TI'INAANGW 20:9 - Biblía Axweesantá Hhohho' ar Mungú 2004

⁹ Deelo lahhooe gadiyuús, gadiyeérók sleémeero tleehheek.

TI'INAANGW 20:9 Iomraidhean Croise

TI'INAANGW 16:26

Deelo lahhooe muruú /aymaasíng un sleemisá', ala bál faanqwe u sleera'aaká, asma bál faanqw a deelór Sabaáto.»

TI'INAANGW 23:12

«Deelo lahhooe gadiyuús, ala bál faanqwe ta hungu/ús, sleerók nee daqwaywoge sleeme i hungu/usiye', nee na/aá lawaalo'oorók nee dahaaymoó do'oge i hungu/usiye'.

TI'INAANGW 31:15

Gadiyeduhúng tleehhaak deelo lahhooe, ala bál faanqw a baalár Sabaáto ar hungu/uma ar taa paraátl as anuú AAKOÓ MUNGÚ. Heé aa gadiyuus baalaarír Sabaátoro gár kuwa hariím a gaasa.

TI'INAANGW 34:21

«Deelo lahhooe kuungá' an gadiyusá', ala bál faanqwe an hungu/usá', barnaxes an qoomár doosla laqaá an qoomár bu'uungw, kuungá' aqo an hungu/usá'.

TI'INAANGW 35:2

Deelo lahhooe gadiyérhúng tleehhaak, ala bál faanqw a deelór hhoohhoo' ar Sabaáto ar AAKOÓ MUNGÚ ar kuungá' tawa hungu/usa'. Umuúqo heewo oo gadiyeé gaa tleehh baalaarihe aqo kun gaas.

TI'INAANGW 35:3

Asla a oohisa'aaká baraá marayhunge deelór Sabaátoro.»

ESEKIELI 46:1

«Anuú Aakoó MUNGÚ a kah, Afkú do', kuduú afeenír baraá guruú do', kuduú bihhaá da/aáw, ku tseegi deelo lahhoó' tidár gadiyeede. Deelór Sabaáto nee deelór slahhángw /abén birna ti'iít ku gweeri.

TLAHHOÓ LAÁWI 23:3

Deelo lahhooe gadiyeé an tlehhá', ala bál faanqw a baalár Sabaáto. Baalaarihe a gadiyusa'aaká, dinku'uumár hhoohhoo' an tlehhá'. Bál faanqwe a gadiyusa'aaká, an Sabaáto, an baalár taa paraátl as anuú AAKOÓ MUNGÚ baraá hotaahúng sleémeero umuúqo diiro.

Luka 13:14

Heedaádaá úr oo doó saaliingw iri buúhh, asma adoodá' Yesu /ameenidá' ngiwa hungu/uús deelór Sabaátoro, boo/aydá' guri báy, «Deelo lahhoó' i deer ar gadiyeé. Hardaharé' deeloodá' lahhooe, kuungá' tunduwa hungu/uumisi, ala a bál deelór Sabaátorooká.»

DABE 5:13

Deelo lahhooe gadiyuús, gadiyeerók sleémeero tleehheek,