TI'INAANGW 20:24 - Biblía Axweesantá Hhohho' ar Mungú 2004

²⁴ Kuungá' kitángw aníng iwa ilahhooárí hanmisa' tleehhaak ar hhape, as hikwaahúng nee bee/angwhúng kiwa gawaadií tsu/a' tawa ilahhooár da/a/aangw nee ilahhooár wayda. Umuúqo dír án muu nguwa inslawtisár wa sla'a umueene, aníng nun i hardáh kuungá', nuri tsuúq.

TI'INAANGW 20:24 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

2 SAMUELI 6:12

Waawutmo Daudi ngiwa axaás adór AAKOÓ MUNGÚ múk doó Obed-edomu ngura tsuúq nee muruuwós sleémeero oo i kona, asma sandakmoó Mungú, Daudi sandakmoduú alqado guri leéhh dír do'duú Obed-edomu, guri huúw amór gixsár Daudi ar bara/.

1 WAAWITÁ 8:29

Do'owí de'eemeek tlatla/aangw nee xweeraawo diirí kuúng tawa ó', ‹Diirí an dír muu umuueé' nguwa sluufmiisi.› Aníng iiárií qaasáng, bar aga diirí hardáh uwa fiririim.

1 WAAWITÁ 8:43

na'ás, inós iiárií qaaseek iimír gawaá doorí wa ale, heewuú hoomo tidá' uwa firini qaweek, as múk baraá yaamu sleémeero umuuwók nguwa xuiya' nee uwa ilaiwaa/iya', adór mukók oo Israeli wa alé. Inooín ngiwa xuiya' adór do'owí naa tleéhh tar dír kuúng tuwa sluufmiisi.

1 WAAWITÁ 9:3

AAKOÓ MUNGÚ guri báy, «Aníng firoorók nee saaliingók kudá' iwa firiín iga axaás. Do'owí kuúng taa tléhh aníng ugwa hhoohhooeés as niwa baraaká' wa hoot daqisleém, slám malé alé, aníng un slaá' nee un xuúm qooma sleémeero.

2 WAAWITÁ 5:17

Na'amani iri oó', «Gám ala kuúng bar gar'eé' ooharo aga sí', kár ala sagadiyusmoowók hhapér yaamuuká' ar wayshamaá tsár gagaaro i aleeslaya' ti hanis, asma iimír laarí aníng sagadiyusmoowók a kumiitaaká ilahhooár da/a haniisaro laqaá ilahhooár muruú ta tsu/i dír munguaá hatlá', aqo har dír AAKOÓ MUNGÚ kilós.

2 QOM'I 12:13

Waawutmo Rehoboamu /uuru guri sláy baraá Yerusalemu nee iri waawuti'i'ín. Qoomár waawuti'iima ngiwa iimu/ún, kureeriiwós a mibeeri tsiyáhh nee wak. Inós kureeri ngaa /aáy mibaá nee faanqw baraá waawuti'iimár Yerusalemuro, gixsadá' AAKOÓ MUNGÚ aa tsawaár baraá gixsadaá Israeli sleémeero as inós kuwa baraadá' wa sluufmiisi. Aayór Rehoboamu a Na'ama, tidár xoorór Amoni.

2 QOM'I 6:6

Ala hamí daxta aníng gixsár Yerusalemu aga tsawaár dír muu aníng iwa sluufmiisi, nee kuúng Daudi muk'eé' un sawaawuti'iín.› »

2 QOM'I 7:16

asma aníng diirí aga hhoohhooeés nee aga tsawaár tawa dír muu aníng iwa sluufmiisi daqisleém. Aníng diirí a xuúm nee ngiri slaá' daqisleém.

ESRA 6:12

Nee Munguúwí adoorí gaa tleehh umuuwós iwa dirqá' hooti, inós waawutmo laqaá muu gaalá kudá' dabaaín ngi tleesá' as /aymuuwí nguwa warqeesiya' nee do'owí oo Mungú oo baraá yaamaá Yerusalemu ngu hhaamiisá' ngi suquy. Aníng Dario tí ngaa oó', masók ta ilakaaharees hara'ayarí kawa iialooeesi.»

NEHEMIA 1:9

Ala barna ki/é' dir'eé', nee hara'ayar'eé' kari oté' nee kari eehadé', tam mukók kwaa diyaa/i ay baraá alhhe'eesoó yaamu, aníng i burumbuúr amoodá' wa alé, nee ngay huúw ay didá' aníng naa tsawaár ngiwa umueéní qaas.›

WARA'AMI 101:2

Gár slahhaa' dir'eene a slafíngw dakuús wásl, aníng an hoót ar gan'amu baraá dooeene. Kuúng xaylá ni amor'eé' hardat?

WARA'AMI 122:2

Aá Yerusalému, atén aga sihhitaán baraá guruú Do'ók.

WARA'AMI 128:5

AAKOÓ MUNGÚ u tsuuqi Siyonír wa ale, as kuúng diihhooár Yerusalemu kawa aan baraá slafiingók sleémeero,

WARA'AMI 134:3

AAKOÓ MUNGÚ kuungá' nu tsuuqi baraá Siyonír wa ale, kudá' doori nee yaamu gaa tleehh.

WARA'AMI 74:7

Do'ók kudá' hhoohhoó' ngwa fee/iyé', nee ngway da/iyé' didaádá' kuúng tuwa ilaiwawa/i ngay tligár ayé'.

WARA'AMI 76:2

Xaftós i baraá Salemu, hotaarirós i Siyonírií dirí'.

WARA'AMI 78:68

Ala tlahhoó Yuda guna tsawaár, tloomár Siyoni tidá' i ló'wa slai.

TI'INAANGW 10:25

Ala Mose iri oó', «Makayrén awa de'eengw aqo in ar tlawaán as kiwa ilahhooár wa tsu/aan, nee ilahhooár da/a/aango dír AAKOÓ MUNGÚ, Munguúrén.

TI'INAANGW 18:12

Yetro, taatoó harér Mose, ilahhooár da/a nee ilahhooár muruú ta tsu/i garí haniís dír Mungú. Aroni iri hardáh dinkwa nee bariisér Israeli as tawa al/ayin nee Yetro dír geeraá Mungú wa ale.

TI'INAANGW 20:25

Ala barnaxés kitángw ilahhooa u tléhh ar tlaa/e, mu tleehhaar ar tlaa/aá taa tsiíhh, asma xooslmoodá' ta tlaa/ár tsihhi kitangwduú ilahhooa gu meetagaas.

TI'INAANGW 24:4

Mose axweesanaydá' sleémeero oo AAKOÓ MUNGÚ guri gooín. Matlaatlér boo/e iri ti'iít, kitángw ilahhooa ngiwa haniisi guri tleéhh dír afaá tlooma, uheemaá mibaá nee tsár giri siíhh ar harqoomoó tlahh'aá mibaá nee tsár awa xoorór Israeli.

TI'INAANGW 24:5

Naagáy masoombár Israeli gari ya/aáw as AAKOÓ MUNGÚ kuwa ilahhooár da/a/ángw i haniisi, nee awér ta ilahhooár wayduú wa haniisi ngiwa tsu/iya'.

TI'INAANGW 27:1

«Kitángw ilahhooa kuwa hanmiisi peehhoó masqaryaandi tir tlehh. Tlenaangós a miíta tsár nee gár niina, nee uroó bihheero a miíta tsár nee gár niina. Tlenaangós nee uroó bihheero masók i alqoná'. Tlenángw gawto a miíta wak nee gár niina.

ISAYA 64:5

Kuúng mukdá' hotaá ganaa'á' gi ar hoót nee gi saqwalalaá/ un ilaaót, kudá' kuúng u inslaslaawá' nee lohduuwoge. Ga/aaweek, tina i gahhát qoomár tawa múk tlakuuse. Atén ana dee/anutaán afiqoomár yaariire. Axáy tiqo ba/amísa?

TLAHHOÓ LAÁWI 17:9

ala ngwa huwiiká dír geeraá heémár Mungú as nguwa gaasi dír AAKOÓ MUNGÚ, heewí aqo kun baynitis dír mukós oo Israeliro.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

Matayo 18:20

Asma dír múk tsár laqaá tám i dirii'i, barnaxes taa burumburiít ar baraá umuueé', aníng a baraá tla/angw'ín i dirií'.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

DABE 12:11

naagáy didá' AAKOÓ MUNGÚ, Munguúhúng, i tsawaari, asma umuuwós iwa didá' wa hooti, kuungá' tidá' sleémeero aníng nu baw ka didií hubá', ilahhooarhúng ar da/a, nee ilahhooarhúng ar muruú ta tsu/i, nee ilahhooár gár wák baraá muruú mibaango, nee qeemu nee ilahhooár al'axweesani tidá' handá' taa slaé' AAKOÓ MUNGÚ i hanisaro.

DABE 12:21

Barnaxes didá' AAKOÓ MUNGÚ, Munguúhúng i tsawaari, dirhunge ka saaw, nee kuungá' hikwaahúng, laqaá bee/angwhúng kudá' AAKOÓ MUNGÚ nura tsuúq, iga tsu/é', adoodá' ngira hara'ayiím, i ya/aán fu'unaydá' kiwa /aga' umuúqo dír ti diria'a baraá yaamuhunge.

DABE 12:5

Ala tlawé' ay didá' AAKOÓ MUNGÚ, Munguúhúng i tsawaari baraá tla/ángw tlahhi'i sleémeero, as umuuwós kuwa xirfayeesa', nee dír hotaawós kawa tlehha', amoodá' an amór kuungá' ta keera'.

DABE 14:23

Aluuwo daqaní ta tleerá' ay didá' AAKOÓ MUNGÚ, Munguúhúng aa tsawaár as kawa umuuwós ar ateeti, nee bar geeraawós i diriá', ilahhooár balaangw ka /agá', nee ar difaái, nee ar di/iywo, nee ar barsuú hikwahunge, nee oo bee/angwhunge, adoorí tleehhaak as tawa intsahhaada' AAKOÓ MUNGÚ, Munguúhúng, kuwa ilaiwawa/a' daqisleém.

DABE 16:11

Kuungá' tari dír geeraá AAKOÓ MUNGÚ, Munguúhúng wa qwalala/á', kuungá' dinkwa nee na/iihúng awa daaqaay nee awa dasuuwo, nee lawaalehúng ar hhawaate nee ar /ameenaaro, nee hoomár ayaahúng hoota, nee dahaayero, nee na/aá panaay nee /ameenár kwaeeli ar ar alhootá' nee kuungá'. Adoorí tleehhaak didá' AAKOÓ MUNGÚ, Munguúhúng aa tsawaár as umuuwós kuwa didá' wa ateetin.

DABE 26:2

bu'úngw geera oo ta baraá yaamuudá' wa bu'uun, kudá' AAKOÓ MUNGÚ, Munguúhúng naa kuungá' i haniís, bu'ungwdá' un húp ar lakwaanti ay didá' AAKOÓ MUNGÚ, Munguúhúng aa tsawaár tawa didá' umuuwós kuwa ateetin.

DABE 7:13

Kuungá' nuri slaa' nee nuri tsuuq, kuungá' tari ló'wa tláhh, nee na/iihúng niri tlahhiyá', qamuuhúng giri tsuuq as kuungá' balaangw kuwa sleera', nee difaái, nee di/to, kuungá' nu tsuuq as hikwa nee bee/aangw ngiwa haniisi baraá yaamuudá' aa al'axweés.

1 Timoteo 2:8

Gár án ni slaa' hhawaate masók an múk daba' hhohhó' nee oo buhhabuhhaaká nee múk tlaampa'aamisaaká. Ala umuúqo diiro hhawaataá adoorí masók dabaaín ngin gáwtí tleemisiyá' baraá firooro.