TI'INAANGW 20:25 - Biblía Axweesantá Hhohho' ar Mungú 2004

²⁵ Ala barnaxés kitángw ilahhooa u tléhh ar tlaa/e, mu tleehhaar ar tlaa/aá taa tsiíhh, asma xooslmoodá' ta tlaa/ár tsihhi kitangwduú ilahhooa gu meetagaas.

TI'INAANGW 20:25 Iomraidhean Croise

1 WAAWITÁ 6:7

Qoomár do' kuwa tlehhiiti kuna tleéhh ar tlaa/aá taa qaroó hhaásl, tam afór yundu laqaá ar tsawo, laqaá tam ar muqsli gaala ar ta axas i káhh qoomár tawa tleehhiti.

TI'INAANGW 20:24

Kuungá' kitángw aníng iwa ilahhooárí hanmisa' tleehhaak ar hhape, as hikwaahúng nee bee/angwhúng kiwa gawaadií tsu/a' tawa ilahhooár da/a/aangw nee ilahhooár wayda. Umuúqo dír án muu nguwa inslawtisár wa sla'a umueene, aníng nun i hardáh kuungá', nuri tsuúq.

TI'INAANGW 24:4

Mose axweesanaydá' sleémeero oo AAKOÓ MUNGÚ guri gooín. Matlaatlér boo/e iri ti'iít, kitángw ilahhooa ngiwa haniisi guri tleéhh dír afaá tlooma, uheemaá mibaá nee tsár giri siíhh ar harqoomoó tlahh'aá mibaá nee tsár awa xoorór Israeli.

ESEKIELI 40:42

Meesadaá hatlá' awa tsiyáhh baraá matla/aango i dayá', kudá' ilahhooár da/a ki amohhe'eemamisi. Meesaduuká' kina tleéhh ar tlaa/aá taa dakuút. Umuú meésaro tlenaangós a sentimiíta mibeeri kooan, nee daanduú meésa tlenaangw nee uroó bihheero i alqoná', a sentimiíta mibeeri faanqw nee kooán. Xoosla sleémeero ar ta tsu/umamiti kan babaats gawaá daanduú meesaduudá'.

YOSHUA 8:31

Yoshua kitángw ilahhooa guna tleéhh ar adoodá' Mose sagadiyusmoó AAKOÓ MUNGÚ ngira oó' dír múk Israeli, nee adoodá' kara gooín baraá kitaábuú dabér Mosewo, iwa kaahi, «Kitángw ilahhooa ku tleehhi ar tlaa/aá taa dakwiiká ar muqsli.» Múk Israeli sleémeero ilahhooár da/a kari haniís dír AAKOÓ MUNGÚ, nee ilahhooár muruú ta tsu/i ar wayda sleeme.