TI'INAANGW 22:22 - Biblía Axweesantá Hhohho' ar Mungú 2004

²² Kwaalo'o ma slahh'eemisaar, laqaá na/oó panmo.

TI'INAANGW 22:22 Iomraidhean Croise

YOBU 31:16

Xáy, aníng narkuute muruú i sla'a aga /íti? Laqaá /ameenír kwaalo'o aga ila' hhantemamísi.

YOBU 34:28

Inooín /aa/aá narkutmo ngina kwatiitiyé', ngiri hardahasiyé' baraá iaá Mungú. Mungú /aa/aá mukwí taa slahh'eemiís giri axaás.

WARA'AMI 10:14

Ala kuúng múk haleleamiít nee oo slahh'amuú koóm u xú', kuúng umuú daqto ta amohhe'és kiwa alee/is, liitlakusmo kuúng ugwa haratlintií'. Panaay alee/isaywók ngwa slayé'.

WARA'AMI 34:7

Malaykamoó AAKOÓ MUNGÚ mukdá' AAKOÓ MUNGÚ gu ilaiwawaá/, gun harweer ar slumtós as nguwa xun guri ba/amis.

AXWEESANOÓ SAGALOOA 22:23

Asma AAKOÓ MUNGÚ inooín gi aleekalaa/, Mukdá' muruú múk hayohiím ar /uuru, AAKOÓ MUNGÚ gi slafiingw hayoh.

AXWEESANOÓ SAGALOOA 23:10

Digmuduú yaamu taa iimír aáng wa qaás mu warqeesaar, tam qamaá panaay mi haradaraahaar.

AXWEESANOÓ SAGALOOA 23:11

Asma ba/amusmooín i /uuruú kón, Inooín gin aleekalaa/ diroge.

ISAYA 1:17

Tlehhma'aá hho' tlehhtuuwo na intsatsaahhaak, sakwasleemár ganaa' tlehhitaak. Awa ta baramaanuusi alee/imisaak, panaay aleeslaqwaak. Kwaalo'o aleekala/aak.»

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ISAYA 10:2

Gan'amuú múk aleemaá koóm kun /itiitín, nee muruú narkuute kun fisiisín kuduú gan'amuuín, kwaeeli a adór maraando dir'ine, panaay a sluqor'ín.

YEREMIA 7:6

Kuungá' bar dahaaye a baramaanusa'aaká nee na/aá panaywo, nee /ameenár kwaeeli, nee múk dakuús wásl tsu/utaro bura meeré' baraá yaamukae, nee sleeme munguaá hatlá' eeharahaduuwo bira meeré' as tawa qwada'aaká,

YEREMIA 7:7

daqaní aníng kuungá' nu ya/aám tawa baraá yaamuuká' wa hota', kuká' naa baabi'iihúng i haniís, iimír aange.

ESEKIELI 22:7

Baraawoge baabá nee aayí kin waaqaqaa'. Heé dahaaymo oo baraasíng hoót aqo kun mura' hayoh. Na/aá panaay nee /ameenár kwaeeliwo kin baramaanuus.

SEKARIA 7:10

Slám kwaalo'o ma baramaanusaara' laqaá panaay, laqaá hoomoó ayaahúng hoót, laqaá narkutmo, laqaá hee inslawoó tlákw munguwa áy baraá muunaáwose daanduú hhiyaawose.›

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Matayo 23:14

Kuungaá intsaahhatuusér hara'ayár Mose nee múk Farisayo awa hhaahhafuuse a tsaxwaahúng. Asma kuungá' muruú kwaeeli un /aa/agá', nee firór yaariir a firaariindá' ar hhaahhafiingw. Gawaá adoorihe sakwasleemarhúng ka ak ur.]

DABE 10:18

Inós gan'amu guna tlehhiít dír na/aá panaay nee kwaeeli, inós sleeme heé dahaaymo gun slaa', nee guri muruú /ayma nee tsitáy hanmiis.

DABE 15:9

Ti ló'wa harmagahhe', inslawoó tlákw munduwa áy, tari oa', ‹Kurkú faanqw, kurkú iinuuse kawa gurtlawaan naa nakaá/.› Nee kuungá' hhaeehúng awa aleelemá' kiri siá' kirkitimisuwo, nee inooín niri dír AAKOÓ MUNGÚ i /aa/iyá' as kuungá', nee gaarí iri tlakweema tleehhít dirhunge.

DABE 24:17

«Kwasleemár hoomoó ayaahúng hoót ma paslisara', nee ar na/aá panaay. Kuúng tlawuú kwaalo'o mu arhaánír wa oohaar.

DABE 24:18

Inslawaak adór kuungá' aáng tar lawaale baraá yaamaá Misriro, nee AAKOÓ MUNGÚ, Munguúhúng nuna tuú/ baraadá' wa ale. Gawaá adoorihe án kuungá' nu baw, adoorí tleehhaak.

DABE 27:19

«Umuúqo heé hariímár hoomoó ayaahúng hoót, laqaá ar na/oó panmo, laqaá ar /ameenír kwaalo'o gaa paslis, kwaa lu'ús.» «Nee muu sleémeero ta ooi, ‹Amin.»

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.