TI'INAANGW 2:20 - Biblía Axweesantá Hhohho' ar Mungú 2004

²⁰ Baabuúín giri yaahaás, «Heésíng i amá? Baré heesíng ugwa amoosíng i geexeeré'? Ateetare' i /ayin.»

TI'INAANGW 2:20 Iomraidhean Croise

IIMU/UUNGW 18:5

Qoomár bar hara hungu/uumisá', aníng muruú /aymár niiná ngu amohhe'eés, ta /ayiindá', kahhó' /uuruú tar kumiita' baraá aaiiwo u sleerá', asma aníng sagadiyusmoohúng ina i hardaté'.» Inooín kuri báy, «Gimáy, tleehheek ar adoodá' kara ó'.»

IIMU/UUNGW 29:13

Labani kángw Yakobo oohho'oówós nguwa axaás, ina ta'aaín nguwa al'ay. Guri slaqwtósí óh, guri ma'aás, guri do'ós i dahi'ís. Yakobo kangwdá' sleémeero aa tleehharuut guri alki/iít.

IIMU/UUNGW 31:54

Aluuwo Yakobo makiito'o gari gaás, gari ilahhooár wa haniís dír Mungú gawaadá' tloomár wa alé. Hhaeewós giri ateét tawa /ayin. Alaá /aymaaro tawa hhe'eés, tari deél gawaá tlooma.

IIMU/UUNGW 43:25

Qeemuudá' ta dír Yosefu haniisi kuri amohhe'eés, asma kaa axaás nee Yosefu tawa al/ayin tlaatla/aango.

YOBU 31:32

Aausmo aa qaatiiká yaamaá tawo, hhayutuuse i dír dooeé' wá guaaiín.

YOBU 42:11

Aluuwo Yobu hhaeewós awa daaqaay nee awa dasuuwo, nguri i daqayé' nee mulqeerose. Mukdá' aáng Yobu gu xuú' tari amór do'ós i daqáy, tari al/ayín, nguri gurkwa/amisiyé' as slahh'amudá' yaariír aa sláy oo AAKOÓ MUNGÚ aa dirós i huúw. Umuú heewo muqslidár peésa gana haniís nee mungoó wák oo sahaábuwo.

TI'INAANGW 2:19

Inooín niri ooiyé', «Heeko Misri tina tuú/ dabaá de'eemuuseedae, slám ma'aá hikwaarén giri iihheék, hikwa nay wahiyé'.»

TI'INAANGW 2:21

Mose iri ya/án iwa hooti doó heedaádá' wa ale. Heedaádá' guri dasiirós tidá' ta bay Sipora i haniís, ngiwa duuxi.

1 Timoteo 5:10

Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

Ebrania 13:2

Ma gunqaruutara' dahaaye kawa dahi'iimisa' baraá marayhunge. Asma awa adoorí ngaa tlehhiitiye', daqtakaaro malaykér Mungú ngaa dahi'isiyé', ala inooín kaa xuiiká.