TI'INAANGW 20:10 - Biblía Axweesantá Hhohho' ar Mungú 2004

¹⁰ Ala bál faanqw a deelór Sabaáto ar AAKOÓ MUNGÚ Munguúwók. Baalaadae kuúng ma gadiyusaar, laqaá tam garmaawók laqaá dasiirók, laqaá lawaalmoowók, laqaá lawaalo'oorók, laqaá makiito'ór ta de'een, laqaá tam hoomoó dír do'ók.

TI'INAANGW 20:10 Iomraidhean Croise

NEHEMIA 10:31

Barnaxes múk yaamuuká' muruú ta weermiisi ngwa huwiyé', ngway weerisiyé' deelór Sabaátoro, atén u tlaxwanaaká balaarihe tam deelór hatlá' ar hhoohhooe. Kurkú faanqwe yaamu i tliqisanaaká nee inu sleémeero in buaán.

TI'INAANGW 16:26

Deelo lahhooe muruú /aymaasíng un sleemisá', ala bál faanqwe u sleera'aaká, asma bál faanqw a deelór Sabaáto.»

TI'INAANGW 31:13

«Múk Israeli ku beer, ‹Deelor'eé' ar Sabaáto harmagahhaak asma deeloorí a layár alqado tla/ángw aníng nee kuungae, nee dír xwaylarhúng sleémeero, as kahhó' kuungá' kawa xua' adór aníng tar AAKOÓ MUNGÚ, kudá' kuungá' nu hhohhoeemiís.

TI'INAANGW 34:21

«Deelo lahhooe kuungá' an gadiyusá', ala bál faanqwe an hungu/usá', barnaxes an qoomár doosla laqaá an qoomár bu'uungw, kuungá' aqo an hungu/usá'.

TI'INAANGW 35:2

Deelo lahhooe gadiyérhúng tleehhaak, ala bál faanqw a deelór hhoohhoo' ar Sabaáto ar AAKOÓ MUNGÚ ar kuungá' tawa hungu/usa'. Umuúqo heewo oo gadiyeé gaa tleehh baalaarihe aqo kun gaas.

ESEKIELI 14:7

«Umuú qoomaaro, hee tam gaalá dír múk Israeliwo, laqaá dahaaymo oo yaamaá Israelír wa hoót, birta paraátl dir'eene, nee barnaxes slaqsa'aá munguaá hatlá' giri haratlintií' ar ilakaahara, nee tlakweemaaká' tari dukuutsmo dír án nee inose, aluuwo iri daqáy dír aarusmo as ngiwa xu'utír wa slai gár aníng ni kah, naagáy aníng AAKOÓ MUNGÚ, inós un mu/aywaáts.

TLAHHOÓ LAÁWI 23:3

Deelo lahhooe gadiyeé an tlehhá', ala bál faanqw a baalár Sabaáto. Baalaarihe a gadiyusa'aaká, dinku'uumár hhoohhoo' an tlehhá'. Bál faanqwe a gadiyusa'aaká, an Sabaáto, an baalár taa paraátl as anuú AAKOÓ MUNGÚ baraá hotaahúng sleémeero umuúqo diiro.

Luka 23:56

Tari waátl, mooyaangw kuri amohhe'eés nee di/i. Nee bál deelór Sabaátoro tari hungu/uús, ar adoodá' kara hara'ayín.