TI'INAANGW 22:2 - Biblía Axweesantá Hhohho' ar Mungú 2004

² Barnaxes fisusmo xweeraawo kwaa dír do' fi/ití áy kway gaás, heedaádá' gwa gaas i dakuúsár konká,

TI'INAANGW 22:2 Iomraidhean Croise

YOBU 24:14

Iimi bir pisli'iimít tsu/utusmo in tseewa ti'iit, as kahhó' narkuute nee mukdá' aleeleém nguwa tsu/i, nee qoomár xweeraawo in fisisín.

YOBU 24:16

Fisuuse koo/ír do' xweeraawo gan tú/, tlaatla/ango tin pindór hara qaasiyá' Inooín gwa/aateema ngi xuiaaká a milá.

YOBU 30:5

Kina gusaasín nee muu baraá tla/angw'ine, kina aluúwaá i tseeamamín adór fisuuse.

YEREMIA 2:34

Baraá tlabaawoge tseerér múk daba' hhohhó' aga ár, inooín tam do'ók ngwa fee/i'iikahe.

HOSEA 7:1

Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

Yoeli 2:9

Gixsa gan haradát, iri gawaá koo/ír wa ti'i'iín. Iri gawaá maráy tsa/a/aán, iri baraá maráy darát ar pa/eeri adór fisuuse.

FAARO 35:27

nee barnaxes heedaáduú guruú do'dá' taa hee gaás, kooaáng kundayra/aát ngwa sláy tsee/aá gixsadár guway wa ale, aqo gun gaas, daqaní heedaadá' i dakuúsár konká.

Matayo 24:43

Slám /aymuuwí na xuaak barnaxes, heé do' loó' ga xuu' adór fisusmo ir do'ós gaasár áy, geera alók aa dalaá'. Geera do'ós gu mayká kuwa gaasi.

1 Tesalonike 5:2

Asma kuungá' kilá' a xuá' adór deelór Aako nir hardát adoodá' fisusmo nir hardihi xweeraawo.

1 Petro 4:15

Ala hee baraá tla/angwhunge mukuwa slahh'eemiís as iwa tsu/uút, laqaá as tlehhmuú tlákw nguwa tleéhh, laqaá as tawa heé ti dahamiís baraá muruú múk i aleeró.