TI'INAANGW 21:6 - Biblía Axweesantá Hhohho' ar Mungú 2004

⁶ daqaní heedaádá' i lawaali'iít lawaalmoodá' ngu huwi dír geeraá Mungú, dír afkú do', laqaá dír nahhtá afkú do', nee kuri iia fooxiis nee aakoowós ar muqsli. Inós tari lawaalmoó heedaádá' slafiingós sleémeero.

TI'INAANGW 21:6 Iomraidhean Croise

1 WAAWITÁ 12:7

Bariiseedá' guri mu/aywáts, guri beér, «Laarí barnaxes kuúng aga ya/aán mukwí kuwa sagadiyus, nee kiri sagadiyús, nee barnaxes aga adór tsuúár axwés, daqaní inooín kuúng un sagadiyusiyá' daqisleém.»

WARA'AMI 82:1

Mungú aa sihhiít baraá tla/ángw boohharós i alé, i sakwasleemár tleehh baraá tla/eeraá munguaá hatlá' wa ale.

TI'INAANGW 12:12

«Asma aníng an waaraáhh ar baraá yaamaá Misri xweeraadae, aníng na/aá baris sleémeero ngiri tsuú/ baraá yaamaá Misriro, oo hee tam oo makiito'o, nee munguidaá Misri sleémeero ngiri sakwasleemuút. Aníng a AAKOÓ MUNGÚ.

TI'INAANGW 21:22

«Barnaxes hhawaataá tsár taa ayé', oo wák dir'ine /ameenír tsiiháy gay slahh'eés, tam gura' guri kwáhh, ala slahh'amuú hatlá' i geerií koon i kaahh, heewí gaa slahh'ees aqo ku doohhiis adoodá' hhawaatuú /ameenidá' ngir ooi, nee adoodá' har'ohuuse i o'.

TI'INAANGW 21:5

Ala lawaalmoodaádá' bar ngaa gwa/aateés ooaro, iwa kaahi, ‹Aníng aakooeé' u slaá', nee harer'eene nee na/iieene', a sla'aaká tiwa gweeri,›

TI'INAANGW 21:7

«Barnaxes hee dasiirós gaa weeriís as tawa lawaalo'o, ka geemayká adór lawaalmoó hhawaata.

TI'INAANGW 22:28

«Mungú mu /ooslimaar, tam geeraharusmoowók mu lu'usaar.

ISAYA 1:26

Aníng har'ohuuseerók a /abeemáy ki/ís, adoodár bál qaro, nee hara'ayuuseerók a /abeemáy ki/ís, adoodár bál geera. Aluuwo kiíng tiri bay, ‹Gixsár hota ganaa', gixsár inkihhím.› »

TLAHHOÓ LAÁWI 25:23

«Yaamu mi baloó weerisaara', asma a kwe'eé', nee kuungá' a dahaaye, nee aauuse baraá yaamueene.

TLAHHOÓ LAÁWI 25:40

In hoot adór sagadiyusmo oo ta bu'un, laqaá adór aausmo, un sagadiyuus ay dír kurkú mibeeraá kooán i xay kuduú deelór ur.

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

DABE 1:16

«Qoomaadae har'ohuuserhúng ana kaangwí báw, ‹Qaa/oó mukhúng iiárií qamimaak, kwasleemár mukhúng tlaaqaak ar adór ganaa', nee ar hoomaadá' baraá ayaahúng hoota.

DABE 15:16

«Ala barnaxes kuúng ugwa báy, ‹Aníng dír do'oge a tlawaaká,› asma inós kuúng u slaa' as hotaá hho' ngiwa sláy,

DABE 15:17

naagáy daqaní ku húp ay dír afkú do', iiarós ka laqwtár mút gawaá peehhír afkú do', inós tari lawaalmoowók oo daqisleém. Sleeme tam lawaalo'o adoorír kilá' ti laq.

DABE 16:18

«Kuungá' har'ohuuse nee geeraharuuseero tsawaaraak baraá tlahhi'iihúng wa ale, baraá gixsaduhúng kudá' AAKOÓ MUNGÚ, Munguúhúng naa haniisi, inooín qaa/oó muu ngu tlaaqiye' ar adór ganaá'.

1 SAMUELI 1:22

Ala Hana aa daqeeriiká, asma hhawaatuuwós guna beér, «Aníng a daqawaaká ay dír na/ay'eé ngway /oomees, daqaní ngun sangw huúw, as iwa hardihi dír geeraá AAKOÓ MUNGÚ, as iwa didá' wa hooti daqisleém.»

1 SAMUELI 27:12

Akishi, Daudi guri gurií baá/, inós ngiwa xui Daudi kwaa sií' nee múk Israeli, iri baraá muunaáwós i oó', «Daxta án in sagadiyuus baraá hotangw'eé' sleémeero.»

1 SAMUELI 28:2

Daudi Akishi guri mu/aywaáts, iri oó', «Kuúng aqo aán tidá' sagadiyusmoowók i tleehhi.» Akishi iri oó', «Aníng kuúng u xuumusmooeé' wa qaás.»