TI'INAANGW 21:26 - Biblía Axweesantá Hhohho' ar Mungú 2004

²⁶ «Hee bar lawaalmoowós oo hhawaata laqaá /ameeni gwa ilaa slaáhh, nee gari gaás, lawaalmoowós ngu geemay baraá lawaali'iimaro tawa hariímár bu'utuú iltós.

TI'INAANGW 21:26 Iomraidhean Croise

NEHEMIA 5:5

Ala slaqoorén aqo adór slaqwaá hhaeerén, na/iirén aqo adór na/ii'ín. Laatí daaqayrén nee dasuurene ina dahasaán baraá lawaali'iima, dasuurén bahh'ale i baraá lawaali'iima. Ala adoorí ba/to a aleeslawanaaká, asma múk yaariír i qamuurén kón nee sabiíburene.»

WARA'AMI 10:14

Ala kuúng múk haleleamiít nee oo slahh'amuú koóm u xú', kuúng umuú daqto ta amohhe'és kiwa alee/is, liitlakusmo kuúng ugwa haratlintií'. Panaay alee/isaywók ngwa slayé'.

WARA'AMI 10:18

Kuúng panaay nee kudá' ta baramaanuusi in aleekal/aán as hariímar'ín kawa slay. Heé taa tléhh ar hhape miwa kumiít /aytaaro.

WARA'AMI 9:12

Asma Munguúduú li/oó tseerér liitlakuuse ga bu'uúm, inooín gi inslasláy. /Aa/eeín gi gunqaaresiiká.

TI'INAANGW 21:20

«Hee bar lawaalmoowós laqaá lawaalo'oorós, gaa muux ar hhara, heedaádá' aa muúx bira gwaá' gawaá dabaawós, aqo kun doohhiis.

TI'INAANGW 21:24

Heé iltá hee gaa gaas, aqo tós kan gaas sleeme, heé sihhnoó hee gwa tuu/, aqo kós kun tuu/ sleeme, heé dákw hee gwa geeqay, aqo kós kun geeqáy sleeme, heé yaaér hee gaa geeqay, aqo tós kan geeqáy sleeme.

TI'INAANGW 21:25

Heé kuqá' gwa daa/, aqo kun daa/ sleeme, heé hee gwa nor'oos, aqo inós kun nor'oos sleeme, heé hee gwa slaahh, aqo inós kun slaahh sleeme.

TI'INAANGW 21:27

Laqaá bar hee lawaalmoó hhawaata laqaá /ameeni gwa sihhno slaáhh, guri kwaáhh, lawaalmoodá' ngu geemay baraá lawaali'iimaro tawa hariímár bu'utuú sihhnoowós.»

Efeso 6:9

Kuungá' daqaáre, gár tunduwa hariím sleeme, aqo tí an tlehhá' dír lawaalerhunge. Lawaalerhúng ma dae tlaaqara'. Nee xuaak adór kuungá' nee inooín Aakoohúng tar wak. Inós i gawaá doorií dirii'. Dirose barqaanti i káhh.

DABE 16:19

Gár heé wa hariim ma qwaareesara', nee muu mu barqaantusara', tam slukuma ma /ayaara', asma slukuma heé gár ganaa' ga tsatsahhaám gun iimigiwísh, nee hariimár heé ganaá' gan qwaarés.

Kolosai 4:1

Kuungá' daqaáre, lawaalerhúng muruú ganaá' ti tlehhite', nee tidá' inooín kiwa hariím. Slám xuaak gídaabá kuungá' sleeme Aako u koondá' gawaá dooriiwo.