TI'INAANGW 2:24 - Biblía Axweesantá Hhohho' ar Mungú 2004

²⁴ Mungú /aa/eeín giri axaás, nee alqadoorós tidá' aa oó' dír Abrahamu, nee Isaka nee Yakobo gari insláy.

TI'INAANGW 2:24 Iomraidhean Croise

IIMU/UUNGW 15:13

AAKOÓ MUNGÚ Abramu guri báy, «Xueek, xwaylarók ka /aytiis baraá yaamaá kooineeká, tari /eetuuse. Inooín kiri lawaale tleehh, kiri slahh'eemiis ar har afi qoomár kureeraá tsiire tsiyáhh.

IIMU/UUNGW 16:11

Malaykamoó AAKOÓ MUNGÚ gari báy, «Ga/aaweek, kiíng a tsiiháy, na/oó garma u xwayluúr, umuuwós kway beer Ishmaeli. asma AAKOÓ MUNGÚ /aa/aá baramaanirók gaa axaás.

IIMU/UUNGW 17:7

«Alqador'eé' an gawdeés tla/ángw án nee kuunge, nee xwaylarók nee xwaylár na/aá na/iiwók nee xwaylar'ín, as tawa alqadór alhhe'eesay wasle, adór aníng tar Mungú diroge nee dír xwaylarók ar kumiit aluuwoge.

IIMU/UUNGW 18:18

Barqo Abrahamu inós un xoorór ur tleéhh, nee ar baraá inose xoordu sleémeero awa yaamu kin tsuuq?

IIMU/UUNGW 22:16

iri oó', «AAKOÓ MUNGÚ i kaahi, ‹Án lo'o aga /aáy ar umuueé', as kuúng adoosíng kawa tléhh, ar garmaawók oo kilós kuwa /itiindiiká haniisár dir'eene,

IIMU/UUNGW 26:2

AAKOÓ MUNGUÚ Isaka guri i ti'iít, gway báy, «Ma tlawaar Misri, ala na hoót baraá yaamuudá' ni kuúngií oo'.

IIMU/UUNGW 26:24

Xweeradaá kilae AAKOÓ MUNGÚ guri i ti'iít, guri báy, «Aníng an AAKOÓ Munguú baabuúwók Abrahamu. Ma da'ayumiitaar, asma aníng nee kuúng a dinkwa. Án kuúng u tsuúq, nee xwaylarók ngiri tlahhás as sagadiyusmooeé' Abrahamu.»

IIMU/UUNGW 26:3

Na dahaaymo tleehhiít baraá yaamukae. Aníng nee kuúng a dinkwa, nee án kuúng u tsuúq. Án al'axweesante'eé' a boo/eés dír baabuúwók Abrahamu, asma án yaamu sleémeero ngi kuúng nee xwaylarók i haniís.

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

IIMU/UUNGW 35:11

Mungú guri báy, «Aníng an Munguú duú Aleesleemusmoó mura' sleémeero, kumiít tawa doogiin. Xoordaá yaariir nin baraawók wa ti'iitiyá', nee waawitá sleeme.

IIMU/UUNGW 35:12

Yaamuká' naa Abrahamu nee Isaka i haniís, ngi kuúng i haniís sleeme, tawa kók nee xwayladá' ta aluuwók wa laqwaali.»

IIMU/UUNGW 8:1

Ala Mungú Noa guri insláy nee makaydá' baraá miringamoó i diriiá'. Mungú fur'ár ur gari ya/aáw gawaá daanduú yaamu, ma'aay nay /aaruyé'.

2 WAAWITÁ 13:23

Ala AAKOÓ MUNGÚ múk Israeli guna gurtleemuú wa ár. Inós gina gurtleemuú wa ár asma alqadoodá' aáng aa alqadín dír Abrahamu nee Isaka nee Yakobo. Tam ay laarí múk Israeli kwa hhaamiisiiká laqaá kwa si'iiká nee Mungú.

WARA'AMI 102:2

Bar baraá slahh'ámkwí dirií' mi sanahhaataar. Iiárií qaasáng bur fiririím mu/aywatsáng ar gaanslaay.

WARA'AMI 102:20

Wa/aa/ír mukdá' taa tsegiít gan iiárií qaas, mukdá' geera taa sakwasleemuút kiwa tsu/i gin gweer.

WARA'AMI 105:42

Asma al'axweesantós ar hhoohhoo' gana insláy, tidá' aa oó' dír Abrahamu sagadiyusmoowós.

WARA'AMI 106:45

alqadoorós gana insláy as inooín, muneerós gari guú/, asma yaareemaá sla'aarirós ar warqawaaká.

WARA'AMI 138:3

Bál án kuúng uwa ateét, ina mu/aywáts, aníng ina gurkwa/ás iri /uurií hanís baraá muunaáeene.

WARA'AMI 22:24

Asma inós slahh'amaayér liitlakusmo gaa waaqaiiká, nee gu mayká i qaytaro. Ala qoomár burungu i /aa/amín gun mu/aywaats.

WARA'AMI 22:5

Tuna i /aa/amín, tari ba/án, tuna harahhiíf kahhó' mikiwa mureekeés.

WARA'AMI 79:11

/Aa/aá kuká' taa tsegiít u i hardihiye', ar /uuruuwók oo ure ba/amisek, kudá' sakwasleemar'ín taa tsaát kiwa tsu/i.

TI'INAANGW 6:5

Dinkwa nee tisinge aníng /aa/aá xoorór Israeli iga axaás, kudá' taa /uurutís baraá lawaali'iima nee múk Misri, nee aníng alqador'eé' aga insláw.

FAARO 20:16

AAKOÓ MUNGÚ atén kuri i /aa/amimaán, inós /aa/eerén giri axaás, malaykamoowós nguri ya/aáw as tiwa duuxi baraá yaamaá Misrír wa ale. Ala hamí daxta a diirír Kadeshír i diriaán, gixsár dír digmuú yaamuuwógí dirii'.

Tlehhema'aá ya/Abuuse 7:34

Aníng slahha'amaayér muk'eé' aga ár, kudá' baraá Misrír i dirií'. /Aa/eeín iga axaás, aníng nina aweér as ngiwa ba/amis. Gawaá adoorihe, qwaláng, aníng kuúng u ya/aáw ay yaamaá Misri.›

HAR'OHUUSE 2:18

Nee umuúqo qoomár AAKOÓ MUNGÚ har'ohusmo nguwa ya/aawi, AAKOÓ MUNGÚ a dinkwa nee har'ohusmoodá', AAKOÓ MUNGÚ múk Israeli guna ba/amís baraá dabér wakuuser'ín wa alé, deelo sleémeero ar har'ohusmoodá' iwa slafi. Asma AAKOÓ MUNGÚ kuna gurtleés nee /aa/eeín, as adoodá' kiwa slahh'eemiís nee kiwa baramaanuús nee wakuuser'ín.

1 SAMUELI 9:16

guna báy, «Matlo qoomár adór tihe heé yaamaá Benyaminír daáhh ngu huúw dirók, kuúng ku iimbaláx ar di/i, as kahhó' tawa geeraharusmoó muk'eé' kwí oo Israeli. Inós muk'eé' gu ba/amis baraá dabaá múk Filistiro, aníng slahh'amuú muk'eé' ugwa ár, asma /aa/eeín iga axaás.»