TI'INAANGW 20:8 - Biblía Axweesantá Hhohho' ar Mungú 2004

⁸ «Deelór Sabaáto inslaweek kawa hhoohhooes.

TI'INAANGW 20:8 Iomraidhean Croise

IIMU/UUNGW 2:2

Ay bál baalár faanqw Mungú gadiyeérós sleémeero gaa hhe'eés, tidá' sleémeero ar aa tleéhh. Mungú iri hungu/uús bál baalár faanqwe, gadiyeeduwós kudá' sleémeero ngiwa hhe'eés.

IIMU/UUNGW 2:3

Mungú baalaadár faanqw gana tsuúq, gari hhoohhoeés. Asma ina hungu/uús gadiyeeduwós kudá' sleémeero ngiwa hhe'eés awa tleehhamór doori nee yaamu.

NEHEMIA 13:15

Deeloodár kilae múk Yuda una ár i sabiíbuú tsoo/itiyá' deelór Sabaátoro, bahh'alé daqwaayer'ín ngaa huwaárí tsa/aasiyé' ar difaáiro, nee sabiíbuuwo, nee /aantsihe, nee umuúqo gaaro ki huuw gixsár Yerusalemu. Ngiri gurbuú' adór deelór Sabaátoro weermis ir qonká.

NEHEMIA 9:14

Ar loohír Mose sagadiyusmoowoge kiri xu'utís deeloorók tidá' hhoohhoo' ar Sabaátoro, nee kiri ádbeér hara'ayarók kawa eehari nee dabeero nee kaahiroge.

TI'INAANGW 23:12

«Deelo lahhooe gadiyuús, ala bál faanqwe ta hungu/ús, sleerók nee daqwaywoge sleeme i hungu/usiye', nee na/aá lawaalo'oorók nee dahaaymoó do'oge i hungu/usiye'.

TI'INAANGW 31:12

AAKOÓ MUNGÚ Mose guri báy,

TI'INAANGW 35:1

Mose dinku'uumár múk Israeli sleémeero gari dinkwár i ateét, giri báy, «Muruuwí an kudaádá' AAKOÓ MUNGÚ naa alqadín dirhúng i ale as kuungá' kuwa tlehha'.

ISAYA 56:2

Heé amohhoó' a kudá' muruuwí gu tlehhiít, nee heedá' muruuwí gwaa oh, kudá' deelór Sabaáto gaa oh as mingiwa meetagaás, kudá' taa ilaa/ muruú tlákw tlehhtuuwo.»

ISAYA 58:13

«Barnaxes bál deelór Sabaátooro gadiyeé aga meeré', aga gadiyuská deelor'eé' tidá' hhoohhooe, tari deelór qwal/amaaye nee deeloodá' hhoohhoo' ar AAKOÓ MUNGÚ kari ilaiwaawá/. Barnaxes deeloodá' aga ilaiwa/é', ala tidá' ta sla' aga tlehhká, laqaá tidá' baraá muunaáwóge ta sla' aga tlehhká, laqaá muruú tawo ugwa axweská.

YEREMIA 17:21

Anuú AAKOÓ MUNGÚ a kah, ‹Bar amohhooár slafingwhúng a sla'á', ti haramagahhe', hee huwa mingiwa gagaár deelór Sabaátoro, nee mingiwa dahaás ar afér gixsár Yerusalemu.

YEREMIA 17:22

Nee deelór Sabaátoro huwa mar ti'iitaara' nee gadiyeé tam ar niiná ma kwatiitara'. Deelór Sabaáto boo/eesaak adór deelór hhoohhoo', adoodá' ngira qaroó oó' dír baabi'iihúng.

YEREMIA 17:24

AAKOÓ MUNGÚ i kaahi, «Ala barnaxes aníng iga iiárií qasé', nee huwa ngi dahmisa'aaká baraá gixsa baalaarír Sabaátoro, ala deelór Sabaáto kari hhohhoesé', nee gadiyeedu kiri meeré' baalaadae,

ESEKIELI 20:20

nee Sabaáto na hhoohhooeesaak as tawa layár alqador'eé' tla/ángw án nee kuungá'. Sabaátorí kuungá' nun inslawtís adór aníng tar AAKOÓ MUNGÚ, Munguúhúng.

TLAHHOÓ LAÁWI 19:3

Umuú heewo gár kuwa hariím a baabuúwós nee aayoorose gin ilaiwawaa/, nee deelór Sabaátor'eé' gan amohhe'eemiis. Aníng a AAKOÓ MUNGÚ, Munguúhúng.

TLAHHOÓ LAÁWI 19:30

Sabaátor'eé' na amohhe'eemisaak, nee dir'eé' tidá' hhoohhoo' na ilaiwawa/aak. Aníng an AAKOÓ MUNGÚ.

TLAHHOÓ LAÁWI 23:3

Deelo lahhooe gadiyeé an tlehhá', ala bál faanqw a baalár Sabaáto. Baalaarihe a gadiyusa'aaká, dinku'uumár hhoohhoo' an tlehhá'. Bál faanqwe a gadiyusa'aaká, an Sabaáto, an baalár taa paraátl as anuú AAKOÓ MUNGÚ baraá hotaahúng sleémeero umuúqo diiro.

TLAHHOÓ LAÁWI 26:2

Deelór Sabaátor'eé' amohhe'eemisaak, nee didá' ak ló'wa hhoohhoó' ilaiwawa/aak. Aníng an AAKOÓ MUNGÚ.

FAARO 15:32

Looarka wake múk Israeli tawa baraá xaanxáy dirii'i, heé nguna ariyé' i migiruú sleemiis bál deelór Sabaátoro.

DABE 5:12

«Deelór Sabaáto harmagaahheek, ka hhoohhooés, adoodá' AAKOÓ MUNGÚ, Munguúwók ngira oó'.