TI'INAANGW 19:24 - Biblía Axweesantá Hhohho' ar Mungú 2004

²⁴ AAKOÓ MUNGÚ Mose guri báy, «Tláw aweér, daqaní Aroni ngur kí/ amor'eéní ale, ala kaahamuusér hatlá' dinkwa nee muko mindiwa daqayé' amor'eene, asma bar adooriheeká aníng i i buúhh.»

TI'INAANGW 19:24 Iomraidhean Croise

1 QOM'I 13:9

Afeenír doó Kidoni didá' balaangw kuwa muxaaxin kawa áy, Usa Sandakmoó alqado guna óh asma awe kawa dukuúts.

TI'INAANGW 19:12

Kuúng digma ku tloomár harwét, nee ki beer, ti harmagahhe', miwa hee tsa/án gawaá tlooma, laqaá tam digmuudá' mukuwa kwatiít. Heé tlooma gaa kwatiit aqo kun gaas.

TI'INAANGW 19:25

Naagáy Mose iri aweér amór múkwí ale, kangwdá' sleémeero guri dir'íní alki/iít.

TI'INAANGW 24:1

Aluuwo AAKOÓ MUNGÚ Mose guri báy, «Kuúng nee Aroni nee Nadabu, nee Abihuwo, nee bariiseedá' mibeeri faanqw ar Israeliro, qwalaasaré', tsa/amare' amor'eé' anuú AAKOÓ MUNGÚ, aníng sluufmisuú awaaré', ala mi i tseewuwara'.

TI'INAANGW 24:9

Kár Mose nee Aroni nee Nadabu, nee Abihuwo nee bariiseedá' mibeeraá faanqw ar Israeli tari tsa/án gawaá tlooma.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

Matayo 11:12

Iimír de'emaá Yohanedá' Baatimaamiís ay hamí waawuti'iimár doori kan i qwatliit ar /uuru, nee múk /uuruú koóm ga hayoohín ar /uuru.

Luka 13:24

«Ilakaaharu tleehhaak tawa data' ar afkú iiraákw. Asma án a kah, awa yaariir dahmu ngu leelehhiyá', ala ngu aleeslay'aaká.

Luka 16:16

«Hara'ayár Mose nee gooír aaruuse ina kumamít ay qoomár Yohánedá' Baatimaamiís niwa hardáh. Ala iimír qoomaadae Ya/abtór hho' ar waawuti'iimár Mungú kay alki/iít, nee muu tin kilooín dahamiis ar /uuru baraá waawuti'iimarihe.

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Rumi 4:15

Asma hara'aya sakwasleemár Mungú gan huwaahúp, ala didár hara'aya iwa kahh, dakuús sleeme i káhh.

Galatia 3:19

Ala gár hara'aya kingisa haniís a milá? Hara'aya kingina doók daanduú al'axweesantadí alé as dakuús ngiwa laqaan, nee iwa kumit ay dír Kristo i hardihi. Inós an oo wák baraá xwaylár Abrahamu oo al'axweesantadá' gaa slay. Mungú hara'ayaarí gana haniís dír malayke. Malayke gari hanís dír muu.

Galatia 3:22

Gooi ngaa geehhooés alki/ituuwo adór tlakweema nira baaliné' dír muu sleémeerowo. Adoorí kana geehhooeés as kahhó' mukdá' Yesu Kristo gwa haratlintii', aalidá' taa al'axweés kawa slay.

Ebrania 12:29

Asma ar ló', Munguúrén an asltá mura' sleémeero gu /aay.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.