TI'INAANGW 2:5 - Biblía Axweesantá Hhohho' ar Mungú 2004

⁵ Naagáy dasír Farao niri amorqá' wa /ét, iwa hamtlór eer baraá yaae, nee sagadiyuuseerós i bihhaá yaaér wa harweeririná'. Dasidá' lakwaanti gari aán, sagadiyuso'oorós gari ya/áp ngiwa hup amoorós i alé.

TI'INAANGW 2:5 Iomraidhean Croise

1 WAAWITÁ 17:6

Xwaa'aro guna mikaáte nee fu'unáy huwaahúp matlaatle nee tsiindowo. Ma'aá wahaangw gina sláy baraá duxuudá' wa aleeró.

WARA'AMI 12:5

AAKOÓ MUNGÚ i kaahi, «Asma liitlakuuse kawa baraamaanusi nee narkuute iwa wa/aa/us, aníng daxta ni hardáh, aníng kudá' i harahhiifá' i amohhooárií haniís.»

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

WARA'AMI 9:9

AAKOÓ MUNGÚ an baqmoó dír kudá' ta hara/untsina, an baqmór'ín qoomár slahh'amuuwo.

TI'INAANGW 2:6

Lakwaantidá' gari kís, na/aay guri aán, naxés i /aa/amín. Guruuwós iri tláy, iri ó', «Kwí naxooro a na/oó heé wák oo Ebrania.»

TI'INAANGW 7:15

Matlaatleero tláw amór Farao qoomár inós bir baraá yaaér káy, kuúng sihhiít dír afá yaae nee inós tiwa doga', nee hhartadá' a dayshamo tleehhit masók a koón dakoge.

TI'INAANGW 8:20

Aluuwo AAKOÓ MUNGÚ Mose guri báy, «Matlo matlaatlér boo/e tseewa tláw ta hardát dír Farao qoomár inós bir baraá yaaér káy, nee ku beer, AAKOÓ MUNGÚ i kaahi, ‹Muk'eé' geemaweek, i tlay án iwa sluufmisuú aya'!

AXWEESANOÓ SAGALOOA 21:1

Inslawoó waawutmo baraá dabaá AAKOÓ MUNGUHE a adór kutlá ma'aay, gun warqeemiis amór ngur slai,

YONA 1:17

AAKOÓ MUNGÚ siyoó yangaariír guna amohhe'eés, as Yona nguwa gu/i. Yona iri baraá guruú siyoódá' wa hoót deelo tám, xweera nee tlaatla/aangw.

YONA 2:10

AAKOÓ MUNGÚ siyoódá' yangaariír guri i ilawaáts. Siyoódá' Yona guri waá/ afaá tláwtí ale.

Tlehhema'aá ya/Abuuse 7:21

Nee kuwa kwaáhh, dasír Farao guri slés, guri adór na/aywós wa umiín.