TI'INAANGW 20:12 - Biblía Axweesantá Hhohho' ar Mungú 2004

¹² «Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.

TI'INAANGW 20:12 Iomraidhean Croise

IIMU/UUNGW 48:12

Yosefu giri hingeés baraá gurungeeriiwose, nee inós iri xupuú' ay yaamu.

IIMU/UUNGW 50:12

Daaqoó Yakobo adoodá' baabuúín ngaa báy kari tleéhh.

1 WAAWITÁ 2:19

Naagáy Bat-sheba iri dát amór waawutmo Solomon as tawa axweesi daanduú Adoniawo. Waawutmo iri sihhiít nee inós tiri doogiyé', iri dír geeraawós i tumbarara'aát, aluuwo iri kií/ gawaá kitaangós kuduú waawuti'iima, iri oó', «Aayír waawutmo kitaángwí haniisaak.» Bat-sheba iri iwít dákw doó /iyáy oo waawutmo.

2 WAAWITÁ 2:12

Elisha adoorí ngiwa ár iri /aá/ iwa kaahi, «Baabuúeé', baabuúeé', gaardaá faras i uuruxun nee mukdá' faras gwaa i tsa/an.» Naagáy Elisha Eliya gway ártí ki/iiká. Elisha tlabaawós giri óh, giri feehhamiís kaeemo tsár.

TI'INAANGW 21:15

«Heé baabuúwós gwa muux, laqaá aayoorós aqo kun gaas.

TI'INAANGW 21:17

«Heé baabuúwós gwa lu'us, laqaá aayoorós, aqo kun gaas.

AXWEESANOÓ SAGALOOA 15:5

Na/oó daktani gurbu'utá baabuúwós gan waaqaqaa', Ala na/oó gurbu'ungwdá' gu aldakuút i daharuú kón.

AXWEESANOÓ SAGALOOA 17:6

Nángw naangw a slamángw bariise ir durbibiin, nee gár na/ii nir durbibina' a xwayliitér'ín.

AXWEESANOÓ SAGALOOA 20:20

Heé baabuúwós nee aayooro gi lu'umís, slafiingós in slapiit adór tsaa'asi bira gwá' baraá giwtír ma/amiro.

AXWEESANOÓ SAGALOOA 28:24

Heé muruú dooín gu fisisiím iri ooi «aga dakuusiiká», Inós a mulqumoó heé hhitusmo.

AXWEESANOÓ SAGALOOA 3:16

Slafíngw tleér gu koón ar dákw doó /iyáy, nee ar dákw doó basayhe gár i koon a daqaari'iima nee ilaiwa/ame.

AXWEESANOÓ SAGALOOA 30:11

Qartaka i deer ar baabi'ii'ín lu'umis, Slám amuuín ngi hhooeemáy slaiaaká.

AXWEESANOÓ SAGALOOA 30:17

Heé baabuúwós gu niqiím Nee heé aayiirós iialooesaro ga waaqaseseém Heé adoorí xwaa'arór baraá xatsa gu ila' tu/uún Nee kuri /aay nee gwares.

YEREMIA 35:18

Ala Yeremia múk doo Rekabu guri báy, AAKOÓ MUNGÚ Aleesleemusmo, Munguú Israeli i kaahi, «Asma kuungá' hara'ayár baabuúhúng Yonadabu kawa iialooeesé', nee intsaahhasarós kawa eehadá', nee tidá' sleémeero na kuungá' báy kay oté',

YEREMIA 35:7

Nee maraay mi tleehhara', qamu mi dooslara' laqaá tam qamaá sabiíbu mi koomara'. Ala kuungá' aqo an hotá' baraá heemadú wa alé deelo sleémeero ar hotangwhunge, as tawa hota' deelór yaariir baraá yaamuwo adór dahaaye.›

ESEKIELI 22:7

Baraawoge baabá nee aayí kin waaqaqaa'. Heé dahaaymo oo baraasíng hoót aqo kun mura' hayoh. Na/aá panaay nee /ameenár kwaeeliwo kin baramaanuus.

TLAHHOÓ LAÁWI 19:3

Umuú heewo gár kuwa hariím a baabuúwós nee aayoorose gin ilaiwawaa/, nee deelór Sabaátor'eé' gan amohhe'eemiis. Aníng a AAKOÓ MUNGÚ, Munguúhúng.

TLAHHOÓ LAÁWI 19:32

«Bar dír geeraá heé úrií dirí' oo al/awtantá koóm, gár tuwa hariím an geeraawósí sihhít, kuri ilaiwa/ameérií tléhh, nee kuúng Munguúwók ilaiwawa/eek. Aníng an AAKOÓ MUNGÚ.

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

Matayo 19:19

Baabuúwók nee aayo ilaiwawa/eek, nee Inslaawmoowók slaeek adoodá' kuúng tir kilók sla'.› »

Marko 10:19

Ahaá baré hara'aya a xú', ‹Hee muu gaasaar, Ma fuquusaar, Ma fisisiimaar, Lamabu'úngw lama mu kaahaar, Ma al/agiimaar, Baabuúwók nee aayo ilaiwawa/eek.› »

Marko 7:10

Asma Mose ina oó', ‹Baabuúwók nee aayoorók ilaiwawa/eek.› Iri male oó', ‹Heé baabuúwós gu /ooslisliím laqaá aayo, gár kuwa hariím a gwa'ara.›

Luka 18:20

Ahaá baré hara'aya a xú', ‹Fuqi ma awaar, Hee mu gaasaar, Gár hee ma fiisaar, Hee mu /aysántií tsataar, Baabuúwók nee aayo ilaiwawa/eek.› »

Efeso 5:21

Kuungá' kiloohúng ti ilaiwawa/e' as adoodá' Kristo kur ilaiwawa/a'.

DABE 11:8

«Hara'ayduuká' sleémeero laarí nuy hara'ayiim iialooeesaak, as daqaní /uuru kuwa sleera' oo tawa data' baraá yaamuudá' ta keera' as kiwa ala'.

DABE 11:9

Daqaní slafíngw tleér u sleerá' baraá yaamaá hatsá' dihhooár ilwa nee dane, yaamuudá' aáng AAKOÓ MUNGÚ aa lo'ór wa /aáy ngiwa haniisi dír baabi'iihúng nee xwaylar'ín.

DABE 21:18

«Hee barnaxes garmoó iawásl oo aa dee/anuut gu kón, garmoó baabuúwós nee aayoorose gi iialooeemisaaka, handá' tam ku naanaaqi i axamisiiká,

DABE 25:15

Qoomoó ganaá' nee tlaa/aá ilo' awa hariimá' ar qoomeemesaak, as hotaá tleer kiwa sleera' baraá yaamaá AAKOÓ MUNGÚ, Mungúhung ni haniisi.

DABE 27:16

«Umuúqo heewo oo baabuúwós, laqaá aayoorós waaqaqaá', kwaa lu'ús.» ‹Nee muu sleémeero ta ooi, Amin.»

DABE 32:47

Dabeerí a tlooraá taworooká dirhunge, ala an slafingwhúng oo kilá'. Kuungá' nu hotaá tleerá' ar eér baraá yaamuudá' ta aalír eera' amoodár gayuú yaaér Yordani.»

DABE 4:26

aníng laarí Munguú doori nee yaamu un ateét as tawa lamabu'usmo daanduuhunge, aníng kuungá' nun babaw, kuungá' a hhaandá' wa'aá wák ar ale baraá yaamuudá' ta ala'a amoodár gayuú yaaér Yordani. Kuungá' a tleeresaaká amoodae, aqo tundun ló'wa hhaamiis.

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»

DABE 5:16

«Baabuúwók nee aayoorók ilaiwawa/eek adoodá' anuú AAKOÓ MUNGÚ, Munguúwók, una hara'ayiím, adoorí tleehheek as slafíngw kureeraá yaariir kuwa sleer, nee diihhooa kawa sleer baraá yaamuudá' AAKOÓ MUNGÚ Munguúwók ni kuúngií haniisi.

DABE 5:33

Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»

DABE 6:2

Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.

Kolosai 3:20

Kuungá' ná/ii, xwaylitérhúng ilaiwawa/aak baraá mura' sleémeerowo. Asma adoorí Aako gu sla'atimis.

RUTI 3:6

Naagáy Ruti iri tleér amoodá' angaáno kuwa haritleemisi, nee tidá' sleémeero aayír hhawaatuuwós ngaa beér gari tléhh.

1 SAMUELI 22:3

Daudi iri didá' wa tláy ay gixsár Mispa ar yaamaá Moabu. Waawutmoó Moabu guri báy, «Na'ás, baabuúeé' nee aayír'eene ya/aameek niwa amoorí hotaá aya' ay dír adoodá' Mungú ni aníngí tleehhi ngi ar.»