TI'INAANGW 2:11 - Biblía Axweesantá Hhohho' ar Mungú 2004

¹¹ Alaá Mose iwa uráy, looarka wake ina amór mukós káy, naxes gina ár adór kira /uurutimís baraá gadiyér gawít i ale. Heé wák oo Misri guri ár i heé muux, oo xooroorór ar Ebrania.

TI'INAANGW 2:11 Iomraidhean Croise

TI'INAANGW 1:11

Gawaá adoorihe inooín múk Israeli kuri sagesihhtuuseérí qaás as kiwa slahh'eemisi nee kiwa /uurutimiisi baraá gadiyér tawa bihhií noongo'ootiiká. Inooín Farao nguri gixsadaá Pitomu nee Ramesesírí tleehhiyé' awa ta murií babaatsi.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

TI'INAANGW 5:14

Ga/aawuuseedár múk Israeli tidá' taa qaás nee sagesihhtuusér Farao kari muúx nee sagesihhtuuseedá', nee kiri yaahamiís tawa kaahi, «Gár qoomayduú matofaáli oo /isá' nee laarí kusa hatsisi'iiká a milá, adór /iisí ta tlehhaahhita'?»

TI'INAANGW 5:4

Ala waawutmoó Misri Mose nee Aroni giri báy, «Aá Mose nee Aroni, ahaá waáy, gár muu kus baraá gadiyér'ín wa hingeemisa'? Kuungá' baraá gadiyerhúng tidá' gawit nay ki/aak!»

TI'INAANGW 5:5

Waawutmo farao iri kumiít axweesanto giri báy, «Ga/aawaak, daxta inooín ki ur ta múk yaamuukae, ala kuungá' an sla'á' gadiyeé kawa may.»

TI'INAANGW 5:9

Muksíng gadiyér gawit ar gi slahh'ees ti sleere', tam pa/ángw axweesanoó lama nguwa iiárií qamina' munguwa slayé'.»

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

TI'INAANGW 6:7

Nee aníng kuungá' nun muk'eé' tleéhh, aníng tari AAKOÓ MUNGÚ, Munguúhúng, kudá' kuungá' nu gweér baraá gadiyeédá' tunduwa /uurutimiisi nee múk Misri.

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,