TI'INAANGW 20:14 - Biblía Axweesantá Hhohho' ar Mungú 2004

¹⁴ «Fuqi ma awaar.

TI'INAANGW 20:14 Iomraidhean Croise

IIMU/UUNGW 39:9

Baraá do'wihe inós ku ureeká ta aninge, asma umuú gaaro ar aníng iwa /itín i káhh, aqo har kiíng as tawa hareerós. Gawaá adoorihe dakuúsár ur ar adór tisíng adór ngir tleehh dír geeraá Munguhe a adoomá?»

2 SAMUELI 11:27

Qoomár /aa/aá Bat-sheba niwa faakiyé', Daudi iri ya/abín, Bat-sheba kawa huwi amór do'ós. Bat-sheba tari harér Daudi. Inós dír Daudiwo na/oó garma guri xwayluúr. Ala kaangwí Daudi aa tleéhh, AAKOÓ MUNGÚ guri buhhtís.

TLAHHOÓ LAÁWI 18:20

Ma baloó fuquusara' nee harér hee, nee tiri kilók slasla/arúr eér.

TLAHHOÓ LAÁWI 20:10

«Hhawaata nee harér inslaawmoowós barta fuquús, gár tsaraawo kiwa hariím a tsu/uta.

MALAKI 2:15

Ahaá, a Mungúheéke oo kuungá' tsaraawo naa tleehh tawa slaqwtá wák tleehhita' nee qeeruú wák? Nee inós gár i slai a milá? Nee inós gár i slai a xwaylár Mungú gu ilaiwawaa/. Gawaá adoorihe ti harmagahhe', hee tumu wák hareerós ar bi/i mingiwa sií'.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

FAARO 5:12

«Múk Israeli baweek: Barnaxes heeko hareerós aa hhiturút nee aa inkihhimu waslés dír hhawaatuwose,

Matayo 19:18

Heedaádá' iri oó', «Hara'aya a gaalá?» Yesu guri báy, «A tí, ‹Hee mu gaasaar, fuqi ma awaar, Gár hee ma fiisaar, Hee mu /aysántí tsataar,

Rumi 13:9

Hara'ayaarí kah, «Fuqi ma awaar, hee mu gaasaar, gár hee ma fiisaar, gár hee ma ilatleeruusaar,» hara'ayaarí nee hara'ayár hatlá' sleémeero kana haragaás baraá hara'ayaarí wák tidá' kah, «Inslaawmoowók slaeek adoodá' kuúng tir kilók sla'.»

DABE 5:18

«Fuqi ma awaar.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.

Yakobo 2:11

Asma kudaádá' aa oo', «Ma fuquusaar,» a kudaádá' aa oo', «Hee mu gaasaar» sleeme. Ala kuúng tam aga fuqusiká, ala bar aga tsu/út, kuúng dabe sleémeero aga sí'.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»