TI'INAANGW 20:13 - Biblía Axweesantá Hhohho' ar Mungú 2004

¹³ «Hee mu gaasaar.

TI'INAANGW 20:13 Iomraidhean Croise

2 WAAWITÁ 21:16

Inós múk Yuda guna dahaás baraá tlakweemaawós, inooín tlakweema ngiri tleehhiyé' geeraá AAKOÓ MUNGUHE. Sleeme Manase múk yaariír oo dakuús wásl guna tsuú/, tseerér yaariir ina ku'út badu sleémeero ar Yerusalemu.

2 QOM'I 24:22

Waawutmo Yoashi hhooeemadaá kway tleéhh nee Yehoyada baabuú Sekaria gay gunqareés, garmoó Yehoyada gway gaás. Qoomár Sekaria iwa gwagwa'an ina oó' «AAKOÓ MUNGÚ tlehhmi'iiká ngi ari, nee li/aywí ngu bui.»

TI'INAANGW 21:12

«Heé kuqá' gwa muux iri gwaá', inós sleeme aqo kun gaas.

TI'INAANGW 21:14

Ala hee barnaxes ina tsabín kuqá' nguwa geewaqaati, guri gaas, heewí tam bira goów dír kitángw ilahhooa, ku didá' wa hingeesá', ku gasá'.

TI'INAANGW 21:20

«Hee bar lawaalmoowós laqaá lawaalo'oorós, gaa muux ar hhara, heedaádá' aa muúx bira gwaá' gawaá dabaawós, aqo kun doohhiis.

TI'INAANGW 21:29

Ala bar awuusíng iqo difimaamiit, nee seebuuwós ku qo gurbuaaín, ala awu gwa ilaa/iiká, nee awu hee guri gaás, hhawaata laqaá /ameeni, awuusíng ku gaasi ar kuwa tlaquuti ar tlaa/e. Seebuú awu sleeme ku gaasi.

TI'INAANGW 23:7

Kuúng axweesanoó lama geewakaweek, múk dakuús wásl nee oo gan'amuú kooma mi tsu/aar, asma aníng tlakusmo u gan'amií harafaraaká.

AXWEESANOÓ SAGALOOA 1:11

Bir kaahiya', «Góh ti alkoomaán a giirór awaán as tseerdu kiwa ku'uusaan, heé dakuúsár koomaaká kuwa hariawaan tam gaa i kahha.

AXWEESANOÓ SAGALOOA 1:18

Ala mukwí a tseerduín gin gigdín, nee hhintleemooín ngin haramamahhamitiyá'.

ISAYA 26:21

Asma ga/aawaak, AAKOÓ MUNGÚ ni tláy dirós tidá' i dirii'i, as yaamuloouusér yaamuuká' ngiwa muxi as tlakweemaaín, tam tseerduudá' taa ku'umamiís hhape sleeme gi gu/uká, tam tu'uudá' sleeme hhape gi tuuntukká.

YEREMIA 26:15

Kár ala, adoorí xu'uti hhe'eesaak, barnaxes aníng iga gasé', kuungá' kiloohúng taa lo'ór ar eeré', as tseerér heé dakuús wásl kawa ku'usé', nee gixsarí aga lo'ór ar eeré', nee múk baraakae. Asma ar tsuwa ló', aníng AAKOÓ MUNGÚ ina ya/aáw as kaangwí ta axasé' nguwa baraá iaahúngí oo'.»

TLAHHOÓ LAÁWI 24:17

«Umuúqo heé hee gwa gaas, inós sleeme gár kuwa hariím kun gaas.

TLAHHOÓ LAÁWI 24:21

Oo slee gaa gaas gár kus hariím a bu'utu gun haniis, ala heé hee gwaa gaas a inós kun gaas.

Matayo 19:18

Heedaádá' iri oó', «Hara'aya a gaalá?» Yesu guri báy, «A tí, ‹Hee mu gaasaar, fuqi ma awaar, Gár hee ma fiisaar, Hee mu /aysántí tsataar,

Marko 10:19

Ahaá baré hara'aya a xú', ‹Hee muu gaasaar, Ma fuquusaar, Ma fisisiimaar, Lamabu'úngw lama mu kaahaar, Ma al/agiimaar, Baabuúwók nee aayo ilaiwawa/eek.› »

Luka 18:20

Ahaá baré hara'aya a xú', ‹Fuqi ma awaar, Hee mu gaasaar, Gár hee ma fiisaar, Hee mu /aysántií tsataar, Baabuúwók nee aayo ilaiwawa/eek.› »

Tlehhema'aá ya/Abuuse 16:28

Ala Paulo iri tseé' ar afór ur, iri oó', «Miti gaasaar, asma atén sleémeero a diirí diriiaán.»

Tlehhema'aá ya/Abuuse 28:4

Múk yaamuudá' dayshamoodá' nguwa ár iwa hambaleele'miti, tiri kilooín babayé', «Heewí ánga/áw a tsu/utusmo, ala tim aa /uyi baraá tlawto, ala lo'o gu gáwtí geexeeraaká.»

Rumi 13:9

Hara'ayaarí kah, «Fuqi ma awaar, hee mu gaasaar, gár hee ma fiisaar, gár hee ma ilatleeruusaar,» hara'ayaarí nee hara'ayár hatlá' sleémeero kana haragaás baraá hara'ayaarí wák tidá' kah, «Inslaawmoowók slaeek adoodá' kuúng tir kilók sla'.»

Galatia 5:21

nee tloomatloong, nee oonitime, nee hheehha, nee muruú hatlá' oo nee kwí slaqamiimís sleeme. Adoodá' naa qaroó geerií oó' dirhúngií alé, ngin malé oó', niwa kah, múk adoorí /imaamiís, waawuti'iimár Mungú ga baloó aaliiká.

DABE 5:17

«Hee mu gaasaar.

1 Timoteo 1:9

Gár atén tiwa hariím masók an tsaahhaán adór hara'aya kara qaasiiká as múk hhó'. Ala kana qaás as múk aa dee/aanuut, nee mukdá' hara'aya gaa sii'. Slám kana qaás as múk Mungú gwa haratlinti'iiká nee múk tlakweemaá tlehhahhiít, nee slám mukdá' hhohhoeeká, kudá' slasla/arén. Nee slám hara'aya kana qaás as múk baabi'ii'ín tsuú/ nee amuín, nee tsu/utuusér hatlá'.

Yakobo 2:11

Asma kudaádá' aa oo', «Ma fuquusaar,» a kudaádá' aa oo', «Hee mu gaasaar» sleeme. Ala kuúng tam aga fuqusiká, ala bar aga tsu/út, kuúng dabe sleémeero aga sí'.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.