TI'INAANGW 21:14 - Biblía Axweesantá Hhohho' ar Mungú 2004

¹⁴ Ala hee barnaxes ina tsabín kuqá' nguwa geewaqaati, guri gaas, heewí tam bira goów dír kitángw ilahhooa, ku didá' wa hingeesá', ku gasá'.

TI'INAANGW 21:14 Iomraidhean Croise

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

2 WAAWITÁ 11:15

Kaahamusmo Yehoyada, geeraharuusedár slaqwara gari báy, «Tsee/áy duuxaak baraá doó Munguhe, ma baraaká' i gaasara' nee heé naa aluusíng wa eeharin bir deer ku gasá' sleeme.»

WARA'AMI 19:13

Anuú sagadiyusmoowók baqáng baraá tlakweemaá fahhariro, as aníng tlakweema miwa baaliyé'. Daqaní aníng a heé ganaá', tam dakuúsár ur aga tleehhiiká.

TI'INAANGW 21:15

«Heé baabuúwós gwa muux, laqaá aayoorós aqo kun gaas.

AXWEESANOÓ SAGALOOA 28:17

Heé ta al'ilooúy nee tseerdaá muu masók in nahhamamiit ay gwa'ara masók kun /iisiiká nee hee.

FAARO 35:16

«Ala bar hee kuqá' ngwa slaáhh ar muqsli iri gwaá', heewí a tsu/utusmo, nee inós gár kuwa hariím a kun gaas.

DABE 1:43

Naagáy aníng nuri kaangwí báw, ala kuungá' aga axasi'iiká. Kitaangose kuungá' tidá' AAKOÓ MUNGÚ i kaahi ana sié' eeharto, tari sagerhúng ar awiindé', tari tleeré' baraá yaamaá tlom'i.

DABE 18:22

Barnaxes aarusmo gaa gaa oó' ar umuú AAKOÓ MUNGÚ, nee gadaádá' aa tleehharutká, laqaá aa loeeská, daqaní gaarí AAKOÓ MUNGÚ gaa ooiiká. Aarusmo gana sagós ar oó'. Kuungá' mutunduwa dae tsaát nee gár adór tí.»

DABE 27:24

«Umuúqo heewo oo hee gwaa qawti gaas, kwaa lu'ús.» «Nee muu sleémeero ta ooi, Amin.»

Ebrania 10:26

Atén xu'uti barnaxes aga slawaán daanduú looeemaawo, aluuwo tlakweemaá fahhaari kiri malé tleehhaán, ilahhooár ta gaasi ar tlakweemaadá' gi hingees i káhh daqaní.

2 Petro 2:10

ak alé mukdá' ilatleerír slasla/aren ar slaqooín ga eeharahaár, kudá' aleesleemuú Munguú waaqaqaá'. Intsaahhatuuseerí ar lama inooín a afakaharuusér fahharuuse, slám a takaahuuse, slám ta daaraxiiká, ala tam malaykeedár aleesleemuú koom kan /ooslislín.