TI'INAANGW 21:1 - Biblía Axweesantá Hhohho' ar Mungú 2004

¹ «Gimsé', gár muu ku beera' a tí:

TI'INAANGW 21:1 Iomraidhean Croise

1 WAAWITÁ 6:12

«Gawaá daanduú do'owí ta tlehhita, barnaxés kaahir'eé' aga ót, axweesante'eé' kay iialooés nee tari hót baraá daber'eé' wa alé, daqaní aníng muruudá' naa baabuúwók Daudi al'axweés u boo/eés.

2 QOM'I 19:10

Barnaxes hhaeehúng awa baraá gixsadaá hatlá' naa kwasleemadií huwiyé' awa daanduú tsu/uta, nee dabe hhita, nee hara'aya siaasi', laqaá kaahír Mungú siaasi', ló'wa hara'ayimaak as AAKOÓ MUNGÚ mukuwa sadakuús. Kuungá' bar adoorí aga tleehhi'iiká, kuungá' nee hhaeehunge sakwasleemár AAKOÓ MUNGÚ nu sleér. Ala kuungá' adór ganaa' bar aga tlehhé', daqaní dakuús i káhh dirhunge.

NEHEMIA 10:29

tari haragwaá' dír hhaeeín nee dír muk'ín kudá' urén as lo'o ngiwa /ayiya' tawa baraá dabér Mungú wa hooti, tidá' aa haniís dír Mose sagadiyusmoó Mungú, nee hara'ayár AAKOÓ MUNGÚ, Aakoorén kawa harmagahhaan tlehhtuuwo, nee tidá' taa bayi nee kaahirose.

WARA'AMI 147:19

Axweesantós gan alki/iit dír múk Israeli, kaahirós nee sakwasleemaro gari dir'ín i alki/iit.

TI'INAANGW 19:7

Mose iri aweér, bariisér Israeli gari dinkwár i burumbuúr, axweesantadá' kwa báy nee AAKOÓ MUNGÚ gari dir'íní oó'.

ESEKIELI 20:11

Ina kaahir'eéní i haniís ngiri intsaahhatís daber'eene, tidá' handá' hee birnga eehár in hoot.

ESEKIELI 20:25

«Slám kaahír tlakw tidá' hee birnga eehár iwa gwaai ana haniís.

TLAHHOÓ LAÁWI 18:26

Ala kuungá', nee hoomár ayaahúng hoot, gár tunduwa hariím a hara'ayar'eé' nee daber'eene in otá', muruuwí slasla/arén mu tlehhitara'.

TLAHHOÓ LAÁWI 18:5

Gawaá adoorihe daber'eé' na oohaak nee kaahir'eene as tawa hota'. Aníng an AAKOÓ MUNGÚ.

TLAHHOÓ LAÁWI 19:37

A gár hariim daber'eé' kawa ota', nee kaahir'eé' kawa eehada'. Aníng an AAKOÓ MUNGÚ.»

TLAHHOÓ LAÁWI 20:22

«Gár tunduwa hariím a daber'eé' sleémeero an otá' nee kaahir'eé' sleémeero an tlehhá' as kahhó' yaamuudá' nuy huuw munduwa si'iyé'.

MALAKI 4:4

«Dabe inslawaak, nee kaahi, nee hara'ayaadá' naa haniís dír sagadiyusmooeé' Mose gawaá Sináír wa ale, as múk Israeli sleémeero ngiwa eehari.

FAARO 35:24

naagáy bariise kángw heedaádá' kundayra/aát nee heedádá' li/oó bu'utuú wa slaá' gun tsát, kuduú guruú doó heé taa gaás, adoodá' dabeerí i kat.

FAARO 36:13

Kaangwí an hara'aya nee dabe tidá' AAKOÓ MUNGÚ aa haniís dír xoorór Israeli ar dákw Mose baraá xatstá Moabu wa ale, bihhaá yaaér Yordani, didá' nee gixsár Yeriko ti ga/aawá'.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

DABE 15:12

«Barnaxes hhiyaawók laqaá hho'oorók ar Ebrania bar kinga dirógí weeriís, uri sagadiyús kureeri lahhoó', ala bál kurkú faanqwe an gwét,

DABE 4:14

Qoomaadae AAKOÓ MUNGÚ aníng ina ádbáy, kuungá' nuwa intsaahhatis dabe nee hara'aya sleémeero tidá' hariim kuungá' kawa eehada' baraá yaamaá tay hotaá eera'.

DABE 4:45

Adoorí an adoodá' taa tleéhh, dabe nee hara'ayaadá' Mose aa hara'ayín dír múk Israeli qoomár niwa Misrír wa ti'iitiyé'.

DABE 4:5

Gimsé', aníng kuungá' naa intsaahhatís kaahi nee hara'ayaro adoodá' AAKOÓ MUNGÚ, Munguúhúng aníng ira ádbáy, as hara'ayaarí kuungá' kawa harmagahha' ooharo baraá yaamaá tay dahmaá eera' as kiwa ala'.

DABE 4:8

Laqaá xoorór ur tam ar wák i káhh ar kaahi nee hara'ayár ganaa' ar adór tí ga koom, tí aníng naa dirhúngí intsaahhatís laarí.

DABE 5:1

Mose múk Israeli guna dinkwárí burumbuúr, guri báy, «Kuungá' múk Israeli, kaahi nee hara'ayaarí iiárií qaasaak, tí laarí ni dír geerahúng wa kah. Tí intsaatsahhaak nee ka boo/esá' ar inkihhimu.

DABE 5:31

Ala kuúng Mose, dir'eé' tí tseew i sihhiiteek! Aníng kuúng un hara'ayar'eé' sleémeero báw, nee kaahir'eene, nee daber'eene, tidá' ta dir'íní intsaahhatis as tawa adoorír hooti baraá yaamuudá' ni inooín haniisa tawa aalir'ín.›

DABE 6:1

«Gaarí an hara'aya nee dabe nee kaahi tidá' AAKOÓ MUNGÚ, Munguúhúng aníng iwa ádbáy, kuungá' nuwa intsaahhatis, as kuungá' kawa tlehha' baraá yaamuudá' kuungá' tay hotaá eera'.

DABE 6:20

«Deelór hardaha, na/iihúng burna yaahasiyé', ‹Lamabu'ungwí nee hara'ayaarí, nee dabeero, tí AAKOÓ MUNGÚ, Munguúrén naa atén i oó' gár ti babay a milá?›

1 Tesalonike 4:1

Hháe, gár alhhe'eesáy a tí, kuungá' aga dirén wa intsahhé', adór kuungá' tunduwa hariím hotaango as Mungú kuwa sla'atisa'. Adoorí an adoosíng hám tar hota'. Ala hám daxta atén kuungá' nun firiimaán nee nun gurbuaán ar umuú Aako Yesu, slafíngw adór kwisíng ba/a ar hootaak.