TI'INAANGW 2:3 - Biblía Axweesantá Hhohho' ar Mungú 2004

³ Nee qoomár ngiwa tsáhh lu/u/uungo gu malé aleesleeraaká, lakwaanti gari tléhh ar duudáy, gari ninkiríts ar boohhayaangw. Na/aay guri baraá guruudií qás, aluuwo lakwaantidá' gari qás baraá gitsór afaá yaaér Nili.

TI'INAANGW 2:3 Iomraidhean Croise

IIMU/UUNGW 11:3

Mukdá' tari al'axweés, tari oó', «Gimsé', matofaáli a tleehhaán, kari da/aán.» Ala inooín gár ta kon a matofaáli kitángw tlaa/eewo nee laámi kitángw busluwo.

IIMU/UUNGW 14:10

Nee baraá xatstá Sidimuro boh'ér laámi ka ur. Waawituú Sodoma nee oo Gomora niwa ta'aainé', nay /e/etiné' baraadí alé, ala kudá' hatlá' naa meetiye' tana gawaá tlom'ií goów.

IIMU/UUNGW 6:14

Gimáy, miringamo tleehheek oo xa'anoó tlanmo, kutuwoó yaariír baraawósí tleehheek. Miringamo ku ninkiríts ar boohhayaangw daanduú tsee/a nee guruú do'o.

TI'INAANGW 1:22

Aluuwo Farao mukós sleémeero guri ádbáy iwa kaahi, «Umuúqo na/oó garma oo tindi laqwaali nee /ameenír múk Ebrania /aytisaak baraá yaaér Nili, ala bar a na/oó dasi mu /aytisaara'.»

ISAYA 18:2

kudá ya/abuuser'ín ya/abiitá' ar baraá yaaér Nili, kudá' aa'aá kakaawá' ar baraá ma'aay ar miringér taa tleéhh ar oombas. Tlawsé', kuungaásingaá ya/abuusér islahh, tlawsé', amór múk tledaadét nee oo slaqooín natsaatsa'á', amór mukdá' dae tlaáq umuú diiro, amór xooroodá' /uuruú koom nee baalaaliim, tidá' yaamuuwós taa qasiís nee yau.

ISAYA 19:6

Mapeerodaá ma'aay xwaansláy giri dalaa/, tsiinqaá yaaér Nili ar yaamaá Misri niri alqwaaresiyá', niri kahiyá', tsaaráy nee miringedár oombase niri tsutsuiyá'.

ISAYA 35:7

Hhasángw adór asla oo baraá xaanxaay iri tlawtá ma'aáy tleehhiit, nee yaamaá naa waxiitiye' niri kutltá ma'aay tleehhitiyá', didá' tawér i hooti ma'aay ngiri dalaa/iyá' tsaaráy ngiri alti'iit, tari adór daa'a.

Matayo 2:13

alaá xu'utuuseedár tsatse/ iwa tleér, malaykamoó Aako iri hardáh dír Yosefu ar baraá tlata, iri oó', «Tláw na/aay nee aayooro ar guweek ay baraá yaamaá Misri, amoodá' wa hootaak ay dír án kuúng uy ateet. Asma Herode i na/oó leelehhiit as nguwa gaasi.»

Matayo 2:16

Herode ngiwa ár adór kura al/aáy nee xu'utuuseedár tsatse/, iri ló'wa buúhh. Muu guri ya/aáw na/aá daaqaay sleémeero awa baraá gixsár Betilehemu nee inslaawaywose kiwa tsu/i, awa har kureeraá tsár nee awa kureeraá tsár ngaa ay'iiká sleémeero, ar adoodá' ngira yaahamiís dír xu'utuuseedár tsatse/uwo.

Tlehhema'aá ya/Abuuse 7:19

Kwí múk tlahhayrén guna baramaanuús, nee baabi'iirén giri tlehhema'aá tlákw i tlehhiít. Hara'aya gari oó' na/aá ninakw kiwa kwakwaahhi, as mindiwa hootiyé'.