TI'INAANGW 22:23 - Biblía Axweesantá Hhohho' ar Mungú 2004

²³ Barnaxes mukwí ugwa slahh'eemís, inooín niri amor'eé' /aa/iyé', looeemaawo án /aa/eeín i axaás.

TI'INAANGW 22:23 Iomraidhean Croise

YOBU 34:28

Inooín /aa/aá narkutmo ngina kwatiitiyé', ngiri hardahasiyé' baraá iaá Mungú. Mungú /aa/aá mukwí taa slahh'eemiís giri axaás.

YOBU 35:9

/Ayta bira tláhh, muu in /aa/amín, /iisara ngin firiná' amór heé /uuruú koóm.

WARA'AMI 10:14

Ala kuúng múk haleleamiít nee oo slahh'amuú koóm u xú', kuúng umuú daqto ta amohhe'és kiwa alee/is, liitlakusmo kuúng ugwa haratlintií'. Panaay alee/isaywók ngwa slayé'.

WARA'AMI 140:12

A xuú' AAKOÓ MUNGÚ hee gun sakwasleemár ganaá' i tleehh. Nee múk liitlakwén gun hariímar'ínií sláy.

WARA'AMI 145:19

Kudaádá' ngu ilaiwawa/á' gi qáy tidaádá' i slaiia, /aa/eeín gi axaas giri ba/amiis.

WARA'AMI 18:6

Baraá slahh'amueene AAKOÓ MUNGÚ una ateét, una ateét Munguúeé' as iwa alee/iisi. Afor'eé' gari axaás amór do'ós wa ale. /Aa/ee'eé' nay baraá iaawós i hardihiyé'.

WARA'AMI 68:5

Mungú baraá do'ós kudá' hhoohhooe an baabuú panaay nee har'ohusmoó kwaeeli.

TI'INAANGW 22:27

Asma wane inqwaarirós ar i untsuusi an tisíng kilós, xáy, gár ir qaati a milá? Inós barnaxes naa amor'eé' /aá/, u iiárií qaás, asma guruueé' i tlatláy.

WA/AA/I 5:3

Atén a adór panaay, múk baabi'i wásl, amuurén a adór kwaeeli.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

DABE 10:18

Inós gan'amu guna tlehhiít dír na/aá panaay nee kwaeeli, inós sleeme heé dahaaymo gun slaa', nee guri muruú /ayma nee tsitáy hanmiis.

DABE 15:9

Ti ló'wa harmagahhe', inslawoó tlákw munduwa áy, tari oa', ‹Kurkú faanqw, kurkú iinuuse kawa gurtlawaan naa nakaá/.› Nee kuungá' hhaeehúng awa aleelemá' kiri siá' kirkitimisuwo, nee inooín niri dír AAKOÓ MUNGÚ i /aa/iyá' as kuungá', nee gaarí iri tlakweema tleehhít dirhunge.

DABE 24:15

Umuú deelooro dír looa ira datiká bu'utuuwós, asma inós a narkutmo bu'utuuwí an gár inós ir hooti, bar adooriheeká AAKOÓ MUNGÚ gun i /aa/aá áy as kuúng, nee kuúng tari dát baraá dakuús.

Yakobo 5:4

Kuungá' mukdá' aa bu'un baraá qamuuhúng wa ale ugwa bui'iiká. /Aa/aá mukdá' aa bu'un naa hardihiyé' baraá iaá Aakoó Aleesleemusmo.