TI'INAANGW 19:6 - Biblía Axweesantá Hhohho' ar Mungú 2004

⁶ Kuungá' dir'eene tari waawuti'iimár kaahamuusér Mungú nee xoorór hhoohhoo' ar Mungú.› Axweesanaywí an kudá' ta o' dír múk Israeli.»

TI'INAANGW 19:6 Iomraidhean Croise

1 WAAWITÁ 3:8

Sagadiyusmoowók i baraá tla/ángw mukók kudá' taa tsawát, múk yaariír oo faaro ga ya/amaaká, slamí faror'ín xu'utiro i ya/andaaká asma ki ló'wa yaariir.

1 WAAWITÁ 8:53

Xáy AAKOÓ MUNGÚ kuúng ina parátl baraá múk hatlae oo baraá yaamu sleémeero, tawa aalirók, adór kira iia tleerés ar loohír Mose sagadiyusmoowók, qoomaadá' baabi'iirén ngiwa duúx baraá yaamaá Misrír wa ale.»

1 QOM'I 17:22

Kuúng múk Israeli ugwa mukók tléhh ay alhhe'eesay wasle. Kuúng AAKOÓ MUNGÚ aga Munguúín tleehhít.

WARA'AMI 114:2

Yuda tari xooroodá' hhoohhoo' ar Mungú, múk Israeli tari mukós oo kilá'.

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

TI'INAANGW 22:31

«Kuungá' daqaní a múk taa paraátl as aníng, gawaá adoorihe fu'unaá makiito'ór taa gaás nee makiito'ór sla/a mi /ayaara'. Fu'unaysíng seeaawe ti hanise'.»

TI'INAANGW 28:36

«Daqaní parereehhamtá sahaábu hhohhó' ka tléhh ar adór laya nee /aymi'iiká' ki gooiín gawaadá' i ale, awa kaaha', ‹Gaarí kaa paraátl as AAKOÓ MUNGÚ.›

ISAYA 43:4

Asma kuungá' a múk slahhaá' dir'eene, nee oo ni ilaiwawaa/, aníng kuungá' nu slaá'. Aníng múk hatlá' u máw as kuungá' nuwa slaw, xoordaá hatlá' in waa'aláh ar kuungá'.

ISAYA 61:6

Ala kuungá' tundun bay, «Kaahamuusér AAKOÓ MUNGÚ.» Nee tunduri bay, «Sagadiyuusér Munguúrén.» Kuungá' daqaari'iimár xoordu an /agá', nee baraá daqaari'iimar'ine kuungá' xirif kuri sleerá'.

ISAYA 62:12

Kuungá' tunduri bay, «Múk hhohhó' oo Mungú, Múk AAKOÓ MUNGÚ aa gweér.» Kiíng Yerusalemu tiri bay, «Gixsár taa leeleéhh, Gixsár ta baloó geexayká.»

ISAYA 66:21

Dir'ine bahh'ale aníng in tsawaár tawa adór kaahamuusér Mungú nee tawa adór tlahhoó Laáwi. Anuú AAKOÓ MUNGÚ tí ana oó'.»

YEREMIA 13:11

Adoodá' inqwaarír siinootaay ira naga'át baraá afeetlaá hee, an adór múk Israeli nee oo Yuda ngaa laáq, ina gawaaeé' naga'aás, as inooín tawa muk'eé' tleehhiti, as niwa umuueér xu'utiitiya', nee iwa xirfayeemisiya' nee iwa diidi'iimisiya'. Ala inooín aníng iga iiárií qaasi'iiká.› Anuú AAKOÓ MUNGÚ tí ngina oó'.»

YEREMIA 2:3

Múk Israeli a múk hhohhó' dír AAKOÓ MUNGUHE, xwaylarós tidár baris. Heé gi gár tlaákw i tleéhh i hhitiruut, amotlakwe ga sláy.› Anuú AAKOÓ MUNGÚ tí ngina oó'.»

YEREMIA 7:23

Ala aníng hara'ayaarí ana dir'ínií oó', ina báw, ‹Afor'eé' iialooeesaak, daqaní aníng tari Munguúhúng nee kuungá' tari muk'eé'. Adoodá' nura hara'ayiím ar hootaak, adoorí tari hhooa dirhunge.›

TLAHHOÓ LAÁWI 19:2

«Xoorór Israeli sleémeero ka beer: Kuungá' masók tundu hhohhó', asma anuú AAKOÓ MUNGÚ, Munguúhúng ti hhoohhoó'.

TLAHHOÓ LAÁWI 20:24

Ala án kuungá' naa qaroó báw, yaamuusíng a aalirhúng, yaamaá diihhooár ilwa nee dane. Aníng an AAKOÓ MUNGÚ, Munguúhúng, kudá' kuungá' naa paraatl dír xoordaá hatlae.

TLAHHOÓ LAÁWI 20:26

Kuungá' masók tundu hhohhó' dir'eene, asma anuú AAKOÓ MUNGÚ ti hhoohhoó'. Aníng kuungá' nuna paraátl dír xoordaá hatlae, as kuungá' tawa kwe'eé'.

TLAHHOÓ LAÁWI 21:23

Inqwaaridá' didá' ak hhoohhoo' gaa qasis, laqaá kitángw ilahhooa munguwa baloó i tseewúy, asma i xaslxaanslír kón, as didá' hhoohhoo' mingiwa meetagaás. Asma aníng an AAKOÓ MUNGÚ kudá' inooín gaa paraatl.»

AMOS 3:2

iwa kaahi, «Baraá tla/ángw xoordu sleémeero awa baraá yaamuwo kuungá' kiloohúng nun xuú'. Gawaá adoorihe aníng kuungá' nun muúx asma tlakweemaahúng sleémeero.»

HAGAI 2:5

Adoodá' nura al'axweesántií oó' bál niwa baraá yaamaá Misrír wa ti'ité', tam hamí, ma hhasliitara'. Qeeruueé' i baraá tla/angwhúng wa hoot.› »

FAARO 16:3

Inooín tari burumburiít dír geeraá Mose nee Aroni ngiri bayé', «Kuungá' daxta ado a tlahhmisá', dinku'uumaarí ka hhoohhoo' nee umuú hee oo baraá dinku'uumarí ku hhoohhoó', nee AAKOÓ MUNGÚ a dinkwa nee atén sleémeero. Ahaá waáy bare kuungá' daxta tin múk urén tlehhitá' dír daanduú xoorór AAKOÓ MUNGUHE?»

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

1 Korinto 3:17

Hee barnaxes Doó Mungú gwa hhitín, Mungú heedaádá' aqo gun hhitín. Asma Doó Mungú a Doó hhoohhoó'. Nee Doó Mungú an kuungá'.

DABE 14:21

«Fu'unaá gár aa gwa' mi /ayaara', ala hoomoó baraá ayaahúng hoót inós ngi /ayi, laqaá weerisaak dirós i aleeró, asma kuungá' a múk hhohhó' dír AAKOÓ MUNGUHE, kuduú Munguúhúng. «Deelmoó leei laqaá oo bee/i mu humimara' baraá ilwaá aayoorós.

DABE 26:19

Kuungá' nu xoorór ur tleehh ta xoorduukaá hatlá' sleémeero aa tlehhahhiít ba/a, as kuungá' inós kuwa xirfayeemisa', nee kuwa aleekala/a', nee kuwa ilaiwawaa/a'. Kuungá' tari mukós oo hhohhó' adoodá' AAKOÓ MUNGÚ, Munguúhúng ngira al'axweés.»

DABE 28:9

«AAKOÓ MUNGÚ kuúng u xoorór hhoohhoo' tleehh, adoodá' ngira alqadín, kuúng bar hara'ayaarós aga iialooés, nee bar loohirós aga eehát.

DABE 7:6

Adoorí tleehhaak, asma kuungá' tunda paraátl as AAKOÓ MUNGÚ, Munguúhúng. Kuungá' AAKOÓ MUNGÚ nuna tsawaár baraá tla/ángw xoorduuwo as tawa mukós oo kilá'.

1 Tesalonike 5:27

Án kuungá' nu hara'ayiím ar umuú Aako, barwaárí ka soomusá' dír hhae sleémeerowo.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 1:6

Inós atén tina waawuti'iimár i sláy, tiri kaahamuusér Mungú wa qaás, as atén Mungú, Baabuúwós, kuwa sagadiyuusaan. Xirif nee aleesleemu i dirós ay alhhe'eesay wasle. Amin.

Geehhoeemaá 20:6

Heé amohhoó' nee heé hhoohhoó' a kudá' dáw baraá waasle/uú geeraawo. Gawaá mukwihe gwa'arár tsár i /uuruú koondaaká. Ala inooín tari kaahamuusér Mungú nee ar Kristo. Nee slám inooín tari waawuti'ii'ín dinkwa nee inós kureeraá kumuú wake.

Geehhoeemaá 5:10

Kuúng inooín in waawitá wa qás, nee in kaahamuusér Mungú wa qás as Munguúrén kuwa sagadiyuusi. Nee inooín yaamu ngiri sa waawuti'ii'iná'.»