓ MUNGÚ, Munguúwók ga dirók i iinuus, aluuwo kuúng a dát baraá dakuús.

Ebrania 10:31

A gár dae tlaaq kángw kilá' wa ale bara huuaán baraá dabaá Munguú slaáf i alé.